ودي على السهره

اخواني اعضاء ومشرفين منتديات الشدادين

اسعد الله اوقاتكم بكل خير

اطرح بين ايديكم هذه القصيده الغزليه

التي تحمل بين ابياتها مطابات صناعيه امل ان تنال اعجابكم

ليه العتاب وليه كثر التغلي=خليتي الغربي تدور ابه الافكار
اشوفكي في خاطري مثل ظلي=حبك سحر عقلي واناصرت محتار
من عقب حبك صرت ارحب واهلي= واصبحت اخيل فوق زينات الامهار
يابنت ودي بس لاماحصلي=ودي وماودي على بعض الاشوار
ودي على السهره وميتين ملي= وندق بالكاسه ونلعب على الطار
واضحك معك وانتي تحت في ظلي=ونخش في جو الحلاوه والامرار
وننسا الزمان اللي همومه تعلي=واحط لك في داخل القلب تذكار
با جيك انا يابنت الاجواد كلي=واسبح معك يابنت غبات الابحار
واسج بك وانتي حياتي وخلي=واقطف ورود الحب من بين الازهار
واقوم اتل اغصون الاشجار تلي=اتلها واخذ من انواع الاثمار
بلخبط اللعبه وقولي مولي=وابا اقلب الدنيا على كل الادوار
وان كان في صدرك سواليف قلي=هات العلوم وهل نشرات الاخبار
بسمعك لين السمع مني يولي=الحال فاقد والزمن ماله اعذار
يابنت قلبي من بعدك امتدلي=الياء ذكرت الموقف اللي لنا صار
موقف خطير ومنه نفسي تملي=اسهر عيوني واصبح الحال منهار
مانساه لو سود الليالي صفنلي=وابا اقبره في الصدر مع كل الاسرار
لكن حبك في الضمير استحلي=قلبٍ همومه قطعنه بمنشار
قلبٍ على هم الزمان امتعلي=ومن القهر كنه على صالي النار
قلبٍ يطيع النفس دايم ارضلي =واخر نتيجه طاح في درب الاخطار
مشيت حتى صرت لدرب ادلي=وقعدت في الظلما ولا عندي انوار
خلوني الاصحاب واقف محلي=واقفوا وفي قلبي ثمانين مسمار
وانا الذي خليتهم محزم لي=وعلمتهم كل السوالف والاعذار
لكن يارب العباد اتغفر لي=اطلبك ودموعي على الخد مدرار
ادعيك طول الليل واقرا واصلي=يالواحد اللي للمخاليق غفار
وصلاة ربي عد مزنٍ يهلي= على محمد عد همال الامطار

تقبلواتحياتي الغربي

الله يابو عبيد

رائع وقصيدة جزله ومعانيها ذوق

الله يعينك على الحب وبلاوية يالغربي

صح لسانك وبيض الله وجهك ودمت بود.

الله يهديك تقطعت أبطونا من المطبات < هههههههههههه

الغربي
صح لسانك على هذه الأبيات الرائعة
وسلم قلبك من ثمانين مسمار
وأترك عنك الحب
الله لا يعيده وزمانه

يعطيك العافية
أبو حسام

بيض الله وجهك أخي الغربي على هذه القصيدة

المليئة بالمطبات ...!!!

نحب الشعر ونحب الغزل ولكن لا نحب المطبات

لا هنت وبيض الله وجهك

فعلا فيها مطبات .. ومطبات ..


صح لسانك يابو عبيد

صح بدنك يالامير

ومشكور على مرورك الرائع

تقبل تحياتي الغربي

مرحبا باخوي الفاضل الغربي
الحمد لله على السلامة يابو عبيد
اسعدتني عودتك للمنتدى بهذه القصيدة الجميلة
بيض الله وجهك وصح لسانك ولاهنت
وانتظر مني غـدا ان شاءالله نشر قصيدتك والرد عليها
وتقبل تحياتي

صح لسانك يا بوعبيد

مــــطـــبـــات بس حلوه

بيض الله وجهك وإلى الأمام وتقبل مروري

وتحياتي

نواف الشدادي

اللهم صل وسلم على نبينا محمد

صح لسانك .. يا الغربي

سلمت ولاهنت ..

الغربي صح لسانك ........

ولاهنت قصيدة في قمة الروعة.....
تحياتي.......