الا يا وجودي

من الجديد اتمنى ان ترتقي لذائقتكم

الا يا وجودي وجد شيخٍ محمل دين=سبايب ردى ربعه سبب طيب نياته
والا يا وجودي وجد من مات له طفلين=سبب حادثٍ حرّم بدنياه ضحكاته
والا يا وجودي وجد من يصفق الكفين=على ماضيٍ فاته يراجع ملفاته
والا يا وجودي وجد من شاف له غالين=تشمت بحاله يوم دارت مساراته
والا يا وجودي وجد من شاف عقب الزين=حظوظٍ تعكس ما بقى غير وناته
والا يا وجودي وجد منهو قدم دربين=فراق الابو والا وليفه ومرضاته
والا يا وجودي وجد منهو على همين=صدود القريبين و خليله وصداته
والا يا وجودي وجد من شاف له وافين=يوفّون حقه والذرى فيه شماته
والا يا وجودي وجد من فاقدٍ طيرين=حرارٍ مثل عينيه زادت حسوفاته
والا يا وجودي وجد منهو طلب دمين=من اسباب من شافوه ساطي بوقفاته
وقع في حبال اللي دعو وقفة الساطين=معك للقبر قالو وضحكو بعد جاته
والا يا وجودي وجد من شافهم مقفين=عرب بينهم مضنون عينه وهو فاته
ليا هبت الذكرى سرى مع عرب سارين=وخلى عجوزه ترجي الغير مداته
والا يا وجودي وجد من هي فدت باالعين=على من ولد اعور وتبغي مسراته
وكل ما تبي شوفه شكى منظرٍ هو شين=لجل عينها عورا زعم كثر نكباته
والا يا وجودي وجد من يقسم الصفين=ليا من حضر فاالمعركه هبت صيحاته
غزى مرةٍ والقوم لعبو على الحبلين=لقى الغدر يوم القوم ذبحو بنياته
والا يا وجودي وجد من شاف عقب اللين=قساوة عياله يوم يبحث لمنجاته
يصوت قبل حذفه ودمعة على الخدين=عيالي وفيت الكم وهاذي هي اجزاته
والا يا وجودي وجد من باق له يومين=ويحكم قصاصه فاالرفيق بملفاته
ينظف سلاحه ما درى غير شاف الشين=يودع رفيق الروح من طلقةٍ جاته
انا اللي دعى وجده على شوف عقب الزين=الا ويل من شافه تعجّل به اوفاته
مشينا بدنيانا مثل غيرنا الماشين=وشفنا العجب يوم الدهر زاد ميلاته
وفينا على اللي ما يقدر وفى الوافين=والا ويل من يمشي على طيب نياته
يذوق المراره يوم تدمع له العينين=ولا اقسى من الوافي ليا هلّ عبراته

وسلامتكم جميع ,,

صح لسانك

وعلا شانك أخوي

ولاهنت على القصيدة الجزلة

مميز ومبدع ومذهل بكل نص لك

صح لسانك واعتلا شانك


أبيات جزله من شاعر جزل

.



سِلمتْ وَ دُمتْ يَ الروُقيِ
وَ حيَّ هَلابكْ إِحساسُ مَاطِر جوُداً وَ وجداً
نَّصْ إِستوُقفنيْ كَثيِراً بِكُلْ مَافيِه منْ معانٍ وَ جزالَّة
صَّح الله مَنطوُقكِ حتىَّ تَرضىَّ وَ سَلِمَ شعوُركْ الزاخِر دوُماً .


إِعتلَّتْ الغيمْ وَ وشحَّت بـِ التميّز وَ تربعَّتْ
علىْ عَرشْ التَنيِهاتْ + لايِكْ

يعطيك العافيه على الطرح
مآننحرم من جديدك المميز
إحترآمي وتقديري

الله الله
يا أبو سلطان
شاعر عذب وجميل وأكثر من رائع
تسلم يديك ويعيش قافك المميز
وصح لسانك ملايين

*
صح لسانك والله يعطيك العافيه

بنت النشامى


صح بدنكي واشكركي على المرور الجميل

		المشاركة الأصلية بواسطة : ضياء القمر اقتباس
	مميز ومبدع ومذهل بكل نص لك صح لسانك واعتلا شانك أبيات جزله من شاعر جزل

اخت ضياء القمر الابداع لايكتمل الا بمروركم وصح بدنكي ولاهنتي على المرور والتعليق المميز

		المشاركة الأصلية بواسطة : ! سارة الغيد ! اقتباس
	. سِلمتْ وَ دُمتْ يَ الروُقيِ وَ حيَّ هَلابكْ إِحساسُ مَاطِر جوُداً وَ وجداً نَّصْ إِستوُقفنيْ كَثيِراً بِكُلْ مَافيِه منْ معانٍ وَ جزالَّة صَّح الله مَنطوُقكِ حتىَّ تَرضىَّ وَ سَلِمَ شعوُركْ الزاخِر دوُماً . إِعتلَّتْ الغيمْ وَ وشحَّت بـِ التميّز وَ تربعَّتْ علىْ عَرشْ التَنيِهاتْ + لايِكْ

مشرفتنا المتالقه دوما ساره اشكركي على التثبيت والمرور والتعليق المميز