يـارب .. كانـه مـا حصـل ألاقـيـه ............

يـارب .. كانـه مـا حصـل ألاقـيـه

يـارب كانـه مـا حصـل ألاقـيـه =والقـى معـه روحـي و نـبـض ٍ فقـدتـه؟؟
خـذ عمـري اللـي باقـي ٍ لـي .. فلابيـه =أنـا وعَـدت .. وبـأوفـي الـلـي وعَـدتـه
ال( لا ) .. لغيره .. بس له ؟ .. تنقلب ( إيه) =وقّـعـت بإسـمـه خافـقـي واعتـمـدتـه
الله واكبـر مـن كـثـر مـانـي اغلـيـه =لا زاد هجرانـه / مــن الـوصـل زدتــه
عهدي بـه اصـلاً .. مايجـي ليـن اناديـه =واليـوم مـا جـاب الـنـدا مــا عهـدتـه
مليـت انـادي وانشـد الكـون وش فـيـه؟ =ولا مـن مُجيـب - الا الصـدى - لا نشدتـه
ولامـن سألنـي خاتمـي ويــن راعـيـه =أهـذي علـيـه وأحـسـب انــي أفـدتـه
إحتار صوتـي بيـن الآهـات وال( ليـه) ؟ =وباقـي الحكـي ضايـع .. ولـوّي وجـدتـه
تضيـق بـي دنيـاي اذا جِـيـب طـاريـه =حسـره علـى وقـت ٍ مـعـه مــا قعـدتـه
وقتـي يـا إمـا ْهـجـوس والا مشـاريـه =نفس الشريـط اليـا انتهـى .. قمـت عِدتـه
أخفـي دمـوعـي بإبتسـامـات ووجـيـه =واوصـف جنـون ٍ فالهـوى مـاااا شهـدتـه
والهـمّ إبـن ٍ مـا اعَـرف كيـف اربـيّـه =والا الفـرح ؟.. جـا ميّـت ٍ مــن ولـدتـه
يـارب ياللـي مـالـي الا انــت اناجـيـه =ولا غيـرك احـد ٍ فــي حيـاتـي عبـدتـه
خذنـي اذا انّـي بـعـد مـوتـي بألاقـيـه =وش لـي بهالدنـيـا عـقـب مــا فقـدتـه

للشاعره / عبير بنت أحمد

صح لسانها ويعطيكِ العافيه ع النقل نشميه

كل الشكر والود لكِ

الى اللقاء

نشمية

قصيدة رائعة ونقل مميز

صح لسان الشاعرة وسلمت

يدينك على هالنقل الجميل والراقي.

ال( لا ) .. لغيره .. بس له ؟ .. تنقلب ( إيه)=وقّـعـت بإسـمـه خافـقـي واعتمـدتـه

صح لسانها ,,


قصيدهـ رائعه ,,

وتسلمين على النقل ,,

//
//

بـنـت أبوهـــا

نشميه

صح لسانها

واختيار رائع منك اختي

حفظك الله

صح لسان الشاعرة

عبير أحمد

شكراً نشمية

		المشاركة الأصلية بواسطة : الولهان اقتباس
	صح لسانها ويعطيكِ العافيه ع النقل نشميه كل الشكر والود لكِ الى اللقاء

هلابك ملايين

صح بدنك ولاهنت


تحياتي لمرورك العذب
دمت بود

		المشاركة الأصلية بواسطة : الأمــــــــير اقتباس
	نشمية قصيدة رائعة ونقل مميز صح لسان الشاعرة وسلمت يدينك على هالنقل الجميل والراقي.

هلا وغلا

مروركم الأروع ربي يسعدك

صحت روحك والقايل يسلم يارب

تحياتي لك

روووووعة القصيدة تسلمين على النقل الرائع .....

يعطيك العافية ....

دمت بود ......

مشكوره اختي على اختيارك المميز

احترامي