المبهمة

الشر في عين بدوي والموت في بطن البحار=واللي حفر قبره بكفه يعرف انه مسكنه
هنا هنا خذ علمنا ياصاحبي والدم حار=هنا بحثنا علمنا هنا علينا ندفنه
الدلة اللي ماتبهر يالضعيف امن البهار=ماهيب دلة لو تجيك من اللهيب مدخنه
مايأخذ علوم البشر من اليمين ومن يسار=الا ضعيفآ راح يتبع بايعين الالسنه
ياصاحبي انته بشر مانت بقمر ولا ردار=ذيك السنة قد قلت لك واعلمك هذة السنه
افهم كلامي زين يامهبول مدري يا....ار=اخذ العلوم اللي تجيك من الرجال مثمنه
والمنزل اللي فيه بس وفيه كلب وفيه فار=بكرة يامهمل منزلك تبي تجيك الدركنه
خلك كذا خلك كذا لاتنحرف عن المسار=والصيده اللي طرفت على العيار امقننه
رجلاً بلا ربعه لونه عاش في عز وقار=عشاً على غصن شجره نسمة عليل اطمنه
وللي وراى غرات ربعه مثل حفار الجدار =اقولها وتقولها يجعل ربي يلعنه
بخيل بيت وشين صيت ولا يجيه الأ الغبار=ياخذ طريق الميسره واخذ طريق الميمنه
شف الذهب شف الحديد شف النحاس كله عيار=لكن كلن ياغبي يرجع صحيح اللمعدنه
والرجل يرفع هامته عن المواضيع الصغار = مهو كما الجوال كلن يا عميلي يشحنه
وحقر الرجال اخس شي والكبر شر العمار = راعي الكبر من عادتي على الرصيف مركنه
اللي براسه دندنه عان العرب في قندهار = ياخذ شميزر صاحبه ويذن بصوت المذنه
خلك سوات الاولين اللي مثل وضح النهار = افعالهم في صفحة التاريخ شامه بينه
عمار يا ذيك السنين اللي بها عاشو عمار = ماهو زمان ابو لهب ومسيلمه والحنحنه
هذة قصيده مبهمه فيها الثمينه والخيار = ختم محمد فوقها والدر موجود احسنه
افهم كلامي زين والا روح لمجنن شهار = زد قلت لك ذيك السنه وعلمك هذه السنه

الشاعر/محمد سعيد الحارثي (محيسن)

محيسن

لله درك على هذه الأبيات التي تحمل من الحكمه الشي الكثير

وللي وراى غرات ربعه مثـل حفـار الجـداراقولهـا وتقولهـا يجـعـل ربــي يلعـنـه

في هذا البيت ذكرتني بالشاعر بندر بن سرورحينما قال

رجل يحاول بالردى بنت عمه ورجل يحاول ستر عذرآ عوانيه

تقبل مروري

هذه قصيده مبهمه فيها الثمينه والخيار
ختم محمد فوقها والدر موجود احسنه
وانا اشهد شهادة حق ان الدر موجود احسنه واغلاه اخوي محيسن اقل شي اقدر اقوله انك شاعر بحر وقصيدتك يعلم الله انها من ضمن اجمل واقوي القصايد اللى سمعتها حكمتك فيها واضحه وقوتك الشعريه ماتخفا على احد الله يبيض وجهك وصح لسانك مليارات
تقبل تحياتي,,,,,,,

صح لسانك
وبيض الله وجهك يامحسن
شاعر قوي ومتمكن

تحياتي لك

صح لسانك ملايين يا محيسن انا اشهد انك شاعر جزل ابيات في قمة الروعة والجزالة الله يوفقك ويقويك
تقبل مروري.

تحياتي وتقديري.

ابن رزيق مرور شرواك
على القصيدة يعتبر قصيدة ثانيه
مبدعه مرورك اسعدني جدآ جدآ
والطيب لاجا من مكانه ماحدآ يستغربه

القاف الحزين
شكرآ على مرورك واحترامي
يامبدع

رعد الجنوب الله لايهينك
ويسعدك يالغالي

محمد المريري شكرآ ياشاعر الابداع
على مرورك الذي انار القصيدة

صح لسانك وبيض الله وجهك
قصيدة من القصايد الجزلة وابياتها قوية ومحبوكة بإتقان لايستطيع ان يكتب مثل هذه القصيدة إلا شاعر بحر ومتمكن..
ومرة آخرى اقول صح لسانك مدد بلا عدد يامحيسن
والله يعطيك العافية ..