حذراك حذراك لا تبتلي بجروح يصعب دواها

مـجـمـوع الأوسـمـة · توقيع : بنت الجنوووب

حذراك حذراك لاتبتلي بجرووح يصعب دواها=وإذا مشيت اعرف دروبك وممشاك
واحرص على نفسك وخالف هواها=أمارة بالسوء ماهي بتنهاك
اقبض عليها لين يجلى صداها=اقطع نواياها بدينك وتقواك
هلل وعند الله سريع شفاها=والعين لاتنظر بها من تعداك
المحصنه لو تلتفت لك وراها=اصبر على همك وغمك وبلواك
عف وتعفف لايغرك حلاها=واترك حرام القوت ماهو بيملاك
كل البطون الجايعه ماملاها=النار في جوفك وتصلى حناياك
نار الجحيم تزيد للي وطاها=الهرج ميزانك ويكشف خفاياك
كلمه تعيبك لاتبين مداها=صون الكلام وصون نفسك ومبداك
للنفس حشمه لاتفصم عراها=اصمت مدامك عارف سير مجراك
لاتنقل النمه وتبحث خفاها=يزول قدرك عند اقرب دناياك
لو هو ولد عمك حياتك جفاها=واحلم ترى بالحلم ترفع مزاياك
هو سيد الأخلاق هو مبتداها=وصى به المبعوث ماهو بيخفاك
شفيعنا يوم الملاقاة طه=خل الجهل لاتجعل الغير ياطاك
ترى الجهل سم القلوب وعماها=وإذا ابتليت ارفع إلى الله شكواك
لابدها الايام تكشف غطاها=اصبر يزين الحظ ويزين مرماك
الله يفرجها ويدفع بلاها=لاتمنع المحروم لامن تنصاك
الناس لاجل الناس واحسن عطاها=ابذل لوجه الله والله يجزاك
مثل الغروس الطيب للي سقاها=لاضاع معروفك ولاضاع حسناك
إن كانها لله تلقى جزاها=جارك ولو هو جااااااار تسقيه من ماك
عليه لاترفع يدينك عصاها=احسن جوار الجار لوكان يشناك
ترى العرب تحشم كلاب قصراها=بكره يشد ويكتب الله فرقاه
عساه يذكر جيرتك مانساها=الظلم شين ويجعل النار مثواك
راع الظليمه عيشته ما هناها=فوقك إله العرش عالم نواياك
ينظر قلوب الناس وش محتواها=يسمع بما تجهر وعالم خفاياك
بامره شروق الشمس ترسل ضياها=هو عالمن بالغيب وركب خلاياك
هو خالقن ذييك العروق ورواها=والضيف له حقن اذا حل بحماك
قلط ضيوف الله واكرم لحاها=لا تحقر الضيفان وتشح بغذاك
مما عطاك الله قلط عشاها=وعليك باللي حزة الضيق يفداك
لا شانت الدنيا ودارت رحاها =لامن زهمته لو على الموت لباك
عيني لجل عينك وروحي فداها =ترى الخوي نبراس روحك و ملجاك