ياكليب شب النار ياكليب شبه؟

للشاعر دغيم الضلماوي الشمري الذي اشتهر بالكرم
وشـب النار في الساعات المــــــتأخرة من اللــــــــيل
وذلك لتــــــــجذب الضـــــــــيوف كما ورد في قصيدته
المشـهورة وهذه قــــــــــــــــــــــــصيدة دغــــــــيم:

يا كليب شب النار يا كليب شبه =عليك شبه والحطب لك يجابــي
وعلى انا يا كليب هيله وحب=وعليك تلقيط الدلال العذابـي
وادغث لها يا كليب من سمر حبه =وشبه الى من عفا كل هابـــي
باغي الى شبيتها بالـــــمشبه =تجذب لنا ربع ســــراة غيابـــي
بنسريه يا كليب صلف مهبه=لا تنعسف لكن بها سم دابـــي
خطو الولد لوله زبون وجبــــه =تاتي عليهم من حساب الزهابي
لا باطن الهلباج خطو الجلـــبه =يا حلو خبط عصيهم بالركابـي
اطمر لهم وابدي سلام المحبـــه =لا جوا على هجنن بيدهم خلابـي
مع كبش مصلاح لك الله نجبــــــه =لا دبر الهين متين العلابـــي
الاوله يا كليب عجل مصبــــــه =والرزق عند الله منشي السحابي

سمع بالقصيدة الامير محمد وزعل "يمكن على شان ماذكرة بة لانه على وقتة كان بن رشيد يعطي الرجال منايح وخاصة اللي ينصونهم الضيوف من بعيد مثل دغيم"

فقام الامير محمد ودعاة يوم جاء دغيم
قال بن رشيد:وش خليت من الطيب لغيرك يادغيم
وقال هذه القصيدة دغيم الظلماوي

مدة رهن لولاك ماقلـت ياكليـب= ولا قلت عند النار صر موقد لـة
ياطير شلوى يابعيـد المراقيـب= لو تستحي ماتاخذ الطيـب كلـة
تملا محاليـب وتكفـي محاليـب= وكبـد تيبسهـا وكـبـد تبـلـة
يابو المحرول والعمى والمحاديب= وابو لمن صار العصى ثالث لـة
وابو لمن يمشي قصر رجلة العيب =ومن ضامتة بقعاء تصير ولد لة
يالجوهر الناريز يالعطر يالطيب =ياعنبـر مـن عاملـة مايمـلـة

هذه القصه للقصيدتين على حسب علمي ... منقوووووووووول

بسم الله الرحمن الرحيم

اخوتي واخواتي في هذا المنتدى الرائع بعد التحيه يسرني ان انقل لكم قصة قصيدة (ياكليب شب النار ياكليب شبه) الشهيره

ياكليب شب النار ياكليب شبه = عليك شبة والحطب لك يجابـي

هذه قصة للضلماوي والكثر الكثير يعرف هذا البيت ولاكن يجهل قائله وماهي مناسبة قوله وبعهد من .
هذه القصه امل اني افيدكم بها :-
على وقت الامير محمد العبدالله الرشيد ذاع صيت / دغيم الضلماوي الشلاقي الشمري ذاع صيته بالكرم وخاصة القهوة اللي يقول به :-

ياكليب شب النار ياكليب شبه = عليك شبة والحطب لك يجابـي
وعلي أنا ياكليب هيله وحبه = وعليك تقليـط الـدلال العذابـي
وادغث لها ياكليب من سمر جبه = وشبة الي منه غفى كل هابـي
باغي ليا شبيتها ثـم قبـة = تجلـب لنـا ربعـا سـراة غيابـي
بنسريةً ياكليب صلفا مهبه = لاهـب نسناسـه تقـل سـم دابـي
سراة بليـل وناطحيـن مهبـه = متكنفيـن وشوقهـم بالعذابـي
الوالمة ياكليب عجل بصبه = والرزق عند اللي ينشى السحابـي
صبة لقرما صرفته ماحسبه = يوم البخيل مكنهب الوجـة هابـي
وصبة لمنعورين ليا جاة نبة = يرخص بعمره والدخل لها ضبابي
وعدة عن اللي مايداري المسبه = اللي يدور بالقصيـر الغيابـي
عن الطيب عده نازلا له بغبه = يضرب علي درب الخطا مايهابي
لا باطن الهلباج خطوا الجلبة =يا حلو خبط عصيهـم بالركابـي
أطمر لهم وأبدي سلام المحبه = لا جو على هجناً يديهم خرابـي
سلام أخلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا أدبـر الهيـن متيـن العلابـي
خطو الولد يوم الملاقي نكبه = يأتي علينا من حسـاب الزهابـي
وحتى ايش لو يلبس وبينن وجبه = معيرة على غضير الشبابـي
أنا لقيت الصبر يازين غبه =يرقيك رؤوس مشمرخات الهضابي
من لاصبر ياكليب في حكم ربه = هذاك يوم البعث ماله ثوابـي
يقولها اللي ما حسب المسبه = ولا عرقل الاجواد ببعض الهلابي
هذا هوى بالي وهذا مطبه = من قبـل مايسفـح علينـا الترابـي

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

الوالمه يا كليب عجل بصبه = والرزق عند الليي ينشى السحابي

يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .
قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :-

مده رهن لولاك ماقلت ياكليب = ولا قلت شب النار وصر موقدا له
في ليلة تجدع سواة المشاهيب = نسرية تلصق خليل لخله
نطعن بعزك ياحصان الاطاليب =عسى الله جمع حزمتك ما يفله
يالجوهر الناريز يالمسك يالطيب =يا عنبرا من جربه مايمله
تكفي محاليب وتملى مجاليب = وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب =سامح عسى اللي عقبك بألف حله

اخووي الكريم كضعان قصيده رائعه جدا
صح لسان قائل القصيده
وقصه رائعه ولا ارووع
ما قصرت اخووي على الاختيار الرائع للقصه
يعطيك الف عافيه.

اخوي كضعان اشكرك جزيل الشكر على اضافتك للقصيدة
واشكر عطووور على المرور الجميل
الشكر موصول للجميع

الله يسلمك ياكضعان
امتعتنا بالقصة يالنشمي ..
وتعتبر هذه من قصايد القهوة المشهورة ..

مشكور اخوي كضعان على القصه

والقصايد الرااائعه الله يعطيك العافيه

يا زين الكرم وعلوم الرجال وحرارة دمهم وترحيبهم

القهوة من مضارب الكرم لدى الرجل البدوي

واشتهر بها عن غيره

ومن تكريمهم للضيف أن الذي يقوم بعمل القهوة هو الرجل

وذلك زيادةً في تكريمه وحسن ضيافته

الله يعطيك العافية يا كضعان

شكرا على مرروووووووووووو ر الجميع

وان شاء الله عجبتكم القصه

اخووي الكريم كضعان قصيده رائعه جدا
صح لسان قائل القصيده

صح لسان قايلها

الله يعطيك العافيه على الموضوع