آخر 10 مشاركات |
مختارات | عَن ابْنِ عَبَّاسِ رَضِيَ الله عَنْهُما: أن رَسُوَل اللهِ صلى الله عليه وسلم قَالَ : "إنَّ الله تَجاوَزَ لِي عَنْ أُمَّتي: الْخَطَأَ، والنِّسْياَنَ، وَمَا اسْتُكْرِهُوا عَلَيْهِ" |
|
|||||||||||||||||
كسرة البدوة من الشدادين للقريشات من سبيع
الفارس مغيب بن ناشي ابا العيش واخيه الفارس مزيد بن ناشي ابا العيش (اخوان زويده) من اشهر فرسان خامس البدوة عرف عنهم الفروسية والشجاعة والاقدام ولهم الكثير من الاخبار والمغازي والبطولات. من قصص بطولاتهم ما سنرويه لكم اليوم يقولون وخذت ثلاثة ذيدان من البدوة (ابل شدا ابن عايض ) و( ابل ذوي صائل ) و( ابل ذوي حاضر) واقفوا عليها القريشات وجاء الصايح يصيح بوخذه الابل والعرب لم يكن لديهم علم بالغزية وفزعوا البدوة ومن معهم من الشدادين وجمعوا خيلهم ولحقوا بهم وعلى راسهم عجير بن مهرس وشدا بن عايض وغلاب (راع السرجاء) والفارس مغيب بن ناشي رايح يخبط لاباعره ولا معه الا (مخصفته) ومخباطه ويوم شاف الصياح والفزاع وهو يعترضهم الا اخوه الفارس مزيد بن ناشي جايه على فرسه لاحق قال يا مزيد عينت الحصان وينه هو؟ قال مزيد الحصان يوم ركبت الفرس والا الحرمة ومرزوق بن ناشي متلازمين عنده ... مرزوق يقول اباخذه وبلحق الفزوع و ( مرأة ) مغيب تقول لا والله مغيب بن ناشي بيجي لحصانه ويلحق عليها قال مغيب لا والله الا اخذه مرزوق الحصان ؟ تكفى يا مزيد خلك عندي تراه ليا شافك عندي مهوب مجنب عني اما ليا شافني لحالي والله ليخليني مير لزمني حصاني ومزيد يعرضها معه ... والفزاعة فزعت وعجير بن مهرس يحجر سبيع ويبرى لهم ويقول خلهم يتلاحقون الفزوع يوم تعينوا والا مرزوق جايهم فوق حصان مغيب وينزل على مغيب ويحب خشمه وقال : تكفى يا مغيب بألحق القوم على الحصان قال مغيب : لا والله يا مرزوق ( وكان مرزوق يبلغ من العمر 16 عام تقريبا) ويركب مغيب على ظهر حصانه ومزيد على فرسه فزوع مع درب القوم ... شدا بن عايض يقولون ثربت فرسه وانقطعت وراحت الخيل عنها ، وعواض اخو شدا بن عايض كان مع الابل يوم وخذت ومعه رمح يوم شاف مغيب فازع وهو يعترضه قال : تكفى يا مغيب هاك رمحي برده بنت رخوه .. (بنت رخوه ضيرين شتوية) قال تراها بتطير مع العرب ليا ظهروا من الابل قال مغيب : شف يا عواض ان كانها راحت مع خيل ف ابشر بها من الحين وان كانها راحت مع مركي (الجيش) تراها حظ ونصيب ... واخذ رمحه ولحق مع القوم وفرسان القريشات يشوفون فريس البدوة وهم يطلعون من الابل ويخلونها ... والبكرة تعارض خيل القريشات ويلحقونها (بني ناشي) ويطقونها بلحيها لين ردوها ... وعقيد القوم ( فهيد بن وندان القريشي ) يثنى دون ربعه وبندقه معه ويرمي على قفى وهو مقفى ظاهر من الابل ... قال مغيب تكفى يا مزيد يا اخوي الفارس هذا لنا فيه طمعة (فرسه _ بندقه) يقولون الرواة فرس مزيد ارهى من حصان مغيب .... قال مغيب انا بأشغله من يمين بالرمي وانت تعال من يسار ومغيب يشغله من يمين بالرمي ما درى الا مزيد حاذف عليه عنان فرسه ومحول به عن فرسه قال مزيد يا مغيب امسك الفرس لا تروح والا عجير بن مهرس وراهم وهو يرميها الا هو ذابحها .... قال (فهيد بن وندان) امنعني يا عجير قال عجير: ما امنعك ولا لك عندنا منع اذبحوه يا اهل الخيل ... وهو يصيح لربعه تكفون يالاد العسيلي يا عيال ابوي لا تخلوني وهم يلتفتون فيه قال مغيب بن ناشي : تراه في وجيه بني ناشي منيع وسبيع ينصفقون عنه بعد المنع منكسرين ... و(ذوي ناشي) ياخذون فهيد بن وندان معهم ( اسير ) عند مغيب ، وسبيع لما امسى عليهم الليل يترادون فيما بينهم قالوا: اخاف يذبحونه قال بعضهم : لا هو في وجه بني ناشي ، وقبل طلوع الشمس (جهمة) ومغيب بن ناشي يحلب اباعره ما دروا الا ( عبيد بن وندان ) اخو (الاسير) معهم ويشرب من حليب الابل قالوا : انت من قال انا عبيد بن وندان اخوي فهيد وشلونه؟ قال مغيب ابشرك طيب ... وجلس معهم نهار معززين مكرمين وعطوه زمالة ورجعوا لاهلهم عبيد واخوه فهيد (الاسير) . والى اللقاء في موضوع اخر ودمتم بود
التعديل الأخير تم بواسطة السلطان ; 04 May 2019 الساعة 09:06 PM
|
26 Apr 2019, 06:47 PM | [ 2 ] | |||||||
شاعر
|
رد: كسرة البدوه من الشدادين للقريشات من سبيع
ونعم والله بربعنا البدوة كلهم ونوماسهم نوماس لنا كلنا وعساهم على القوة وأنت ما قصرت يا بجاد وعسى عمرك طويل |
|||||||
|
||||||||
27 Apr 2019, 01:14 AM | [ 3 ] | ||||||||
مؤسس شبكة الشدادين
|
رد: كسرة البدوه من الشدادين للقريشات من سبيع
ارحب يا بجاد والله يحييك في منتداك ونعم بالبدوة وبكل رجال الشدادين والله يرحم ميتهم ويحفظ حيهم ويجعلهم على العز والطاعة اليوم ودوم واشكرك على المشاركة وننتظر منك الجديد دائماً |
||||||||
|
|||||||||
27 Apr 2019, 02:46 PM | [ 4 ] | |||||||
عضوة متميزة
|
رد: كسرة البدوة من الشدادين للقريشات من سبيع
الله يعطيك العافية أخوي بجاد والنوماس للشدادين كلهم وكلهم عيال رجال واحد ما فيه فرق بينهم أبداً والمفروض تكتب السير باسم الشدادين وليس باسم خوامسهم |
|||||||
|
||||||||
28 Apr 2019, 11:13 PM | [ 5 ] | ||||||||
مراقب عام
|
رد: كسرة البدوة من الشدادين للقريشات من سبيع
تسلم ياابجااد واسعد الله والله يرحمهم وحياك الله وحياك ونعم طبت بخير |
||||||||
|
|||||||||
01 May 2019, 11:10 PM | [ 6 ] | ||||||||||||||||||||||||||||
عضو جديد
|
رد: كسرة البدوه من الشدادين للقريشات من سبيع
|
||||||||||||||||||||||||||||
01 May 2019, 11:19 PM | [ 7 ] | ||||||||||||||||||||||||||||
عضو جديد
|
رد: كسرة البدوه من الشدادين للقريشات من سبيع
وجعلك فالوجود لا عدمتك ولا شكر على واجبنا في حفظ ترآث جدآانا (الله يرحمهم واموات المسلمين) |
||||||||||||||||||||||||||||
01 May 2019, 11:21 PM | [ 8 ] | ||||||||||||||||||||||||||||
عضو جديد
|
رد: كسرة البدوة من الشدادين للقريشات من سبيع
وشكرآ على مرورك |
||||||||||||||||||||||||||||
01 May 2019, 11:26 PM | [ 9 ] | ||||||||||||||||||||||||||||
عضو جديد
|
رد: كسرة البدوة من الشدادين للقريشات من سبيع
ولكن تسميتنا للفرسان ونسبتهم لخامس البدوه للمعرفة ولحفظ التاريخ .. |
||||||||||||||||||||||||||||
04 May 2019, 08:33 PM | [ 10 ] | ||||||||
عضو متميز
|
رد: كسرة البدوة من الشدادين للقريشات من سبيع
الله الله هذي هي العلوم اللي تنومس والله يبيض وجهك يا بجاد ويرحم أمواتنا وجميع أموات المسلمين ويغفر لهم ويجعل مثواهم الجنة |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|