| آخر 10 مشاركات |
| مختارات | أجْهَلُ النَّاسِ مَنْ كانَ على السلطَانِ مُدلاً وللإخوانِ مُذلاً |
| مواضيع ننصح بقراءتها |
|
|||||||
05 Dec 2009, 10:57 PM
|
||||||||||||||||||
|
||||||||||||||||||
يا ما أسهل الدنيا :: مهما تعاندنا {الفصل الخامس}
::
:: (قبل زواج ريم بيوم ).. الرجاجيل ناصبين خيام نظام فندقي بس بخيام كراسي مذهبة وقهوجيين وعرضة وشعّار وبدر قايم بالعرس وماخلا شي ماحطهوالدنيا مو سايعته من الفرحة زواج الحريم تحت أوامر قماشة الصارمة .. 1 / العرس ببيت أبوها لأنه قصر مايحتاج خساير ومايستاهلون ! 2 / الطقاقات مانبي نزعج الحي والفرحة بالقلب (ماتبي ريم ومضطره تاخذها عشان ماينهد اللي تبنيه طول السنين ) 3 / القهوجيات ماله داعي بنات سعود طول عمرهن مرفهات ماهي متكسره ايدينهن لاصبن القهوة ياعلهن الكسر ! 4 / لوتموت غالية مارزيتهم بهالعرس طول عمرها الحريم يقدرنها ويحترمنها وصيتها واصل الرجاجيل بأخلاقها وحياها بس أنا بوريها وماني مفرحتها بأول بنت لها وعساهم من هالحال وأردى.. في المقابل في قصر سعود : ريوف بغرفتها وجالسة على التسريحة ومتربعة وبيدها دفتر ورافعه شعرها وتقرأ خططها حقت العرس وتبتسم ابتسامة نصر وترفع راسها لخواتها وكأنها في خطبة سياسية " ريوف: إحم إحم ياهوه ياعالم يابنات سعود الموقرات انتبهن إلي يارعاكنالله نوالوه اصفطي ارجولك واحترميني لأقوم أتوطى ببطنك<< تهايط كالعادة وتناظرها نوال بنظرة قوية وتبلع ريوف ريقها وقالت : عفواً أقصد لوسمحتي نوال ممكن يعني لو تكرمتي وإذا ماعليك كلافة تجلسين زين أو إذا ماتقدرين أخلي مها تصفطها لك لأني ماعرفأتكلم وأنتم مو مرتبين قدامي لازم تنتبهون لي نوال : أشوى على بالي بتهاوشيني وجلسنا زين اخلصي وش عندك (أصغر من ريوف لكنها قوية وريوف تخاف منها وتسميها الحكومة ) ريوف : مها الله يرفع عنك ولايبلانا أنتي وش تقرين باكر العرس والدنيا هيصة برى وأنتي هابلك أجاثا كريستي لعنبو حيك الناس يقرون رومانس حب عاطفة شي من هالقبيل وأنتي جرايم وخطط اكتشاف الجريمة هذا اللي خرب مخك وخلاك تفكرين بعقلك اليابس وقلبك صافطته على جنب ياويلي عنك يا ولد عمي هايم بمها وماينام الليل والبنت في عالم ثاني قال إيش قالت الحب حركات مراهقة وكذب ومافيه حب حقيقي أجل أنا وش ذبحني يا مها غير هالحب ! مها تسكر الكتاب وبكل برود وتعدل النظارة حقت القرايه : في هذه الحياة نحتاج أننا نعمل العقل أكثر من القلب ياريوف وإذا لم تفكري بعقلك أيتها المجنونة سيأتي الوقت الذي يدوس عليك قلبك ولاتستطيعين أن تدوسينه والحب مذلة ويجب أن تكوني في عزة المحبوبة وليس في ذلة المُحِبّه ! ريوف بتريقه : أحقاً ياأختاه ماهذا الهراء أقول والله من فراغة عقلك والله يعوض أمي فيك لعنبو بليسك أنتي تيأسيني من الحياة ومن الحب وأنا ماخشيت الدنيا مها: كل هذا وماخشيتيها وسوالفك أنتي وريان طول هالسنين أجل لو إنك خاشتها وش تسوين ع بالك مادري عن خرابيطكم ريوف : آآآآآآه ياقلبي بعدين تعالي (وهي متروعة ) أنتي وش دراك عنيعلى كثر الخش والدس إلا إنكم كاشفيني وأنتي بالذات وجهك بالكتب والروايات وشلون سمح لك الوقت تكتشفين قصة الحب العظيمة بيني وبين حبيبي ريان يالبى هالطاري والله يابعد طوايفي مها: مايحتاج تكلمين إن العيون على القلوب شواهد ريوف : يااااااااااااه ياحلو هالبيت لاتكملينه ترى بذوب مها : يافضحي فضحاه استحي على وجهك حبيبي وبذوب لازم تصيرين ثقل.. ريوف: يلعن أبو الكبته طيب وش أسوي أحبه وأموت فيه وفاضهالعشق ووصل مرحلة الانفجار ياوجه أبوي وجهك ياريان (ريوف تحب تعاند مهاوتبغى تغيّر طبايعها عشان تسهل عليها المهمة وتقدر تقنعها بحب ولد خالتهاأخو شوق اللي ماهي مقتنعه فيه عشان شوق تستانس وعزام يعطيها البشارةبالموافقة المبدئية ) مها: وصلت المواصيل تحطينه بقدر أبوي يالخبلة ريوف بكل إحساس : ياوجه أبوي وجهك يالغالي وربي يسواكم يالعنزات وتغني بصوتها العذاب أغنية الجسمي : مالي عزى من دونه لي تيّمني هواه كل الحسن في عيونه في ويهه ومحياه الناس مايسووووونه لي عالي مستوااااه (وتأشّر على خواتها بمعنى إنكم ماتسوونه ) إلا .. مخدتين طاااااااااايرات من نوال ومهاوضربت راس ريوف من يمين ويسار وصقع بالمرايه ريوف تحك راسها وتصرّفها أأأأأ ونرجع لموضوعنا يابنات أبوي ريلاكس ياحلوات حصل خير قبل شوي تعطّل عندي العقل كالعادة مامن جديد وانتبهت لريم جالسه على الأريكه وبعالم ثاني ريوف: وشفيها الريم مسفوهه العرس باكر مو اليوم ترى بتموتين من الجوعأسبوع ماكليتي ولاوجبه وماتنامين والله لو إنه أنا باخذ حبيبي لاأرقص من الوناسة مو كني طالع لي جني وصايبتني روعة ريم ووجهها أصفر ومتروعة وماتدري وش يقولون: هاه وش قلتي نوال : ياهوووووووووووه اللي ماخذ عقلك مها: ريم ترى مو زين لك عايشه على هالعصيرات كلي شي باكر ماراح تاكلين شي .. ريوف ونست الاستهبال ورحمت ريم وطلعت وجابت لها كرواسان بالزبدة وعصير برتقال وحطت بجيب بجامتها حبوب وبراسها بتخليها تاكلها ريوف: ريمي عشان خاطري إكلي من يدي قبل لايوكلك بدر قبلي وضحكو البنات على شكل ريوف تفتح فم ريم بالغصب وتوكلها ريم : خلاص والله بطني يوجعني ميته خوف وأحس إني شبعانه أقول بسرعة لاخلصتي بعطيك هستوب إكلي حبة عشان تدوخين وتنامين تواصلين أكثر بينفجر مخك وترى بكيفك والله لو ماتنامين اليوم باكر بتنامين أول مايدخل بدر (ماعندها ع الكاش وطيّرت عقلها ) انخرشت ريم من كلام ريوف ورضخت للأمر وكلت حبة الحساسية لأنها محتاجة تنام ومصدعة وحتى عيونها ذبلانة وماراح يطلع شكلها حلو ... نوال : ريوف ووجعه جامعتنا لك ساعة بتقولين لنا شي مهم وماقلتيه بسرعة ورانا أشغال انفتح باب الغرفة ودخلت شوق وبشايرأختها بنات خالتهم وعمهم بنفس الوقت ريوف: أخيرا جيتوا ساعة مأجله الإجتماع عشان تحضرونه يالله اجلسوا والبنات جالسين بغرفة ريوف وكلهم على سريرها إلا ريم على الأريكه متمدده بترّيح وشوق جالسة على الخدادية اللي طايحة بالأرض شوق : أنتي وش بلاك ياريوف ساكته حمستينا وش عندك بشاير : أكيد جريمة جديدة بتسويها وتبينا معها ريوف : وهل في ذلك شك ياصبايا كما تعلمون أن الحية الرقطاء التي تدعى قماشوه ريم: هيه أنتي استحي لاتسبين عمتي ريوف : اسكتي يالنعجة واسمعيني للآخر مقوّدتك من الحين مو كافي حركاتها السخيفة وتحكماتها والكل سامعها ولعنه بنات سعودمايصيرن غنم عندها ولايهونون بنات فهد تبونا نصير حمير نفذوا أوامرها يالسلق وهي ماسكه ضحكتها على ألفاظها بس تحب تعاندهم.. مها: ههههههههههه أنتي وش فيك على ألفاظ جوزاء لاتخربك ريوف: هههههههههههه عشان أشحذ هممكم كل ماسبيتكم كل ماانقهرتوا زيادة وتحمستواأكثر وحسيتوا إنا في حرب مع الحكومة القماشية المهم هذي بنودي وكلكم تمشون عليها وخلها تموت .. أولاً: أنا اتفقت مع الفرقة وبفرقع مرارتها وأبشركم محد درى إناحاجزين أفخم فرقة أبيها مفاجأة شفتوا العشرين ألف اللي دفعتها أمي من ورى اخواني وأبوي والعالم وكن قماشة جايبتها قدام حتى اخواني وأبوي واللهلأخليها تهز هالقصر كله وأحرق دمها ع بالها خبلات وبينقلب العرس مأتموبنضحّك الناس علينا تخسي إلا هي مجرد ماتشوف المطربة بتنجلط هي وبنتها والفرقة معروف سعرهاومحد جابها من جماعتنا وهذا أول سم لها بالعرس البنات يصفرون ويصايحون على تفكير ريوف المنقذ دايم ثانياً /منسقين الطاولات باكر الصبح بينسقون كل الطاولات وبيلبسونها وبتكون على كل طاولة صينية قزاز ثقيلة شفتها عندهموحجزتها كل طاوله بخمس مية ريال ينسقونها بشكل جمالي ولا أفخم فندق مايسويها بس بتصير بعرس ريم وببيتنا وبنحط خمسين طاولة وكل طاولة حوالينها ست كراسي على عدد المعزومات 300 حرمة وكل هالأشياء شطبت عليها مع فيصل وحتى كاذبين عليه وقلنا له قماشه موكلتنا ودافعه كل شي وقالت اختاروا اللي يناسبكم وعشان كذا راح معنا وإلا والله لويدري ليقلب الدنيا عليها وعلينا ويطلق ريم من بدر وخلصنا الحجوزات وكل شي مرتبته ومانبي الرجاجيل يدرون عن سوالف الوصخه ونخرب على ريم وبدر بنتحمّل لحد ماينتهي العرس على خير ولامن شاف ولامن دري كل شي بيننا أهم شي الحب يعيش (أهم شي عندها ماتنجرح أختها وتاخذ حبيبها مهما كانت الخساير ).. ثالثاُ: القهوجيات ماما حجزت فلبينيات ولبسهم نظام فندقي وسنعت أمور التقديمات كلها من الحلويات والقاتوهات والكابتشينو وأنواع القهوة وبكذا شطبنا على التوزيعات رابعاً: صالة الاستقبال الرئيسية اللي بتكون فيها الطاولات بنخلي الصالة المرتفعة الأخيرة بمثابة المنصة وبتكون كوشة ريم فيها وبيكون الممر من الدرج اللي بوسط الصالة لين المنصة وبيصير الدرج منثور عليه كور كريستال مضيئه على كل جوانب الدرج والكوشة خلفيتها سوداء وفيها نجوم كريستال والبدر بارز بينها عشان يصير مناسب مع اسم المعرس بدر وبالنص أريكه فيها أقمشة حرير مناسبة مع لون الكوشة والأرضيه كلها جوري أحمر منثور والشموع نشعلها بوقت الزفه خامساً : العشاء زين ان قماشوه بتحطه بوفيه وشكله مو لله عشان الذبايح تقل عليها ياعلها الفقر الدنيا تمطر عليها فلوس ومدري وين توديها الخايسة المهم بيكون بالحوش عند المسبح والطاولات والكراسي بينسقونها نفس الشركة باكر .. سادساً والمهم :ريم تصير بغرفتها وبتجيها الكوافيرة من الكويت والمصورة بتكون متواجده من العصر وإحنا بنروح أفخم مشغل بالدمام ومن بدري عشان نطلع مبكرين ونجلس عند ريم لحد وقت الزفة ونفقع مرارة الحية الرقطاء ونخليها هي وشيفتها ويّا بنتها يستقبلون بعرس ولدهم عشان مايدرون الناس إنا جبنا المطربة وقمنا بكل شي ويفضحونا الله يشلّها وينتقم منهامو من طبايعنا بس ماحدنا على المر إلا اللي أمر منه .. زرعنا الورد في الدنيا زرعنا الحب من فجر العمر ماشفنا ريحة نور بعض الناس عايش فاقد الإحساس بعض الناس ماترحم حياة الناس وين مانروح بلا رحمة نلقى جروح بلا رحمة ماتخلي الفرح لحظة .. لحظة .. لحظة .. يرد الروح عطيناهم محبتنا وماذقنا أبد منهم سوى الآلآم هديناهم مشاعرنا وماشفنا أبد منهم غير قسوة الأيام بعض الناس عايش فاقد الإحساس ليش الناس ماترحم حياة الناس ..!! وفي مجلس الرجاجيل سعود وعياله : راكان : زين سويت يبه بيض الله وجهك والله إني شايل همهم البيت كله مشغول والناس بكره بيرتبون لعرس ولدهم والبنات يقولون أهل عمي حاجزين كل شي ومن الصبح بيجون الشركات والضيوف فضيحة نزعجهم بالطقطقة والترتيب .. سعود : أنا حجزت لهم ثلاث أيام من اليوم وبكره وبعده كل واحد له جناح خاص وكل عايله لحالها وحلفت عليهم كلهم ودفعت لهم كلهم الحجوزات ووصيت ناصر أخوي ماينسى المعازيم ويرسل للحريم صحون من الغداء والعشاء وعطيته أرقام أجنحتهم كلهم وكل شي مرتبينه والرجاجيل من يوم الإربعاء للجمعة حاجزين الخيام وغداهم وعشاهم مرتبه بدر الله يوفقه عز الله إنه رجال وماغلطت يوم عطيته الريم .. فيصل : والله غريبة دام قماشة متكلفه هالكثر وحاجزه هالدنيا كان حطت الحريم بقاعة وإلا فندق أريح كذا تكلّفت زود النقل والشركات والحوسه هذي تعب وأغلى من أفخم الفنادق حريم رايهن عوج .. سعود وكلش أحد يسب قماشه بصوت متنرفز شوي والسالفة ماتستدعي إنه يعصب: لا والله عين العقل وزين ماسوتلو هي عليك وعلى أمك وخواتك كان ماشفنا من وراكم السنعهذي قماشه مايجي منها إلا الزين فيصل : ....!! راكان: لا والله أمي مامثلها بالحريم وقماشه ماسوت إلا اللي غصب عليها تسويه وأي مره بمكانها بتسوي كذا هذا عرس ولدها سعود والدم تجمّع بوجهه كله يحس إن راكان ارتكب جريمة يوم مدح أمه وقلل من شأن قماشه: لا ماهو غصب واحترم نفسك واستح على وجهك وأنت تتكلم على حرمة عمك تسبها ياقليل الحياء عز الله إني ماجبت عيال وقام وخلاهم وهو الدم يفور براسه فيصل باستغراب :أبوي وش فيه بغى يثوّر فيك راكان: أخ بس سعود اللي تهتز المجالس لاتكلّم وصيته عند القاصي والداني أنا خويي يوم جلس معه مره وحده يقول والله إني عند هيبة ملك أبوك ياراكان يفرض احترامه بمهابه والله على كبر منصبي وعايلتي إلا إني أحس إني ولا شي قدامه ماعمري شفت مثله إلا بمجالس الأمراء لكن الفرق إن أبوك متواضع ومافيه كبر وشوفة نفس ياسبحان من عطاه القبول والمهابة بنفس الوقت واحنا يعاملنا بقسوة ويظلمنا ويمشي كلام حرمه ضايعه علينا والله مخي أحيان بينفجر لاشفت التناقض رجال شديد ماقدروه الرياجيل تجي قماشه تقوّده وتتحكم بحياتنا ....!!! فيصل : والله إني أكرهها من عمايلها وماودي ريم أخذت بدر عشان أمه بس ماودي نظلم الرجال مامثله لولا النسره أمه .. راكان: كل ماذكرت تحريشاتها على أبوي وأيام أكلت من أبوي الضرب قدام العيال وبالشارع وسالفة الحريقة اللي شبت بفرشتها بالحوش واتهمتني فيها وإني أدخن وشبيت ببيتهم يوم بغيت أموت بيدين أبوي بسببها يوه ياكثر اللي تحملناه أنا وياك يافيصل عانينا معاناة ياما انحبسنا وانطردنا من البيت بالشهور بسببها وبالأخير تسوي نفسها حليله وتجي قدام أمي وتطلب أبوي يسامحنا ويخلينا نرجع البيت .. فيصل: أقسم بالله إنها داهية والعجيب أمي تقدرها وتحترمها للحين راكان : أمي طيبة وماتنظر للدنيا تقول أجر وغنيمة آه يالقهر ياليت عمي ناصر على حرمته الأولى أجوديه الله يرحم ولدها سلمان عز الله إنه طيّب وكنه عايش معنا للحين وهو ميت من عشر سنين وهي من أخذ عليها قماشه خلته يطلقها وينقلب حاله والله الدنيا غريبة يطلق بنت قبيلته وبنت عمه الأجودية ويخلي الحية قماشة وهي ماتعرق فيه ومن قبيلة ثانية هذا اللي ياخذ وحده مايدري وش وراها ووش ماضيهم ووش حياتها ... وفي مكان ثاني وفي السوق : ياسر وريان كاشخين ولاهم يم الدنيا والترتيبات والهيصة والعشاء والرجاجيل والخيام أهم شي الكشخة وأشكالهم ورزتهم .. ياسر : هذا ريحته حلوه هاه شمه وش رايك ريان : والله رهيب خلاص خذه رايق يارجال .. ياسر : ظنتك آخذه وإلا ندوّر ثاني ريان : ياابن الحلال اللي يشوفك يقول المعرس هذا حلو وماركته مشهورة وريحته حلوه .. ياسر : على قولتك يالله بنحاسب ورانا أشغال ثانية .. ريان : ثيابي عند الخياط خلنا نلحق عليه قبل لايسكر ويوهقنا ياسر : الله يذكرك الشهادة نسيت شماغي شريته ووديته للمغسلة يضبطونه ويكوونه وبمر آخذه .. وطلعوامن السوق وهم شارين عطورات وأطقم كبكات وقلمين كريستال وأزارير كريستالمفصلين ثياب بدون أزارير بيحطون أزارير خارجية كريستالية مشبّكه بسلسلةفضية وشارين جزمايطالية دفعوا تقريباً أربع ألاف مهووسين بالمظهر الخارجي وكل هذا عشان التصوير وبتنتشر صورهم عند بنات الجماعة ولازم يكشخون ... يوم الخميس يوم العرس وقصر سعود يعج بالمعازيم والعود رايح جاي والزواج منظّم وماشي مثل ما يبون البنات وأهلريم بالدور الثاني من القصر والأرضي كأنه أفخم صالةإضاءة ملونة والجدران زارعين فيها اضاءة لونين أصفر وأحمر مثل ديكور الطاولات والمفارش وعند الباب قماشة تستقبل وبحكم عادات قبيلتها فهي تختلف عن الحريم الكبارفي قبيلة ناصر واخوانه صايره كأنها مهرج حاطه مكياج صارخ كنها طاووس ومو لايق عليها بحكم كبر سنها عمرها ستين سنة وبالغصب تخلي نفسها بنت صابغة شيبها بأسود ولكن التجاعيد بوجهها مخربه عليها وكنها بعزاء مو عرس تسلم بدون نفس وتستقبل من طرف خشمها وبجنبها بنتها نوف المبسوطة بزواج أخوها بس تخاف من أمها وماتوضح وتنفذ أوامر أمها بكل شي حتى بتعبيراتها وطريقة سلامها ولابسه فستان فخم لونه فستقي فاتح ومكياجها حلو وشعرها طويل ومنعمته ومخليته سايح بدون أي حركات لأن أمها معقدة البنت اللي تسوي تسريحة قليلة أدب وبنتي العقل والثقل ومهي من بنات اليوم وهيطل بس قدام الناس وفستانها طويل وأكمامه طويله و بالبيت تطلع عباية ع الكتف وتروح مع سواق لوحدها وعادي توقف ليموزين لو بالليل وتروح للسوق أو المستشفى فري جداً بناطيل جنز وهي سمينة ومو عند الحريم تلبسها عند عمامها واخوانها وأتحدى أحد يهاوشها حبيبة سعود يشوف الغلط صح وياغلاتها عندهيحبها أكثر من بناته الأميرة نوف بنت الأميرة قماشة هم الصح والناس الغلط ملامحها عادية جداً أحلا مافيها رموشها كثيفة على أبوها لكنها تشبه أمهاكثير الزين يمين وهي شمال مع المكياج والتزيين نقول عنها مملوحة بس سمينة وشحومها مخربه أنوثتها وطلتها .. وواقفات معاهم خالتهم وبناتها من برى الجماعة طبعاً وبعض قريبات العروسين .. وابتدأ العرس وابتدأ الرقص والمطربة حقت الفرقة شالت الصالة شيل وماسكه المايك وتغني وتهز مع اللي يرقصون ولولاها كان خرب العرس قماشه واقفه كنها صنم على المنصة وتعتبر الرقص مو من مقامها وماهمها لابدر ولاريم وحتى التصفيق ماصفقت والكل يضرب لها تحية اجلال وتقدير وهي الصح والعالم ماشيه غلط .. نوف ترقص وفرحانة والمنصة مليانة من البنات وحريم والغالبية جايين عشان غالية الكل يحبها ويحب بناتها لكنهم يخافون من قماشة ويعملون حسابها مايحبونها بس يهابونها من الله كذا وهي الناس عندها حشرات ونمل كبيرة عليهم صراصير أقرب لنظرتها تقريباً مرت ساعتين رقص وطرب وتوزيع وترتيب راقي وعرس يخطف الأنظار مافيه شي ناقص وهذا اللي رفع ضغط قماشة والود ودها تطلع وماتكمل العرس من الصدمة وبعدها ماشافت شي ... من ضمن الحاضرات جوزاء وجواهر بنات خال ريم وماقصروا تشجيع ورقص وزغاريدوريم حاجزه لبنات خوالها على حسابها كوافيراتوكلهم جايتهم الكوافيراتبأجنحتهم بالفندق لأنهم مايعرفون شي بالدمام فبنات سعود مضبطين وضع بنات خوالهم جواهرلابسه تركواز ولايق على بشرتها البيضاء وملامحها الناعمة وهي أحلا بكثيرمن جوزاء وفستانها ناعم وشاريته جاهز وصارت وحده من المعازيم ومعرسه وعندها بزارين كثار نفس فستانها بس لونها مختلف وعادي عندها آخر شي تفكرفيه الكشخه الزايده أي شي قدامها تاخذه أهم شي اسمه فستان زواج أيا كانشكله ومكياجها ناعم وشعرها نص ظهرها وناعم وخفيف .. جوزاءفستانها غالي ودفش بزيادة ومسمنها فوق ماهي سمينه تحب اللخبطة والقرابيع الكبيرة تكون بالفستان وببالها كل ماكان أغلا كل ماكان أحلا ومصيبتها ماتعترف بشي أسمه ذوق لاقلت غالي تراه حلو غصب عنكم .. جوزاء بيضاء لكنها ماتحمل مواصفات الجمال كل ملامحها عادية وكل شي فيها كبير إلا عيونها متوسطة بس فيها ملح عكس أختها كل شي فيها صغير وناعم ولون فستانها بني مع بيج وشعرها طويل ولونه بني على أحمر ومسيّحته .. في قسم الرجاجيل .. ناصر وسعود جالسين واحد يمين بدر وواحد شماله وبدر على اسمه البدر يوم اكتمل ونوّر على الدنيا ببهاه مزيون وطويل وجسمه رياضي وعيونه يشع منها الفرح والابتسامة شاقه حلقه والرجاجيل يسلمون عليه ووده يطير يم ريم ويخليهم كلهم يحس الوقت يالله يمشي وواحد من المصورين خاص لبدر من هو بالفندق اللي مرتاح فيه قبل العرس بيومينوالحلاق وطلعته وهو وراه ومصوره خطوه بخطوه لحد ماوصل للخيام اللي اضاءتها وتكييفها وطاولاتها والكراسي روعة وصارت ليلة ولا كل الليالي شعر وعرضة وتصوير وفرحة تنبع من القلوب وامتلأت الأجواء بالتباريك والتهاني ... في قسم الحريم ... هدوووووووووووووووووء عام ووقّفوا الطق والأنظار معلّقه على الدرج اللي متوسط الصالة الشاسعةلأن الأنوار تسلّطت على قمة الدرج واشتغل الدي جي بشريط زفة ريم والأضواءتسلطت على ريم اللي بقمة الدرج وهي ماسكه نفسها خوف ورهبة وهي بقمة جمالها وصدق من سماها الريم جمالها أبهر الحضور والكل سمى عليها عيونها كبارورموشها معكوفه وكثيفة فمها صغير وأسنانها لولو وخشمها واقف ونحيف قمر مع إن اخواتها جميلات بس هي فاقتهم جمال هالليلة وفستانها تصميم زهير مراد وطلعت ملاك الفستان أبيض ودلع لايق على طلتها ريم فيها اختلاف إن بياضها بصفار مو بحمار مثل اخواتها لابسه تاج مرصع بألماس ومنزله خصل ملفوفه على وجهها الدائري الممتليء ولابسة خاتم ألماس وعقد ألماس ناعم وفستانها سواريه ماله أكمام والطرحة نازله على أكتافها بكل نعومة ... وامتلأت القاعة بصوت هواء مع صوت حفيف الشجر لمدة دقايق وخف الصوت شوي شوي وارتفع صوت خطوات لغزال الريم وابتدت موسيقى صاخبة مع زغاريد وهدأ الصوت وابتدأ صوت الشاعر على خلفية زغاريد وموسيقى هاديه .. على دقة الساعة وقفنا والثواني طوال ورزانة عقل وذاك العز بسرعة بسرعة افرشوا ذاك الطريق ورد وزهر أشعلو كل الشموع ورشوا الدنيا عطر معاي بصوت واحد تيببون تزغردون وتهللون لأحلا قمر اسكتوا إيه استكوا اقبلت إيه اقبلت وياهلا بكل منهو حضر وينكم ياهل المعرس نبي الزغاريد عروستكم شرفت خلوكم معي وأنتو يالحاضرين فدوة لكم كل الفرح يالقطر الندي وضجت الصالة بأصوات اليباب والزغاريد لمدة خمس دقايق وانبثقت موسيقى لافته بمكبرات بكل جزء من الصالة وظهر صوت سندباد الأغنية راشد الماجد ونزلت العروس من الدرج بخطوات واثقة على كلمات الأغنية إشرقي كالشمس وانتي ربة الوجه الجميل دام حسنك يختصر معنى الجمال نورينا خطوة خطوة ياللي مامثلك مثيل علمي كل الخطاوي كيف يتمشّى الغزال ومن وراها أهلها ويببون ويزغردون ودموع الفرح متحجرة بعيون غالية وهي تشوف بنتها بيوم عمرها ونزلوا أهل العروس والأنظار عليهم وسحبوا الأضواء من الحضور مها أصغر البنات لابسه فستان لونه زهر مع موفي سيور وقصير من قدام وطويل من ورى وكله فراشات مصممته بالكويت وشعرهامسويته كيرلي وحاطه فراشه على جنب وشكلها كيوت ومكياجها ناعم لبناني لأن ملامحها حاده مايناسبها المكياج الثقيل عيونها كبار ورموشها كثيفة حيل وخشمها حلو وفمها حلو الناعم يبرز ملامحه اأكثر ويخليها فاتنة .. نوال جسمها وطولها وملامحها تعطيها طلة الممثلات الهنديات مسويه مكياج هندي فنانة كوافيرتها مبرزة عيونها بشكل خطير وهي مزيونة حيل وشعرها مسويه فيه تسريحة خفيفة ولابسة الاكسسوار الهندي وفستانها لونه فيروزي لابق على بشرتها وطلتهاومصممته بالكويت سيور وضيّق للفخذ ويبدأ يوسع قصة فرنسية وطويل من قدام ومن ورى ذيل .. ريوف تشبه لأمها كثير عيونها وساع ورموشها كثيفة تقريباً كلهم نفس العيون وخشمها واقف ونحيف وفمها صغير وجسمها على طولها على رزتها يسمونها عارضة أزياء مع اختلافها بالجسم هي رويانه والعارضات نحاف لابسه فستان لونه أصفر هادي حرير وبدون أكمام ممسوك باكسسوار فخم من قدام على جهة اليمين ولاف على ورى من جهة اليسار وضيق لبداية الفخذ وتبدأ القصات وتداخل الأقمشة بشكل مبهر وفخم لامشت يطلع نص سيقانها ولابسه جزمه ربط ولافتها على ساقها وطويل من ورى ذيل وشعرها أسود كاتم وهي أطول شعر بالعايله نفس شعور الامارتيات لبداية فخذها وكثير وحرير وحاطة وردة صفراء على جنب بكل دلع وبيدها شنطة صغيرة كبر الكف مصممتها مع الفستان كشكل.. شوق : شقراء ومسمينها اللبنانية لابسة أسود حرير ضيق وسواريه بدون أكمام وقصير من قدام طويل من ورى ولابسه جزمه عاليه فضيه وخلخال كريستال .. ولابسه خاتم ألماس كبير وفستانها ناعم ومصممته بالكويت كله درابيه خفيفه وكريستالات خفيفة على الصدر .. شوق ملفته بشكل كبير قوام متناسق وكل شي فيها دلع ومقصصه شعرها كوكتيل عيونها عسلية وكبيرة ورموشها معكوفه وخشمها صغير وفمها صغير .. مكياجها ثقيل ومبرز مفاتن وجهها القمر ومخليه بشرتها برونزيه لأنها بيضاء حيل وبتغيّر اللوك وشعرها مستشورته على حسب تدرجاته .. بشاير : عكس شوق شعرها أسود لنهاية ظهرها وبشرتها حنطية و جميلة جمال بدوي مثل مايقولونه الناس عنها عيونها كبار وخشمها سلة سيف وفمها صغير وطالعه توب لابسه فستان مصمم عند زهير مراد لونه رمادي على أحمر وخيالي سيور وصاير قطعتين البودي أكثر الشغل فيه من ورى من قدام اكسسوارات على السيور والتنورة طبقات وقصيرة من جهة اليمين لتحت الركبة بشوي وطويله مع الجهه الثانية ولابسه جزمتها ربط لتحت الركبة وشعرها رافعته بتسريحة ناعمه .. وغاليةلابسة فستان فخم قطعة وحده يناسب مع عمرها وطلتها ولونه سماوي ولافه طرحه خفيفة حيل وحاطه روج وكحل يعني مكياج ناعم حيل ماتحب البهرجه وهي جمالها رباني مع إنها بالخمسينات ولكن كنها وحده من بناتها نعومه وبياض وجسم مخصّر ورزه وأختها غوالي لابسه فستان فخم ولونه لحمي وحاطه مكياج لبناني ناعم جسمها مليان شوي وأقصر من غالية مع إنها أصغر من غالية ولكنها بالشكل كأنها الأكبر لأن جسمها كبير بالنسبة لرشاقة غالية ... على الكوشة وصلت العروس وجلست ورقصوا عندها أهلها وبعد ماانتهت الأغنية ابتدو يتسالمون وغالية وبناتها فيهم طبع غريب على قولتهم تلعات الأرقاب أرقابهم طويلة وإذا جا أحد يسلم عليهم مايحركون روسهن أو يدنقن على أحد لازم يرزن الرقبه والناس هي اللي تنحني وتسلم يعني اللي يسلم عليهن يتوهق لاصار قصير لازم يرفع نفسه لأنهن بس يقدّمن وجيهن على قدام وأجسامهن على رقبتهن وأكتافهن على استقامة وحده سواءجالسات واقفات هالشيء معروف عنهن إنهن رازات أنفسهن بدون كبر بس تعودن على هالطريقة جوزاء : شوق أنتي وريوف أرقصوا معي الحين بطلب أغنية شوق : أوكيه بس شنو بتطلبين ريوف : تكفين لاتصير سريعة ماعرف أبي هاديه هز أحسن وش رايك نرقص على أممممم وش اسمها طارت من راسي حقت راشد الماجد اللي فيها حنون وينحط ع الجرح يبرى خطيرة بالهز شوق : إيه رهيبة اطلبيها جوزاء : يافضحي ياللي ماتستحن عيب وش بيقلون عنا الحريم فاصخات الحياء ويرقصن على الحب والغزل مافيه إلا ردح حركات المياعة ماتناسبني شوق : .....!! ريوف : الناس تطوروا وأنتي على عيب وشق جيب مافيها شي وش هالتخلف أغاني عادي لارقصنا عليها جوزاء : إذا مارقصتي معي بزعل عليك ولاتكلميني وأنا بروح أطلب أغنية مافيها شيء لاحب ولاشوق ولادلع أمي تذبحني لو شافتني أرقص على هالخرابيط .. وراحت جوزاء للمطربة وكل ماقالت لها أغنية رفضت وبالأخير طفشت كل شي حب وشوق وقالت غني هذي وأشرت لريوف عشان تراقصها شوق رفضت ماتعرف ردح وماتبي تفشل نفسها عند المعازيم ريوف وبخاطرها شالعقد لولا إن ريان مو أخوك كان ماصبرت على تحكمك فيني وابتسمت على أفكارها وتنتظهر بداية الأغنية ويوم بدت بغت تنجلط ياسلامي عليكم يالسعودية ياديار الشيم يادار الأوطاني يالسعودي نحيي روحك الحية ................................... وجوزاء بدت بالردح وتناظر لريوف المتسمرة من المفاجأة السعودية خسرانة ثلاثة صفر اليوم والخبلة هذي ترقص عليها وتبيها بالغصب معها وين بملعب حنا ع بالها شباب وجوزاء تعطي ريوف نظرة وهي تردح يعني بسرعة ارقصي معي ريوف حست إن رقصة الفرس بتناسب مع الإيقاع السريع ورقصتها وشعرها يتموج مع كل هزه وضبطت الرقصة وطنشت جوزاء وصارت تحيي الحريم اللي وقفوا لها ويصفقون لها ويصفرون وهم صديقات العايلة وبعد ماخلصت رمت عليهم بوسة والكل أعجب برقصتها وشكلها وشعرها صاير ملفت مع طولها وكنها مهرة لدرجة إن قماشة اللي مايلفت نظرها أحد مسكت يدها وخمتهاوسلمت عليها وساعة مدح بس ريوف ابتسمت بوجهها وماردت ماتعرف ترد على المدح وخصوصا الحريم الكبار ماتعرف تتعامل معهن .. في الفندق عند المعاريس : بدر : انبهر بجمال ريم وصار يقولها قصايد وهي منزله راسها ومستحية ريم ساكته وماترد عليه وتحس إنها على خط الاستواء من الحر والاحراج بدر : حبيبتي ارفعي راسك تستحين من حبيبك البدر ريم تبلع ريقها وتحس راسها ثقل برميل حديد وماقدرت ترفعه بدر : نزل تحت وحط يد على ركبتها ويد رفع فيها وجهها وباسها من جبينها ريم ابتسمت ولفت على الجهه الثانية تحس وجهها احترق من الحياء وخصوصا إنه جريء بدر باستهبال: الريمي بسمع صوتك أخاف إنك طرمى وإلا شي بدر : ريمي ريم :........ بدر : حبيبتي ريم قلبي ريم بصوت خافت وناعم : هلا بدر : يالبى الهلا ويالبى هالفم وهوّن يوم شاف وجهها أحمر وشوي ويتفجر ويديها ترتجف وضيّع سالفة المدح ومسك كفوفها وجلس يسألها عن أشياء سخيفة ماعنده كلام بدر : تدرسين أنتي الحين ريم بصدمة : تخرجت بدر : نجحتي وإلا لا ريم : هاه شكت بعقله وشلون تخرجت دامي مانجحت بدر : أكيد انصدمتي أسولف عن الدراسة بليلة العمر على بلاطة توهقت مرتب كلام وش طوله ويوم شفتك نسيته وماأنلام يالريم أحد قدامه قمر ويتذكر شي أنا أحس إني بدون عقل وماني مصدق إنك حلالي وقدامي وجلس يقولها قصايد طلعت من قلبه ونظمها من شاف عيونها وانبهر بجمالها ماسك كفوفها وعيونه بعيونها والدنيا تمطر شعر من إحساس البدر .. يسعد مساء همسك وصوتك وطاريك ويسعد مساء يومٍ حبيبي يجيبك ويسعــد مســاء زولك وبحّه حكاويك يسعــد ثرا أرضٍ عليها ألتقيبـك علمتني حبــك علــى شلون أداريــك وعلمتني لآخفت ! كيف ألتجيبـك وعلمتنــي ليلك وعتمــه مساريـــك علمتني لآضعت ! كيف أهتديبـك وأحيــان أحس إني قريـبٍ وأناجيك وأقـــول يابختي مدامي نصيبــك ياريـم !! حبـــك يبتدي في معانيــك ولاينتهــــي لو طال معنى مشيبك .وانتهى الزواج وأصبح من أجمل الزواجات والكل تكلم عنه وسافروا المعاريس لايطاليا من زواجهم وبعد ماودّعوا الأهل وانتهت فصول السعادة والفرح وابتدى العد التنازلي للآهات والضياع ودموع الحزن .. في يوم الجمعة الساعة خمسة العصر هطلت أمطار غزيرة على الدمام والعوايل كلهم رجعوا لبيوتهم بعد ماخلص العرس وكان الجو خيالي وريوف تقنع اخواتها يتمشون معها ويقولون لفيصل يوديهم والبنات تعبانات بعد العرس ورفضوا يروحون معها وهي أقنعت فيصل وأمها وراحت معه يدورون في الشوارع بتشوف السيول. في سيارة فيصل كامري آخر موديل لونها كشميري فيصل : هاه يالمدلعه لازم نفرفر فيك الشوارع عشان تستانسين بيتنا على كبره ماتحسين بالمطر فيه ريوف : ماانبسط لين توديني بمكان فيه تراب وتخليني أنزل فيه أبغى أشم ريحة المطر لاجا على التراب وصار طين فيصل : هههههههه ليتني داري إنك بزر كان جبنا شحنة تراب وخليتك تنطنطين عليها طول السنة ولابغيتي الطين كبي ماي وبعد نجيبه لك من البحر تغيير .. ريوف : ماهي شينة بس ماي السماء غير عن ماي البحر فيصل : دخّل شريط ماجد المهندس وبدأ صوت الأغاني يعج في السيارة ... ريوف : فصول ممكن تسكر الأغاني فيصل استغرب : عشتوا من متى الطواعة ريوف : الدنيا مطر أخاف ربي يغضب علينا وإلا يصير لنا شي لاسمح الله وإحنا نسمع أغاني .. فيصل استحى من أخته : وهذاني طفيتها واستغفر الله العظيم وفتح الراديو على إذاعة القرآن وانبثق صوت القاريء أحمد العجمي بآيات القرآن وعمت السكينة والهدوء والأجواء تبعث الروح بالإرتياح وقّفوا عند الإشارة وبعد مامشوا وفي الجهة الثانية سيارة مسرعة وقاطعة الإشارة وارتطمت بسيارة فيصل وصار حادث شنيع ووقّفت عقارب الزمن وهطلت غيمات البكاء وتجمهروا الناس والكل يدعي لهم يكونون عايشين مع العلم إن شكل السيارة مايوحي بالنجاة .. صوت الإسعاف والناس واقفه ترقب رحمة الله للي بالسيارة وأن يلطف بهم .. فيصل : يحاولون يطلعونه الحديد ضاغط على صدره والدم يسيل بغزارة من جسمه وبعد محاولات وقطع الحديد تم اخراجه ومحاولة إسعافه ونقله للمستشفى ريوف : فاقده للوعي تماماً والكدمات بكل جسمها وأنفاسها بدت تخفت شوي شوي دماء وشظايا قزاز مغروسة بأجسادهم وأنين خافت ودموع اختلطت بالدم وملامح اختفت مع القدر المحتوم في سيارة الإسعاف للمستشفى الكبير في بيت سعود : لحظات واعتلى رنين الجوال لسعود برقم غريب سعود : ألو نعم المتصل : السلام عليكم ورحمة الله سعود باستغراب من الصوت واللهجة : وعليكم السلام ورحمة الله وبركاته المتصل : الأخ سعود أبو فيصل سعود وبدأ قلبه ينغزه لأول مره يخاف كذا : إي نعم من معي المتصل : المستشفى طالبينك ضروري للحضور الآن ولدك وبنتك مسوين حادث و....... سعود : عيالي حادث وشفيهم وش تقول لااااا متى المتصل : أذكر الله ياخوي وحنا محتاجينك الحين سعود رمى الجوال بدون شعور وضرب الجدار وفز من طوله وقام بسرعة وغالية وبناتها سمعوا حادث وعيال وامتلأ البيت صراخ وبكاء وغالية تمسك يدين سعود غالية : لاتقول ماتوا تكفى لاتقولها ليتني ماسمحت لهم يروحون آآآه ياعيالي خذني لهم مابي أعيش من دونهم والبنات يمسكون أمهم ويتباكون بحالة هستيرية وأسوأ الاحتمالات ببالهم سعود : تعوذوا من الشيطان وأذكروا الله وطلع وخلاهم ماأخذهم ولاهو يمهم تركهم بصراخهم وببكاهم وساق سيارته بسرعة جنونية وده المسافات تقرب أكثر ولأول مره سعود يبكي من قلب حس إن عياله ضاعوا من يده سعود بجبروته وقوته وقسوته على عياله صار كنه طفل أخذوه من حضن أمه بالغصب حس قلبه بيطلع ودموعه تنهمر وماهو قادر يركز على الطريق ووصل للمستشفى كالمجنون يبحث عن أحد يدله على طريقه ... ( هكذا هي الحياة لاتظل على وتيرة واحدة فرح وسعادة للنخاع يعكرها لحظات لانحسب حساباً لها دموع وآلام تلاحقنا وقدر محتوم يعانقنا .. وهكذا هي قلوب البشر تظلم وتقسو بدون سبب وبلحظة الفقدان تتأجج منابع الندم ويزداد منسوب الحرقة ولانعلم لماذا هذه التناقضات ولابد للقدر أن يسطّر أجوبة لاستفهامات عجيبة في يوم ما ) :: :: انتهى الجزء الخامس وابتدت معه حكاية الآلام لأغلب الأبطال وحكاية الفقدان لأغلى الناس ...  :: :: لنا لقاء آخر قريب في الجزء السادس .. :: ::
|
|
05 Dec 2009, 11:32 PM
|
[ 2 ] | |||||||
|
عضوة متميزة
 
|
ما شاء الله يا ترف باقي السادس  خليني أخلص الرابع والخامس أول متأخرة الأخت  يعطيك ألف عافية يا ترف وبالتوفيق |
|||||||
|
||||||||
|
|
|
06 Dec 2009, 05:56 AM
|
[ 3 ] | ||||||||
|
شاعر
|
يعطيك العافية ترف على كل ماتقدمين يا نشيطة في كل اقسام المنتدى شكرا لك ترف |
||||||||
|
|||||||||
|
|
|
|
06 Dec 2009, 04:45 PM
|
[ 4 ] | ||||||||
|
مؤسس شبكة الشدادين
 
|
ما شاء الله تبارك الله يا ترف وعسى الله يوفقك ويعطيك ألف عافية جهد جميل جداً وبصراحة الشكر في حقك قليل وأما التميز والابداع فليس غريباً عليك أبداً حفظك الله ورعاك ووفقك أينما حللت وننتظر بقية الأجزاء |
||||||||
|
|||||||||
|
|
|
|
06 Dec 2009, 08:55 PM
|
[ 5 ] | ||||||||
|
عضوة متميزة
|
شموخ شدادية // ياهلابك يالغلا وأسعدني تواجدك ومتابعتك .. ويعطيك ألف عافية .. امتناني " |
||||||||
|
|
|
|
06 Dec 2009, 08:58 PM
|
[ 6 ] | ||||||||
|
عضوة متميزة
|
قطري أصيل // أهلاً بك أخي الفاضل وأسعدني تواجدك ومرورك تشريف لي .. يعطيك ألف عافية " امتناني " |
||||||||
|
|
|
|
06 Dec 2009, 09:02 PM
|
[ 7 ] | ||||||||
|
عضوة متميزة
|
السلطان // ياهلابك وياهلا بتواجدك ... أسعدني مرورك وشرف لي تواجدك .. وألف شكر على هذا التعزيز ولاهنت ... وشكراً لك بحجم السماء .. امتناني " |
||||||||
|
|
|
|
13 Dec 2009, 01:17 AM
|
[ 8 ] | |||||||
|
عضوة متميزة
|
تروفه روايه لاتمل ابداع وامتاع
حفظك المولى وزادك علما وابداعا  |
|||||||
|
||||||||
|
|
|
|
17 Dec 2009, 11:19 PM
|
[ 9 ] | ||||||||
|
عضوة متميزة
|
ترف رووووووووايه إنما إيه ورربي خطيره أنتي يالله كمليها متابعييييين بقوه ترى وبليز لايصير شي بريوف وفيصل طمنينا عنهم لاوصيك
|
||||||||
|
|||||||||
|
|
|
|
27 Dec 2009, 10:13 PM
|
[ 10 ] | ||||||||
|
عضوة متميزة
|
يسلمو يا ترف قصتك مرة حلوة انتظر الجزء السادس من جد مندمجة مع القصة بس لا تقولين مات فيصل ههههههههههه ريوف ما راح تموت  يلا يامبدعة يا قلبو أشوفك على خير |
||||||||
|
|||||||||
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يا ما أسهل الدنيا :: مهما تعاندنا {الفصل التاسع} | تــرف | كتّاب المنتدى في القصص والرواية الأدبية | 14 | 04 May 2011 09:56 AM |
| يا ما أسهل الدنيا :: مهما تعاندنا {الفصل الثاني} | تــرف | كتّاب المنتدى في القصص والرواية الأدبية | 22 | 06 Jan 2011 02:54 AM |
| يا ما أسهل الدنيا :: مهما تعاندنا {الفصل السابع} | تــرف | كتّاب المنتدى في القصص والرواية الأدبية | 22 | 13 Feb 2010 06:43 PM |
| يا ما أسهل الدنيا :: مهما تعاندنا {الفصل الرابع} | تــرف | كتّاب المنتدى في القصص والرواية الأدبية | 20 | 13 Feb 2010 06:17 PM |
| يا ما أسهل الدنيا :: مهما تعاندنا {الفصل الثالث} | تــرف | كتّاب المنتدى في القصص والرواية الأدبية | 13 | 13 Feb 2010 06:14 PM |
|
تاريخ التسجيل : Feb 2009
رقم العضوية : 18230
الإقامة : kuwait
الهواية : أساهر الليل
المشاركات : 14,299
معدل التقييم : 767
