رحلتك الجواليّـــة على مر العصور

صبحكم / مساكم , ربي بالخير النفس بطبيعتها ملوله وتحب التغيير واول شي نمل منه الجوال ناس تحب تغير جوالها , كـ حب تغيير وناس تحب تغير جوالها , كـ رغبة في تجربه شي جديد وناس تنغصب تغير جوالها , لانها تكرف والدينه لين يكككككح ومحدثتكم من النوع الاخير وبجداره انت/ي ,, متى تغير/ين جوالك؟؟ # فيه ناس تحب تحتفظ بكل الجوالات اللي تشتريها بعضهم يحتفظون فيهم كـ نوع من الذكرى وبعضهم كـ نوع من الهياط وان عندي جوالات واجد وبعضهم كـ نوع من رداة الحظ لان جوالاتهم فاشله وخربانه وماتجيب قيمه ولا كان باعوها وللمره الثانيه عالتوالي ,, محاكيتكم من النوع الاخير # موضوعنا عباره عن عرض كامل لسيرتك الجواليه من اول جوال لاخر واحد الموضوع كفكره منقول وأن شاء الله نشوف تفاعلكم الراقي .. راح ابدأ أنا ,, بسم الله حياتي الجواليه وشرايكم مو كنه بلاك بيري 2004 احب اعرفكم على هالمليح هذا نوكيا 6820 الملقب بـ الصحاف شريته عام 2003 مميزاته ان فيه كيبورد كامل / بلوتوث / بدون كام / ملون شريته لاني كنت ابي اهايط على صديقاتي بالمدرسه ان عندي جوال بدون كام مع بلوتوث أذكر كانوا يقولون ان سنه 2003 كانت سنة السن الازرق وان اللي معه جوال بسن ازرق واااااااااااو انسان تكنولوجي صار حلم وشي لازم لازم احصل عليه وفعلا اول مانزل رحت وشريته بـ 900 وشوي >> اقول ياخساره الـ 900 بس واجيكم من بكره بالمدرسه كاااااشخه جوالي كيبورد كامل معاه سن ازرق وبدون كام جلست فتره اهايط فيه ومحد قدي بس بعده بشهور جاه خراب شنيع بعـد هذآ شريت الكـآتيل يـآهي مدري شلون مسكت معي غـلط ذآك اليوم ماكمل معي أسـبوع يمكن وبعته ثالث جوال شريته شفت الناس هبوا بسوني قمت هبيت معهم دخلت موقع سوني وصكيت لي بورقه موديلات جوالات عاجبيني على اساس اختار واحد منهم فالمحل ولما رحت سحبت على كل اللي كتبتهم وحبيت هذا W880i >> تجيكم هالحاله السقيمه انكم تحطون ببالكم شي واذا رحتوا المحل تغيرون رايكم لما شفت هالجوال حسيت ان الدنيا للحين بخير وبغيت اجرب شعور اني امسك جوال رشيق وراني الذهبي وحبيته قلت له وش الوانه ؟ وراني واحد مستعمل من قدام اسود وازراره برتقاليه ومن ورا برتقاااااااااالي انا لما شفت هاللون فهيت قلت ابي هذا قال هذا منقطع من السوق مايوجد الا مستعمل قلت عادي هات المستعمل اخوي ناظرني وقال من جدك تبين مستعمل؟! قلت ايييي اللون البرتقالي حلووو >> علي مزااااج بالالوان المهم يمين يسار ابيه يطلع واجد جديد بس مالقى لما جيت اشتري المستعمل طلع فيه مشكله بمدخل الميموري كارد عاد هناااااا تحطمت وفقدت الامل قال البياع : كيفك تبينه وهو خربان ماعندي مشكله ابيعه >> شافني مخفه ومت عاللون قال العب عليها واصرف الجهاز وطبعا بما انه رشيق وخكري ماقعد عندي سنه كل بلاوي الدنيا طلعت فيه على ايامه الاخيره صار يعاني من فقدان السمع / خرف / عمى الوان / فقدان ذاكره بس كنت صابره عليه وبالعه العافيه لين ماقفلت اخلاق الجهاز وجته العنز ومحى الابراج من الوجووود احاول يمين يسار القط برج ,, بس ماحصلت !! قمت طفيته , ولما جيت اشغله ما اشتغل ما اخفي عليكم يارعاكم الله ,, اني صرت اضحوكه للجميع على جوال السواقين اللي كنت اشيله وحده من البنات شافته وقالت : اييييييي زي جوال سواقنا , هاتي هاتي اسمعك نغمته اللي حاطها !! وتشغل لي نغمه عصافير بالجهاز على انها نغمه سواقهم وعقبهـآ قعدت أحوس وأدور لي جهـآز ورجعت لـ نوكيـآ واخذت النورس Nokia 6510 بس مادري ماجـآز لي المهم بعدهـآ طفشت مآدري وش أخذ لين طـآحت عيني على Siemens SL55 > يـآزينه صغير وخفيف ومعقـد مااحد يعرف له إلا إنـآ ما أحد يقول هـآتي بحوس فيـه يشوفونـه ويرجعـونه لي وأنـآ مرتـآحه جلس معي وانكرف كرف ماهو صـآحي بعدها أخذت هذا جاني هالجول هديه تخرجي من الثانوي والله كان كويس وبعدها أخذت هذا جهاز حلو وعملي وتصويره حلو بس عيبه البطاريه والتعليق الي بالجهاز أما هاذا كان بس للجامعه عشانه بدون كاميرا وآخر جوالاتي هالمليح ياصبره علي ّ ياأنه أنكرف كرف موب صاحي ..من عقبه حسيت ان الحياه جميله . . . ادري طولت عليكم بسوالفي :blushin00g: ترا الموضوع موب لحالي لكم بعد شاركوني بـ - جوالاتكم اللي شريتوها من اول لاخر واحد * يرجى أرفاق صور للمليح ممكن تكون من تصويرك الشخصي او من النت !! مو ضروري تكون محتفظ بجوالاتك ! دمتم بحفظ الله

مرحبا
انا ما احب ابيع جوالتي طالعة لابوي على ما اعتقد

وبنفس الوقت ما احب اغيرها بسرعة الا اذا خربت بصراحة

.........


اول جوال لي .. برج العرب < عطيته جدي الحين ههههه




ثااني جوال .. الدمعة بعد موجود




الثالث .. سوني اركسن w595



وخرب له شهر وماشتريت عقبه < احــبـــــه

امي سلفتني من جوالاتها المحنطه

بيبي دمعة .. وهو في حوزتي الان






وجوال الدوام سامسونج الجميل وامي تاخذه بالزواجات بعد يعني راعي فزعات







وانتضروا جديدي ان شاء الله

تسلم ايدك ياحلوة .. موضوع جدا اعجبني :blushin00g:

يعطيك العافيه يالغلا ع الفكره النايس

احب اغير جوالي
بس!!! الجوال اللي فيه ذكريات لي اخليه مااغيره لو انها متكسر
ومايبقى غير البطااااريه مااغيره

بحاول اسدح لكم صور الممليح !! ؟؟


سلملم

		المشاركة الأصلية بواسطة : غالية اقتباس
	مرحبا انا ما احب ابيع جوالتي طالعة لابوي على ما اعتقد وبنفس الوقت ما احب اغيرها بسرعة الا اذا خربت بصراحة ......... اول جوال لي .. برج العرب < عطيته جدي الحين ههههه ثااني جوال .. الدمعة بعد موجود الثالث .. سوني اركسن w595 وخرب له شهر وماشتريت عقبه < احــبـــــه امي سلفتني من جوالاتها المحنطه بيبي دمعة .. وهو في حوزتي الان وجوال الدوام سامسونج الجميل وامي تاخذه بالزواجات بعد يعني راعي فزعات وانتضروا جديدي ان شاء الله تسلم ايدك ياحلوة .. موضوع جدا اعجبني :blushin00g:

هلا وغلا بغاليه ^ ^


يالله على جوال برج العرب أول مانزل مدري ماهضمته أحسه ثقيل دم


أما الدمعه هبوا فيه الناس وبغيت أهبّ معهم بس ماش شكله كبير


وسوني أريكسون حبيب ألبي ذا



منوره الموضوع غلو وتسلمين والله :blushin00g:

		المشاركة الأصلية بواسطة : غـــــــــــلا اقتباس
	يعطيك العافيه يالغلا ع الفكره النايس احب اغير جوالي بس!!! الجوال اللي فيه ذكريات لي اخليه مااغيره لو انها متكسر ومايبقى غير البطااااريه مااغيره بحاول اسدح لكم صور الممليح !! ؟؟ سلملم

هلا وغلا بغلا ^ ^


والله انا ماتفرق ذكريات ماذكريات أذا ماعجبني والا بعته


الله يسلمك يارب وشاكره تواجدك ..

هذا بدايت رحلتي في عالم الجوال







هذا الثاني في حياتي يلقبونه بالخيال







الحبيب هذا هو الثالث






الحلو هذا هو الرابع




القمر هذا الخامس






هذا السادس






وهذا السابع




واللي له سنتين معاي هذا هو للمعلوميه كل الأجهزه اللي فوق بسرعه أبيعها وآخذ غيرها بس هذا حبيته حب
لدرجه أنه يوم خرب في المطر كان فيه زواج لواحد من الجماعه والله ماحظرت





ملاحظه : فيه جهازين ماحصلت لها صور

^
^

ماشاء الله عليك يالغريق عندك أحساس للوطنيه تجاه نوكيا ^ ^


كل جوالاتك نوكيا ^ ^


الله يعطيك الف عافيه ماقصرت ..

يا هلا والله بمشرفتنا شغب
وبموضوعها الرائع الجميل عن تاريخنا
مع الجوالات
لي يومين فاتح صفحة الموضوع
و ( متكاود ) لا أرد ما أدري علامي؟!!



المه اليوم صطت في رأسي وقلت لازم أرد
لا تزعل علينا مشرفتنا تحسبنا مطنشين موضوعها
بصراحة الفكرة أكثر من رائعة وزاد من جمالها
ارتباطها بشيء مهم ورئيسي في حياتنا ولا نقدر
نستغني عنه وهو الجوال ..

خلونا من طوالها

أنا بدأت حياتي مع الجوالات من عام 1417 تقريباً
وإلى الآن ولله الحمد والمنّة

تاريخي يقول شيئين فقط :
1 - إني ما أحب أغير الجوالات أولاً بأول واللي أغيره غالباً يكون منتهي خلاص
وأرميه أو باقي فيه عمر وأعطيه واحد من إخواني أو معارفي يعني بيع ماكو
2 - جوالاتي كلها نوكيا ولا غير نوكيا لأني مسوي معهم عقد احتراف إلى عام 2080 م
ولازم ألتزم بالعقود وأوفي بالعهود

المهم خلونا نبدأ معكم بالصور خرابيطنا في عالم الجوالات

هذا المزيون هو بداية انطلاقتي الاحترافية مع الجوال المزيون




كانت بدايات والحالة تكشى لله
وما يرسل عربي والحروف ما تتجاوز 70 حرف
وإذا أبغى أرسل لأحد لازم أرسل بالانجليزي أو بالعربي الانجليزي
يعني لو أبغى أقول:
يا فلان تراني بأسير عليك اليوم
أكتبها
yaflan trani basaieyer alaik alyoum
وهكذا وكنا في معمعة ما يعلمها إلا الله


بعدها جاء الفرج وجاني الرهيب هدية
وكان وقتها من أجمل الهدايا



طبعاً أنا والله ناسي أرقامها لكن أذكرها بمسمياتها
المتداولة عندنا

وبعد الرهيب اشتريت الفيصلية



وبقي معي مدة ما هي طويلة
حتى جاء وقت زواجي واشتريت البيبي باندا 6230



وبقي معي فترة لا بأس والله
بها وحللت قيمته وبعدها اشتريت
n73
وأهديت القديم على حلاق تركي



هذا الجوال جميل جداً ومييز
واعجبني بالحيل وبقي معي إلين
تغرق بالماء في بحر جدة واضطريت
أغيره وأشتري نوكيا n95 المطور



وهو معي إلى الآن وما عندي نيّة
أغيره أبداً لأن اللي موجود الآن بالأسواق
أغلبها صينية وصناعتها تقليدية
لكن أفكر إن شاء الله أشتري
n8 أول ما ينزل
ما عجبني الآي فون أبداً ولا أحب
أطلع من نطاق نوكيا



ألف شكر لك يا شغب
والله يعطيك ألف عافية
على تميزك وطيب حضورك

موضوع مميز وجميل

ولي عودة بصور الجوالات

لاهنتي اختي شغب انثى
موضوع جميل
بس اذا الكلام عني
مرت عليه جوالات كثيرة
بس لي عودة وبالصور