مكانة الشعر

مـجـمـوع الأوسـمـة · توقيع : عيد الشدادي

السلام عليكم ورحمة الله وبركاته

قصيده كيبورديه اتمنى ان ترتقي لذائقتكم

واعذرونا على القصور
.
.

.
.

الشعر وهبه وله قدرٍ محد يجهله=والشاعر لسان ربعه في جميع الامور
الشعر ساس العرب وارض الجزيره هله=والشاعر اليا تقدم به يجيله حضور
الشعر حل القضايا واعتلى المنزله=اللي يدور الزمن لكنها ماتدور
احدٍ يجيب اجزله واحدٍ يجيب اهزله=واحدٍ عبر له ممر واحدٍ سبح له بحور
واحدٍ كلامه درر واحدٍ محد يقبله=واحدٍ قطف له زهر واحدٍ نحت له صخور
واحدٍ تعدوا له العالم عشان اجهله=واحدٍ قصيده كتب له للمعالي عبور
مرضاة الاذواق صعبه ياهل الاوله=لكنك ابعد عن الكبر وملاذ الغرور
وتجيك كل الشرايد من هجوسك صله=وتخط كل الفرايد فالورق والسطور
بعض المعادن حرام اتسوق فيه هلله=والبعض الاخر ينفس عنك مليون جور
.ولا تنشحط مع هل التصفيق والبهلله=بعض الاوادم تشجع وانت تسلك حدور
ارقى نوايف هل الجزلات والعلم له=عدةٍ فروعٍ عليها طول الازمان سور
لو كلمة الطير تجمع كل طاير بلــه=كان العرب حطوا الغربان مثل الصقور
الصقر قدره رفيع وله مقام ووله=رغم ان من جالها ريش بجناحه.. طيور !!
وارفع دراج الكلام وتسلم المعضله=واعلم ترى العلم في هالوقت بالحيل نور
واللي يفرح عليك الناس لاتفعله=وان زادت الاسئله قل مابه ايت قصور
هاضت هجوسي وجبت من الكلام اجمله=مادام قلبي على جور الليالي صبور
انقش قصيدي على صدر الزمن .. بمهله=واحرق قلوب العواذل جعلهم للدبور

.
.

.
.
تحياتي للجميع

اخوكم الغربي ... عيد الشدادي