|
||||||||||||||||||
شرح كيفية فتح حساب مجاني في الآب ستور بالصور
نستعرض اليوم معاً طريقة كيفية التسجيل بحساب في الآب ستور app store
في البداية دعونا نوضح أنه يوجد عدة متاجر .. متجر للسعودية , متجر لكندا , متجر لبريطانيا , متجر أمريكا .. الخ ماهو الفرق بين هذه المتاجر :- الفروق هي أنه يوجد لكل متجر إحصائيات معينة للبلد اللي أنت مختاره .. يعني مثلاً لو أفتح لي حساب وأختار المتجر السعودي خلاص بيصير المتجر يعرض لي أكثر البرامج اللي محملينها السعوديين وكذا .. وبرضو الأمريكي لما يفتح حساب في متجر أمريكي بيطلع له البرامج اللي يحملونها الأمريكان وهكذا شلون تدفع مبلغ التطبيقات في المتجر :- عندك خيارين , إما أنك تربط حسابك ببطاقتك الإتمانية ( فيزا أو ماستر كارد ) أو تشتري بطاقة أسمها ( apple gift card ) وهالبطاقة زي بطاقة الشحن .. تشتريها ويكون فيها مبلغ مثلاً 50 دولار وتصير مربوطه بحسابك وكلما تشتري تخصم منها القيمة لحد ما يخلص الرصيد .. وفيه طريقة ثالثة وهي الجيلبريك نجي للحين لكيفية فتح الحساب المجاني في الآب ستور , أول شيء نفتح عليه ثم نروح لأي لعبة أو تطبيق " مجاني " نضغط على كلمة ( free ) ثم بعدها على كلمة ( install app ) لازم تضغط على اللعبة المجانية وتحاول تحملها عشان تطلع لك الخيارات، لو ماسويت هالطريقة ما راح تقدر تسجل بدون بطاقة الفيزا * الكلمة الأولى تضغط عليها لو عندك حساب وتبي تسوي تسجيل دخول مباشرة نضغط على الكلمة الثاني عشان نبدأ عملية التسجيل في المتجر هنا تختار متجر البلد اللي حاب تسجل فيه .. أنا عن نفسي أخترت أمريكا لأنك اذا تفكر بعدين تشتري بطاقة وتبي تربطها بالحساب ماتقدر اذا اخترت السعودية هذي هي شروط المتجر .. اضغط على " agree " بعد ما تقراها طبعاً .. تكتب الإيميل اللي تبي تسجل فيه , وتكتب لك سؤال سري وتضيف له جواب , وفي الأخير تاريخ ميلادك ولازم يكون صحيح وتحفظه لأنك بعدين إذا بتعدل على حسابك شيء أو اذا نسيت باسوردك بيسألونك عن التاريخ وبالنسبة للباسورد فهو معقد شوي الصراحة .. لازم يكون مكون من 8 احرف على الأقل .. ولازم يكون فيه حرف كابيتل وفيه ارقام بعد , وبرضو ما تكرر حرف أو رقم ثلاث مرات ورى بعض الخيارين اللي في النهاية هذي تسألك إذا تبي تشترك في الموقع عشان توصلك العروض والأخبار على إيميلك . . حط اللي يناسبك بعدين بنروح للصفحه اللي بعدها في الخانة الأولى نختار طريقة الدفع ( فيزا – ماستر كارد .. ) بالنسبة للي يبي الحساب يكون بدون بطاقة أو وسيلة دفع أخرى يختار كلمة ( none ) اللي هي الأخيره .. - ملاحظة : كلمة ( none ) طلعت لنا لأننا كنا جالسين نحاول نحمل تطبيق مجاني .. إذا ما طلعت لك من ضمن الخيارات تأكد أنك ما اخترت برنامج مجاني أو أنك جالس تحاول تفتح حساب مباشرة من مكان ثاني تعبي بياناتك باللي يناسبك وتعبي ختنو الاسم باللي تبي الخانة ( code ) هي الخانة اللي تضيف فيها الرقم التسلسلي حق البطاقة إذا عندك بطاقة وتبي تربطها بحسابك نكمل البيانات ومن ثم ننتقل للصفحه اللي بعدها إذا بياناتك كلها سليمه ومافيه شيء غلط بتطلع لك هالصفحه واللي توضح لك أنك خلاص سجلت في المتجر الأن وفيه إيميل أنرسل على إيميلك عشان إكمال عملية التسجيل والتحقق من ملكية الإيميل بتحصل هالرسالة في إيميلك .. ببساطة اضغط على كلمة : Verify Now وبعدين بيفتح لك صفحه في موقع ابل تطلب منك تكتب الإيميل والباسورد اللي أخترتهم وبكذا تكون خلاص سجلت بسلام : ) .. م / ن
|
19 Nov 2012, 06:05 PM | [ 2 ] | |||||||
|
رد: شرح كيفية فتح حساب مجاني في الآب ستور بالصور
كل الشكر لك أختي الرائعة نوف
على هذا الشرح الوافي تقديري يا الغلا تقبلي مروري |
|||||||
|
||||||||
19 Nov 2012, 11:41 PM | [ 3 ] | |||||||
عضوة متميزة
|
رد: شرح كيفية فتح حساب مجاني في الآب ستور بالصور
شرح وافي وواضح نوفنا بارك الله فيك |
|||||||
|
||||||||
20 Nov 2012, 01:43 AM | [ 4 ] | ||||||||
عضوة متميزة
|
رد: شرح كيفية فتح حساب مجاني في الآب ستور بالصور
سيدتي الغالية نــوف ! ماشاءالله عليكِ ما قصرتي يا غالية كفيتِ ووفيتِ بهذا البرنامج مسجلة فية ومميز جداً لكِ بآقة حب من القلب و اخرى من السلام
. . . عاشقة القمر |
||||||||
|
|||||||||
20 Nov 2012, 01:49 AM | [ 5 ] | |||||||
|
رد: شرح كيفية فتح حساب مجاني في الآب ستور بالصور
.
. يعطيكِ آلعَآفية يَ آلنوُف لنقلْ آلشَرح آلمُهم وَ آلمُفيِد لكُل من يَصعَّبْ عليِه آلتَسجيْلْ في عَآلم آلتُفآحة آلحُلوة لروحكِ كُل آلوُرد ، |
|||||||
20 Nov 2012, 08:07 PM | [ 6 ] | ||||||||||||||||||||||||||||
عضوة متميزة
|
رد: شرح كيفية فتح حساب مجاني في الآب ستور بالصور
العفو يا الغلا , تسلمي على المرور وحياش الله .. |
||||||||||||||||||||||||||||
20 Nov 2012, 08:19 PM | [ 7 ] | ||||||||||||||||||||||||||||
عضوة متميزة
|
رد: شرح كيفية فتح حساب مجاني في الآب ستور بالصور
وفيك يا الغالية يا عساني ما أعدم هالمرور حياش الله .. |
||||||||||||||||||||||||||||
20 Nov 2012, 08:26 PM | [ 8 ] | ||||||||
مؤسس شبكة الشدادين
|
رد: شرح كيفية فتح حساب مجاني في الآب ستور بالصور
درس مهم جداً ورائع يا نوف لكل مستخدمي جوالات الآي فون والذين هم بحاجة إلى الارتباط بمتجره من اجل تحميل البرامج تسلم يديك والله يعافيك |
||||||||
|
|||||||||
20 Nov 2012, 11:50 PM | [ 9 ] | |||||||
|
رد: شرح كيفية فتح حساب مجاني في الآب ستور بالصور
شَرح وافي وَ ميّسر شُكرا .. نوُف على إختياركّ الجميل ×_× |
|||||||
|
||||||||
24 Nov 2012, 04:45 PM | [ 10 ] | ||||||||||||||||||||||||||||
عضوة متميزة
|
رد: شرح كيفية فتح حساب مجاني في الآب ستور بالصور
حياكِ الله يا عاشقة القمر , مرور أكثر من رائع يا عساني ما أعدمه نورتِ والله .. |
||||||||||||||||||||||||||||