|
||||||||||||||||||||||||||||||||||||||||||
وين ولد شالي الله يمسيه بالخير
مساك الله بالخير وحياك الله ظيف عزيز وغالي في منتدى ربعك وحزام جنبك آلاد شداد
لانهم صبحوه وانا اعلم بأنك تقصد صباح الكحل بعدما اجلوه عن الحارثيه سبع سنوات في حد غامد وفي هذا الصباح انا معك بانه لم يكن نادم لان موقفه موقف دفاعي حيث ان المطلوب رأس مقبول ولكن ربك انجاه وكان اول ضحايا هذا الصباح اخته حمده ام الفارس المشهور ملحق التي كانت تلحف عباءة اخوها مقبول ونائمة ٍ في فراشه وقتلت بالخطا ظنا ً بأنها مقبول وعندما افرغ قاتلها الطلقه في راسها وهو يقول قم بنصر مفلح وانت حي ٍ تسمع ( ردت وهي في سكرات الموت قايلة ً عجوز وفيدك هي ) قال ان كان مقبول نصر مفلح وان كان عجوز نصر جرا والجميع يعلم بان جرا اخت محيل وعمة الفارس براز ابن محيل قتلوها الشلاوى بالخطا ايضا ً نهار صباح الباضه عندما اتت ترفع ابن اخيها براز بن محيل حيث كانوا يعتقدون باانها والدة براز الشاعره فجعه هياء بنت مبارك التي مرت بجانب ابنها براز حينما خر صريعا ً وهي تقول في سوقك وانا امك آلاد شداد ياعيال ابوي احتمو ماقفكم وعشان كلمة اكلوها في لحاهم ودي اوضح لك ان الذي قتل على جال منارة مقبول ابن هريس نهار صباح الكحل سبعه من الشلاوى من بينهم ملحق ابن اخته حمده الذي كان ضد حرب مقبول على الشدادين من بدايتها ويؤكد ذلك قصيدة مشرع بن محيل رحمه الله اخو الفارس براز حيث لاتحضرني كاملة ولكن سوف اذكر لك منها قوله خلوخيال صهيب عنهم يميني=والكحل لاجاها من الوسم رعاد جينا الشلاوى واثرهم محتزيني=مااسبهم يوم انهم ذخر الاجواد سبعه ذبحناهم بجال الجذيني=من فرعهم نار توقد توقاد ومابيننا خلي حساب اربعيني=غير الصويب اللي بشر ٍ والازهاد لكن اذا كان مقبول الله يرحمه يقول عزي لمن هم عزوته ثم فاتهم=ماعاد له بالشايعات نصيب لاتاكل الا كل شيخ مجرب=عند الخطا ماهوب عند مصيب ومن قصيده اخرى يالله يامطلوب ياقايد الرجا=عطني من آيات الخواتم حسينها زين اعمالي ليلة امرح لحالي=في حفرة ٍ صكوا حصاها بطينها ياطول مابيت قيدوم سربه =آخذ من اشوار العوادي سمينها وياطول ماصبحت قرنة جماعه=هدمنا مبانيها واخذنا جرينها ياكن لجة الجرسان لجة حنينها=مزامير ترك في يدا لاعبينها اما بنيناها بعز ٍ على الصفا =ولاخلطنا راكها مع عرينها انا مابي الا حسة من قبيله= تقعد لحي ٍِ عقبنا وارثينها يشب اللي مايحسب العواقب=وخلى عواقبها على ملتقينها ولا يخفى عليكم مسببات الحرب وقصة ذيل خضرا ناقة محمد الوديوش الذي قال معلنا ً الحرب بسببها ياعيال الحميه واقطع العاني=لين خضرا يعود ذيلها فيها وانتم تعلمون ان الشدادين هم اصحاب المواقف المشرفه بجانبكم ولكن لااعلم لماذا تحاولون استفزازهم ونكرانهم في كثير من المواقف اذكر لك على سبيل المثال قول الشلوي كان ابو شيبه يبي فالرسايم حفر بير=ان حفر بين الامرين عار ولايمه احتمينا حدها يوم عن حدك تنير=من يخلي حد داره عليه الايمه ان سندتوا مع بوا مع مقيدة الحمير=الجنايز كل يوم ٍ عليها الحايمه
|
16 Dec 2010, 01:20 AM | [ 2 ] | |||||||
شاعر
|
رد: وين ولد شالي الله يمسيه بالخير
ترى باقي للموضوع تكمله بس الآن مشغول وراجع لكم في وقت لاحق لاأستكماله |
|||||||
16 Dec 2010, 01:25 AM | [ 3 ] | ||||||||
مراقب عام
|
رد: وين ولد شالي الله يمسيه بالخير
تركي ابن شالي عقب الأتصال اللي وصلني سنه صغير ولا يعرف شيء فلماذا نعطيه فوق حقه |
||||||||
|
|||||||||
16 Dec 2010, 01:30 AM | [ 4 ] | |||||||||||||||||||||||||||
شاعر
|
رد: وين ولد شالي الله يمسيه بالخير
يامرحبا يابو مشعل انا والله مدري وش سنه لكن ماقلت الا الحقايق لمن يجهلها عسى عمرك طويل ياسنايدي |
|||||||||||||||||||||||||||
16 Dec 2010, 02:25 AM | [ 5 ] | ||||||||
عضو متميز
|
رد: وين ولد شالي الله يمسيه بالخير
تراكم بني عم وترا الشيطان حي مبعد مات ولعنو بليس وكبروو عقولكم |
||||||||
|
|||||||||
16 Dec 2010, 02:51 AM | [ 6 ] | |||||||||||||||||||||||||||
شاعر
|
رد: وين ولد شالي الله يمسيه بالخير
ياهلا وغلا يابو نايف هذا مافيه شك طال عمرك الله يعلن الشيطان ولا يجعل له طريق الى قلوبنا انت تأمر أمر لا عدمتك |
|||||||||||||||||||||||||||
16 Dec 2010, 03:03 AM | [ 7 ] | |||||||
شاعر
|
رد: وين ولد شالي الله يمسيه بالخير
ابيض وجه يا تركي .. وقصيدة جدي مشرع دورها ليّ ابيها كاملة .. الذاكرة زيرو .. وليّ تعليق على الموضوع لكن في مابعد .. |
|||||||
|
||||||||
16 Dec 2010, 03:14 AM | [ 8 ] | |||||||||||||||||||||||||||
شاعر
|
رد: وين ولد شالي الله يمسيه بالخير
تأمر أمر طال عمرك ابشر جاري البحث وسوف نسدحها هنا كامله حين العثور عليها |
|||||||||||||||||||||||||||
16 Dec 2010, 09:26 PM | [ 9 ] | |||||||
ممنوع من المشاركة
|
رد: وين ولد شالي الله يمسيه بالخير
هلا بالاخ تركي الشدادي .. من عجلتك الله يهديك نسيت حتى رد السلام اخوي الا شداد نعم القبيلة ومن اطييب ابن الحارث في الحاضر والماضي ايضا اهل فزعة وجزعة .. ومنهم رجال وفرسان وشيوخ كثبر نفتخر فيهم من ضمنهم : مبارك بن مهرس ومفلح ابن مهرس وعجير واخوه عايض وقاعد البديواني .........الخ والمجل يطول لسرد ابطال وفريس الشدادين بالنسبة للحروب اللي حصلت بالسابق بين الشلاوى وبنيوس فهي فتنة وانتهت بخيرها وشرها واتمنى اذا تبينا نتناقش اتمنى الا يتم مسح ردودي مثل كل مرة من المشرفين وان تتقبلو الحقائق بكل صدر رحب او اقفلو الموضوع وبلاش نخوض فيه اذا صدوركم ماتتسع للنقاش فيه .. يالغالي المعركة اللي انت تقصدها اسمها صباح الحاوي والحاوي وادي في وسط ديار الشلاوى وفي الحقيقه اضحكني كلامك ان بنيوس طردت الشلاوى في الغامديه ^_^ وبعدين كيف تطردونهم وانتم مندسين بالفند وينيوس هاجين عنكم ومخلينكم لحالكم بنيوس وين طيبهم يوم احتمى الميقاف نهار الباضه واما معركة الحاوي انكسرت بنيوس كسرة لم تقم لهم قائمة من بعدها وجرهم شيخهم الشباعي بسبب حقده على الشيخ مقبول.. ولم تغزو بعدها بنيوس على الشلاوى اي غزوة نهائيا وقتلاهم في ذلك الصباح كثيرون جدا ومن ضمن ابيات القصيدة اللي يقولها مقبول : جونا صلاة الصبح في مراحنا=في حزة العدوات للحريب وقمنا عليهم والاله يعينا=وراحو من اطراف البيوت هريب ويقول شاعر من الشلاوى بعد هروب بنيوس والتجائهم في احد الهضاب بيض الله وجه هضبة لبا والسلمين***يوم راحت للبنانيس عز ومزبنة ولو ما الهضااب مابقي من بنيوس واحد ^_& واما شيخ بنيوس الشباعي(المتسبب في هذه المعركة) تم اعتقاله وربطه تحت شجره بالسلاسل فتلفظ على الشيخ مقبول من شدة القهر وكان يريد من الشيخ مقبول ان يقتله فقال له الشيخ مقبول : والله لو ان ذبحتك تنومس يمديني ذبحتك لكن ذبحتك ماتنومسني يانفاخ ذنب سعده واما قتل حمده فهو وصمة عار في تاريخ بنيوس والرجال تشرف انفسها عن ذبح النساء فما بالك بالعجائز فهل استشهادك بمقتل حمده تعتبره من بطولات بنيوس ^_^ عسى الله يرحم حمده عز الله انها اطيب من بعض الرجال والشلاوى تذبح الفرسان وسط الميدان ياتركي مهوب غدره على جال المناره وهم جلوس وبعدين يالغالي كل الشواهد والابيات الشعريه اللي ذكرتها تدل عن انكسار بنيوس وهزيمتهم في تلك المعركة .. ويقول الشيخ مقبول ممتدحا فعل فرسان الشلاوى في ذلك الصباح : يالله يامطلوب يا قايد الرجاء=يامغني الفقير عقب عراه طالبك في نوٍ مزونه تحدر=يسقي البهارة والسهل من ماه ديرة بني عمي هل الجود والثناء= اللي على سموا الحريب عصاه سموا الشلاوى اللي يضدون عايل=بمسلبٍ كن البروق سناه سموا الشلاوى اللي سريعٍ ردهم=بمسلباتٍ في يدين رماه هيض عليه يوم بنيوس صبحوا= بعد صباحهم مايقنو بحياه قاموا عليهم عزوتي دون مالهم=وروحٍ يدارا ماعليه شفاه العكبري قعد لذيابة القرى= وعيضة وابن شبنان ورفقاه وابو نوره اللي يشبع الضيف في القسا= ذيب القرى يعجل عليه عواه فهؤلاء هم فرسان الشلاوى وهذه هي اخلاقيات شيوخهم فهم اهل الشوايع نهار الوقايع والشيخ مقبول كان حريصا على مصلحة جميع بني الحارث وتهدأت الخلافات ودرا الفتن لكن وش حيلته مع ناس معميا الله بصايرها يقول اخو حمده : بلونا جماعتنا ببلوى صعيبة=بلوى تجي للمستحين غصيب واليا عذلناهم يزيدون بالخطا=سوات جم في عروق قليب قلت معارفهم وكثرت عياتهم=سواة غرب بين هاب وهيب لانه جاء بعد انتهاء حرب قاصاءوالفنود وارجاع الشداين الى الديرة بعد رحيلهم منها واعتقد ان شيوخ الشدادين لم يشاركو في ذلك الصباح والله اعلم واتمنى تفيدنا عن ذلك وبالنسبة للناقة الخضراء فقصتها كانت قبل هذا الصباح بسنين ولعلمك الناقة خضراء شراها رماح الشلوي بقيمة غاليه من اجل انهاء المشكله والمشاكل اللي اثارت الحرب الاولى الجميع اظن يعرفها ولا داعي لذكرها ووبالعكس ياتركي الشلاوى يحبون الشدادين من بد بنيوس بالذات والخلافات شي طبيعي بين الاخ واخوه .. ولو تلاحظ حتى بالقصايد القديمه ان الفرسان والشيوخ الحقيقين بالرغم مايحصل بينهم مايسبون بعض ولا يسبون الا واحد يستاهل السب فعلا وبيوتك الاخيرة ضحكتني صراحة وانا اول مرة اسمعها واتمنى تجيبها كاملة ولا تدس منها شي ^_* وعلى فكرة المشاكل هذي انتهت على وقت دوخي واين حريش وعيد بن عايش وعجير بن مهرس ورجع شمل القبيلة مثل ماكان واحسن واليوم نحمد الله على نعمة الامن والامان |
|||||||
16 Dec 2010, 09:51 PM | [ 10 ] | ||||||||
عضو متميز
|
رد: وين ولد شالي الله يمسيه بالخير
تركي بيض الله وجهك ويسعد ربي صباحك يالغالي أعجبتني أبيات أبو عياد عسى الله يرحمه ويرحم أموات المسلمين ولد شالي الله يعطيك العافيه أبن شالي حنا قلوبنا تقبل النقاش وماعلينا منه لكنا لنقاش لازم يكون صحيح وليس حشو كلام تقبلو تحياتي وإن شاء الله نشوف كل كلام طيب ونقاش جميل |
||||||||
|
|||||||||