قصيدة قيلت في اللواء سلطان بن عايض

السلام عليكم ورحمة الله وبركاته

قصيدة قيلت في اللواء / سلطان بن عايض الشدادي

قالها الشاعر العقيد / حمد بن معيض المسيلي الحارثي

يالله ياللي له أملاك الفلك والمدار=اللي جعلنا على شرع النبي نتبعه
يالله تجعل لنا في كل عليا شعار=تحفظ ولاة الأمر والدين لا تزعزعه
من بعد ذا يارجال العرف وأهل الوقار=سلام تسليمتن مستعجله مسرعه
سلايل أهل الوفا والطيب قومن خيار=ألاد شداد سم اللي يبي يجرعه
بنيوس لا شبت الهيجا وثار الغبار=كم واحد(ن) حين واجهها لقا مصرعه
تاريخهم واضح(ن) سوات شمس النهار=تعجز بسرده دوات الحبر والمطبعه
تبين شمس الحقيقة ماعليها ستار=تاريخ مثل الذهب لاجاك من مصنعه
حنا بن الحارث اللي مثل موج البحار=أن راق يا مركده وأن ضاق يامشنعه
وأخص سلطان ريف الضيف للجار جار=ذكره وطاريه نوماسن لمن يسمعه
سلطان لاعدوا زحول الرجال الحرار=يعد وجوده وفيض الجود من منبعه
يشيل رتبة لها عند الرجال إعتبار=قايد كريم(ن) شجاع(ن) فيه مجتمعه
ياشيخ جيتك على السرعة من أرض المطار=القلب يمك رجا وأجلال لك يدفعه
ياشيخ صدره همومه ما احتواها الزرار=والبحر ما كل سباح(ن) يبا يشرعه
واللي مقدر على المخلوق لاصار صار=أن ما نفعه الولي فالناس ما تنفعه
سود الليالي تضيع نشوة الأنتصار=كم واحد(ن) ضيعت تدبيرته وسنعه
أعطيتك المختصر وأنته بيدك القرار=وترى المطر لأنهمر يبدد الزوبعه
رفعت روس الرجال أهل الوفا والشنار=إجابتك لا سمعناها لنا مقنعه
وأقبل تحية قبايلنا بذيك الديار=ديار روس الرجال العالم المبدعه

صح لسـانه ملاييـن ولاهان شآنه

الف شكر عطه خيـر

كفو والله يا أبو ثامر
يستاهل والله كل خير وكل مدح وثناء
وصح لسان الشاعر المسيلي ما قصر
والله يبيض وجهك أخوي

صح اللسان المسيلي
وابوثامر يستاهل الشحم ماهو هرجاً مصفف
عطه خير لاهنت

يعطيك الف عافيه على ذي القصيده صح السانك يابو ثامر

صح الله لسانه وابو ثامر يستاهل كل خير ,,,,,,,,