لا مال ،، لا مأوى ،، ولا حضن زوجه

يا لوعة الفرقى .. كفى شر الأهـوال=إنهدّ حيلي .. والعقـل فـي نشوجـه
صبري عليها طال ، وإغيابهـا طـال=والوقت ما بيـن القسـى واللزوجـه
إشتقت أسولف وأستمع حلو الأقـوال=وإشتقت للوجه الحسـن دون روجـه
يا من يبلغها .. تـرا الهـم مـا زال=وفواز عاف المجتمـع مـن مروجـه
عقبك كرهت الأخ ، والعم ، والخـال=حتى صحيبي مأستمع فـي هروجـه
الناس تسعى بالنظـر شـوف الأزوال=وأنا أنقهـر لاشفـت بنـتٍ غنوجـه
رحتي ولا باقي سـوا ذكـر الآمـال=حلمي إنهـدم حتـى تدمّـر بروجـه
شوفي وش الباقي على كل الأحـوال=لا مال ,, لا مأوى ،، ولا حضن زوجه
المـال روّح فالـكـرم والتـجـوّال=ذي حالتي وحده علـى كـل موجـه
يابنـت والله مـا تعبّـدت الأمــوال=ولاني مـن اللـي ماليـاتٍ دروجـه
أخـرج زكـاة المـال وأريّـح البـال=وغيري زكاة المال حاصـر خروجـه
وألاّ السكن !! عابر و نازل و رحّـال=عنّيـت رجلـي فالديـار الفجـوجـه
أحيان أسج البر وأقطـع بـه أميـال=وأحيان أسامر بحـر جـده وموجـه
صرت الغريب النـادر بكـل الأجيـال=والموقف الغصّـاب رجلـي تدوجـه
أبسألـك بالله يرضيكـي الـحـال ؟؟=لا مال ،، لا مأوى ،، ولا حضن زوجه

آللهّ

... آللهَ
....... آللهّ

قَصِيدَة قِمّـة فِي آلجمَآلٌ ,..
صَح لِسَآنكَ وآعتلى شَآنـَك ,
وسَلم لنآ قلمَك المخَمَليَ
بإنَتظَـآر جدَيَدك

والله مبدع يا فواز


قصيدة رائعة وقافية شبه صعبة



ولكن لا تصعب على شاعر بمكانتك


تقديري

صح لسانك مليون ولا يوفون ..
مبدع يا فواز ..

		المشاركة الأصلية بواسطة : اقتباس
	عقبك كرهت الأخ ، والعم ، والخـال حتى صحيبي مأستمع فـي هروجـه

وكرهناهم

وعفنا الدنيا لاغابوا

ورجيناهم

عفنا

الزاد والمأوى

ورجينا ربنا المولى

يقرّبنا لخطاويهم

وينسّينا عنا الفرقى

وفديتك يابحر جده

تقربنا لخطاويهم

وفقدناهم

استرسلت أحرفي دون ان تستأذنني بالهطول

أبياتك حرّكت مكامن الشعور لتستنطقنا حروفاً متناثرة

أعتذر على استقطاع هـ المسافة ومزاحمة قصيدتك ونثرها

صح لسانك مليون ولايسدون يالمبدع

وسلم قلبك وعلا شانك

تـرف

صح الله لساانكـ قصيدة راااااائعة وفي قمة الجمال

صح لساااااااانك يافوااااااااااز

ولاهنت

سلم رااااااسك وبيض الله وجهك

تحياتي

صح لسانك وصدقت

فيما قلت



الله يعطيك العافية

فواز
صح لسانك شعرك حروف وقوافي ابحرت بها
في من عشقت او فقدت تسلم على ذلك

المال روح في الكرم والتجوال
ذي حالتي وحده على كل موجه
كفو يافواز والله يكثر من امثالك جزاله ماهي بغريبه عليك ياجزل دايم قصايدك غير ومواضيعها متميزه صح لسانك مليارات وكل عام وانت بخير
تقبل تحياتي,,,,,,,,