قصيده في رجال هجرة الزرب

بسم الله الرحمن الرحيم

السلام عليكم ورحمة الله وبركاته

هذه القصيده القيتها في حفل اهالي هجرة الزرب

الذي اقاموه قبل شهرين تقريباً
.

.

سلام الله على سموا الرجال اللي لهم ميقاف=سلام الله على ربعٍ على الحدان نزاله
سلام الله على اللي مجدهم طول الزمن ينشاف=لهم طيب ولهم فعل ولهم مجد ولهم قاله
رجالٍ في نهار العرف دايم كلهم عراف=رجالٍ في نهار الفعل كلٍ يحذف عقاله
يدقون الخشوم ولا على فرقا الخصيم خلاف=يجونك حزة الميقاف رجليه وخياله
لهم مجدٍ عريق وقد بدوا في قمة المشراف=لهم فعلٍ مجيد وذكرهم بالطيب يبراله
هذا العلم الصحيح ولا على وجه الصحيح غلاف=هذا الهرج الوكيد ويحتميه لسان من قاله
ذوي مشعل وابن مقبول عايض فالجزال ايشاف=وابن فارس شجيع وفالزمن ماتقصر حباله
رسوا في ديرة اهل الطيب لين ان المعادي خاف=وصار الزرب نوره نور برقٍ يرزم خياله
عسى ربي يقويكم على الطالات والانصاف=عسى ربي يوفقكم على الفزعات والطاله
بعد جيت العزيمه ياخوالي قمت اسوق القاف=اسوقه في طريقٍ يتعب اللي يحسب امياله
سلام الله على سموا الرجال اللي لهم ميقاف=سلام الله على قومٍ على الحدان نزاله

.
.
عيد الشدادي

حضـــــوووووووور 1
صح لسااااااااااااااااااااااااااااااااانك
يالبناخي
وبيض الله وجهك
ابداااااااااااع
وليس الابداع بغريب
من اهـــــــله

*


الغربي ,

صح لسانكَ
دائماً ما تضع لكَ بصمهٌ مميّزه كَ تميّزك
و كما قال تركي ليّس بَ الغريّب على متألق مثلك



لكَ الشُكر

		المشاركة الأصلية بواسطة : تركي الشدادي اقتباس
	حضـــــوووووووور 1 صح لسااااااااااااااااااااااااااااااااانك يالبناخي وبيض الله وجهك ابداااااااااااع وليس الابداع بغريب من اهـــــــله

حيااااااااااك الله يابو عبدالله

ووجهك ابيض ياتركي

اسعدني حضورك الاول وانت راعي الاوله دائماً

صح بدنك ولا هان راسك

		المشاركة الأصلية بواسطة : طفلة الثلج اقتباس
	* الغربي , صح لسانكَ دائماً ما تضع لكَ بصمهٌ مميّزه كَ تميّزك و كما قال تركي ليّس بَ الغريّب على متألق مثلك لكَ الشُكر

طفلة الثلج

الابداع لن يكتمل الا بحضوركم وتواجدكم

صحت ابدانك ولاهنتي على مرورك

كفو والله يا أبو عبيد
وبيض الله وجهك على ميقافك الطيب مع ربعك
وصح لسانك ملايين

		المشاركة الأصلية بواسطة : السلطان اقتباس
	كفو والله يا أبو عبيد وبيض الله وجهك على ميقافك الطيب مع ربعك وصح لسانك ملايين

كفوك الطيب يابو عبدالله

ووجهك ابيض

صح بدنك

		المشاركة الأصلية بواسطة : الغربي اقتباس
	. سلام الله على سموا الرجال اللي لهم ميقاف=سلام على ربعٍ على الحدان نزاله . . عيد الشدادي

صح السانك يالغربي

وربعنا يستاهلون

الشطر الثاني من البيت فيه كلمة سقطت سهواً اثرت على الوزن ياليت تعدله


تحياااااااااااااتي

صح لسانك شاعرنا الغربي

وأكيد يستاهلون