سعود في القبس الكويتيه

الله يمسيكم بالخير يالربع ، انا منقطع عنكم منذو مبطي
واليوم عندي خبر يوسع الصدر للمهتمين بشعار ابن الحارث.
لقيت قصيدة سعود سفر الحارثي ابو طارق في جريدة القبس الكويتيه
مع نجوم الخليج. أرعصوا على الرابط هذا

http://www.alqabas.com.kw/Final/News...ticleID=193255

أخوكم معيوض البلاهدي

وينك صلاح الدين..غزة وبيروت=تحت الحصار ودم أهلها مباحي
تئن من قصف ودمار وجبروت=جند اليهود.. بليلها والصباحي
في نشرة اورشليم وأخبار يديعوت=عبر ايهود اولمرت بكل ارتياحي
عن جاهزية جيش وضجت أحرونوت=وتوعدوا بلداننا باجتياحي
الا أدلهم الخطب والوضع مفلوت=العرب مثل الميت والغرب صاحي
يحاربون بكمبيوتر وروبوت=وحنا نحارب بالعصي والمساحي
احتلوا البصره وبغداد والكوت=من تركيا الى حدود الصباحي
والقدس والضفه غدت قبلها فوت=وشربت عربنا المر بعد القراحي
واللي بقي قافيه ذا علم مثبوت=هبت على أوطان الضعوف الرياحي
شبابنا يلعب كتشينه وبيلوت=والشيخ يفتي والسياسي إباحي
وأهل المصالح بين تطنيش وسكوت=ويدعون للتطبيع والانفتاحي
ذلت بلاد العرب والذل ممقوت=وتجرعت سم الهوان الذحاحي
دعس عليها كل خنزير بالبوت=ونادت: صلاح أفزع لنا ياصلاحي
انزل على روس العدا بالبراشوت=وأعلن جهاد.. وقودنا للكفاحي
أخاف نتأخر عن الحرب ويفوت=ميعادنا مع النصر والنجاحي
اليوم دم المسلم أرخص من التوت=استسلموا للذبح مثل الأضاحي
يا أمة المليار خذلك هلفوت=وعميل ومنافق برتبة إصلاحي
الجيش شرطة آمن والشعب مكبوت=وضع يجنن كل عاقل وصاحي
كأننا موتى والاوطان تابوت=وش فايده تستعرضون السلاحي
منكم تبرت حرة جرت الصوت=وعنها تخليتوا وحملت سفاحي
حجابها تدوسه الجند بالبوت=وصاحت ولكن من يجيب الصياحي
يشوتها أبن القرد في جزمته شوت=ذلت وجاعت وسكنت فالبراحي
عجب بلاد الأغنياء مابها قوت=والكلب فيها شبع وأبن الرباحي
والشعب حوت ياكله فالبحر حوت=هامور يخدعهم والآخر يتاحي
نستورد الدخان ونصدر زيوت=وكفوفنا على بعضنا شحاحي
والأجنبي يسكن عمارات وبيوت=ويضحك على شعب فراشه بطاحي
وأعلامنا تطبيل كاذب وسربوت=ماشفت طياره أسقطها مناحي؟
النصر مايحتاج له سحر هاروت=عطني سلاح وخبز وأطلق سراحي
وفي موقعه كأنها عين جالوت=مضمون تحقيق النصر والفلاحي
وموت المجاهد دون أرضه ماهو موت=الموت موت الدين والانبطاحي
تسقط تلابيب.. وتسقط سديروت=ويعيش دين العدل والانشراحي

سعود سفر الحارثي

قصيدة راااائعه وماهي غريبه على ابو طارق

شاعر كبير وقصائده جميله جداً

اشكرك اخوي على الاختيار

كل الود

سلمت يدك على النقل اخوي الفاضل معيوض البلاهدي
بيض الله وجهك وصح لسان الشاعر المبدع سعودسليمان
وتقبل تحيات ( ابن عمك )

معيوض

لاهنت على هالنقل الجميل لقصيدة

شاعرنا ابو طارق فهو شاعر غني

عن التعريف صح لسان ابو طارق

وبيض الله وجهك يامعيوض.

الاخ معيوض البلاهدي

اشكرك على الخبر

وتراني أخر من يعلم..

خبري بهذي القصيدة نشرت

في مجلة قطريه أيام الحرب..

جهودك مقدره والله يكثر أمثالك !!

بيض الله وجه أبو عبدالعزيز ويستاهل شاعرنا الكبير كل خير

وأشكرك أخي معيوض جزيل الشكر

والله يحفظك ويرعاك

زينتو القصيده أما انا ماعرفت

ارتبها

بيض الله وجيهكم وأنشاء الله

القا غارها لشعار ابن الحارث واجيبها

صح الساااااانك يابو طااارف


استاااذ


شاعر بحر


بس ويت الصووووره هههههههههههههه

نبي لنا طاروووق ثاني


شكرا يامعيووووض على النقل لشاعر يستاهل

		المشاركة الأصلية بواسطة : الرهاوي اقتباس
	صح الساااااانك يابو طااارف استاااذ شاعر بحر بس ويت الصووووره هههههههههههههه نبي لنا طاروووق ثاني شكرا يامعيووووض على النقل لشاعر يستاهل

صحت ابدانك ...

أما الصوره أسمحلي ....

ماشفت القصيده الا هنيا.. والا قالولي

في الجريده أنهم بينشرون لي.. والا كان تلبست..وتصورت

صوره .. ناخذ عليها طاروق ثاني وثالث ....

تسلم يمناك يا الغالي :

وسعود من الشعار اللي يعنينا ويهمنا ابداعه ... بالفعل شاعر نتشرف به .


لاهنت اخوي معيوض .