كان الزمان اللي وطاني توطاك

السلام عليكم ورحمة الله وبركاته


قصيده للشاعر 00سعود الشريم00


في ابنه


وارجو ان تحوز على رضا الجميع

يامل عين في محاجيرها شوك=والقلب فيه من لذة النوم دكاك
لا دك في قلبي من الهم داكوك=جاوبت طلبات الحمايم على الراك
عزي لحالك ياوليدي وانا بوك=كان الزمان الي وطاني توطاك
افهم وصاتي ياوليدي وانا بوك=دامك صغير وغاية العلم يبراك
تراه ما ينفعك عمك ولا خوك=لا صار ماتقضي لزومك بيمناك
وربعك اذا بان الخلل فيك عافوك=اقرب قريب لك من الناس يشناك
ان كثر مالك صدقوا لك وطاعوك=وان قل مافي يدك شانت حلاياك
لو تطلب الماء عندهم كان ما سقوك =ابعد مزارك عن وطنهم ومرباك
وان طاب حظك صدقوا لك وحبوك=وان بار كلن ما يبي غير فرقاك
ولا اعترض لك من صروف الملا صوك=كلن تبرا منك ماهوب وياك
هراجة المجلس إلى جيت وروك =منازل تطرب نظريك بدنياك
ولا قضوا منك اللزوم راحوا وخلوك=تفرقوا وانت احتمل كل ما جاك
كنك سراج البيت للنور شبوك =ولا قضى اللازم حدا الربع طفاك
ولا كما ليمونة الحمض مصوك=ولا قضى منها الطعم فرغوا ذاك
والي يجي من رفقته ريب وشكوك=احذر عنه لاياك تصدق بمسراك
ولا جفوك اهل الوطن واستخفوك=قلع غريسك منه واهدم ركاياك
تراك لو تنجا على الرجل صعلوك= احسن من الي تنتجي له وياطاك
عطهم وضيفهم إلى منهم جوك =واغلق ضميرك لا تعلم بقصياك
ان طبت ما حبوك وان عبت زالوك=تمضي حياتك ناقل داك برداك
ولا قضيت من الوظيفة تناسوك =خفت موازينك وكلن تهقواك
واصحا لخلان الرخا لو تغالوك =اعرف ترا اطيبهم إلى احتجت يجفاك
كنك خوي مقيط دهووك واغووك=حقك عطاك ارشك وافقى وخلاك
احذر عن العين ترا الحق مدروك=مثل العمل يدرك وما منه فكاك
ان كان عدوانك على الضيق حدوك=فاخصم طلابتهم بع جفاك وقداك
وان كان هم لمشرف الحق ماشوك=ناظر مطاليع الفرج قبل مبداك
وزرهم تراك لا توانيت زاروك=ان ما بديت صاحب السوء يبداك
لو هزو بك من المصاوب وغدوك=ما يذبحونك قبل تدني مناياك
واحلم على الجاهل ترا الحلم مبروك=وقم للضعيف اللي من الضيق ينخاك
ودمح خطايا جيران بيتك إلى أوذوك =ترا القصير وحرمة الجار بحماك
عطهم رواتب حقهم لو تناسوك=في كل ما يصلح بدينك ودنياك
صلاة ربي عد الاوراق والشوك =او ناض براق وما هل سفاك
على الذي ما فيه ريب ولا شكوك=نبينا ما دك في القلب دكاك

صح السان بو شريم


اخوكم((( ابو عبيد )))

وعليكم السلام ورحمه الله وبركاته
^
^
صح لسان شاعرها ولاهنت ياابو عبيد

الله يعطيك العافيــــــــــــــه

هلا حياااك


نورتي الموضوع بتواااجد الراااقي والعطر


تسلمين)()()))))(((((((

صح لسان شاعرها وسلمت يد ناقلها

الله يعطيك العافية

دمت كما تحب

صعوط المجانين
لاهنت على نقلك العذب

ارحب ياخيال

نورت الموضوع باشراقك الرايع


لآهنت

الله يعطيك العافيه على النقل
تقبل تحيتي

صـــــــــــــــــــــــــعووووووووووووووووووط الــــــــــــــــــــمــــــــــــجـــــــــــااا ااااااااااانـــــــــــيــــــــن


مشكوووووووووووووور ألــــــف على القصيدة الراااااائعة وصح لسان شاعرها


ولاهان ناااقلها وسلمت يمينكـ يا أبو عبيد

تحياااااتي

لا هنت يا أبو عبيد ولا هان غاليك
وصح لسان الشاعر سعود الشريم
على هذه النصائح الطيبة والتجارب الحكيمة

^
^

تسلم والله عالقصيده الحلوة وصح لسان شاعرها وماقصرت ^ ^


............