|
|||||||||||||||||
هل نحن مختلفون ام متخلفون ..؟!
يسعد اوقاتكم ..}- من زمان عن المواضيع الساخنة .. سؤال بسيط ..عفوى .. ليش نظن أن أحنا غير ؟؟ قبل تجاوبون ..أحب أقولكم بأختصار ..أنا انسانة واقعية وأكرة التنويم والطبطبة } شبعنا تنويم .. وشبعنا من النظارة الوردية اللي لبسونا اياها ..ودقوها بمسامير في نوافيخنا عشان مانشوف الا منها.. شبعنا تطبيل وتصفيق .. { احنا الشعب الوحيد اللي يصفق لهمْ ويتصفق منهم ْ} شبعنا من اساطير حنا غير .. وحنا فوق .. بس المشكلة ماعلمونا ليش حنا غير وليش حنا فوق .. شبعنا من كل آل فلان خيالة وعليهم رزة الراية ويازين محمد بينهم ..حتى لو هالمحمد سكير مايعرف الصلاة .. وغيرك ينقص وأنت تزودي ... بس ماعرفنا وش ينقص ووش نزود ... شبعنا - نفخ نفخ نفخ ليش أحنا غير ...؟؟؟ فية أحد يقدر الحين يجاوب على هالسؤال الشائك ؟؟؟ حتى لو بينك وبين نفسك .. جاوبي نفسك .. جاوبي الطفلة الحنانة داخلك .. وش يميزنا عن غيرنا ؟؟؟ لاتقولين الأسلام ... ادري هالشي مايختلف علية 2 بس هل تعتقدون ان كل من تحت راية هالدين يعملون بة؟؟؟ كم واحد تعرفينة مسلم وهو مايصلي ولا يعرف ربة ؟؟؟ وش سوينا عشان نحس أننا مختلفين عن الكل ؟؟؟ وش قدمنا لمجتمعنا ولا لبلدنا ؟؟؟ أجيال ورى أجيال يكبرون وريشة التميز فوق راسهم .. يمشى الطفل ووراة السواق والشغالة .. وحتى لو ضربهم محد يقولة شي .. لأنة غير.. ولين كبر حدث ولا حرج .. تكبر الريشة معه .. وتتوسع دائرة الأقزام حولة .. يتعالى على العامل والأجير والغريب .. وياويلة ياسواد ليلة لو واحد منهم تجرأ ووقف بوجهه .. اول جملة تجي على لسانة }- من أنت عشان تسوي كذا ؟؟؟ وأذا كان عاقل ..قال }- البيت بيت ابونا والقوم طردوونا شربنا التعالي .. وتغذينا بالعنصرية .. حتى لو الواحد عاطل باطل ومر جنبة اجنبي يشتغل شغلة تفيدة وتفيد عيالة .. رفع خشمة علية .. كنة هو اللي يصرف لة راتبة .. صارت العنصرية سمة تلاحقنا في بلدان الغير وصرنا لقمة سهلة لتجار الشفط لأننا عيال النفط , ولأننا نأبى التخلي عن تاريخنا العنجهي في رحلات الترويح والتسريح والهشك بشك .. حتى لو كل الرحلة سلوف وقروض .. المهم حنا غير .. غيرنا وصل للفضاء .. واكتشف امراض .. وصنع صواريخ وقنابل عشان نقرقش جيبونا ونشريها .. نحتاجهم .. ونلبس منهم .. وناكل منهم ... بس نكرههم .. وقناعتنا قائمة أننا أفضل منهم .. ولما أستشرى فينا مرض التعالي , صرنا نتعالى على بعضنا البعض .. الغني على الفقير .. الأصيل على الأجير .. الأبيض عالأسمر .. زرعنا الجفوة بقلوب الغير ... ومازلنا مانشوف غير القشور تعلمنا ندفع مقابل أننا نسمع ..نسمع نفخ وتطبيل .. ومدح كذاب .. يمكن نكون الشعب الوحيد اللي يمتلك قرائح شعرية للحلب .. قرقش جيبك ..يقرقش الشاعر قريحتة .. وفجأة ..بعد ماكنت سلقة تصبح أسد مغوار صار الكل فارس الفرسان ودرع الدروع ..حتى لو كانت شحومة تتدودل بكل أٌبهه من اطراف الكرسي , وكل مازادت الدودلة زادت القرقشة وزاد الحلب , وراح تزيد معها حيرتي بالجواب ... ليش أحنا غير ؟؟؟ اترك السؤال ليداعب بمخالبة أحلام يقظتكم .. وأترك السطور ..لتقرأها كل خوخيه فطنة ..تجيد قراءة مابين السطور .. وأترك الرد لمن خلعت مسامير النظارة الوردية .. ورأت الواقع كما هو .. دمتم مميزون ...~
|
13 Jun 2012, 07:07 PM | [ 2 ] | ||||||||
مراقب عام
|
رد: هل نحن مختلفون ام متخلفون ..؟!
فارسة لي رجعة بعد الصلاة وفقكِ الله |
||||||||
|
|||||||||
13 Jun 2012, 09:47 PM | [ 3 ] | |||||||
عضوة متميزة
|
رد: هل نحن مختلفون ام متخلفون ..؟!
انتظرك ------------------------ شكرا للمرور |
|||||||
13 Jun 2012, 09:50 PM | [ 4 ] | ||||||||
مؤسس شبكة الشدادين
|
رد: هل نحن مختلفون ام متخلفون ..؟!
نحن بحاجة إلى الكثير من الثقافة التطويرية لمواكبة كل ما هو مفيد ومميز ولا يمس عقيدتنا ولا يخل بأخلاقنا ويكون سبباً في رقينا وتحسن أوضاعنا هذه الثقافة لا بد من زرعها في عقول الشعوب وتنشئة النشء عليها والحث على غرسها في العقول وهذا يحتاج إلى سنوات طويلة وفقك الله ورعاك |
||||||||
|
|||||||||
13 Jun 2012, 09:56 PM | [ 5 ] | |||||||
عضوة متميزة
|
رد: هل نحن مختلفون ام متخلفون ..؟!
يعطيك العافيه مديرنآ ماتقصر شكرآ لمرورك |
|||||||
14 Jun 2012, 02:35 AM | [ 6 ] | |||||||
عضوة متميزة
|
رد: هل نحن مختلفون ام متخلفون ..؟!
التنويم والتخدير سياسة جديدة بدأت ..... نعم والكل ملاحظ هذا الشي ... الكل يتقدم بطريقة مذهلة ونحن مازلناا نحاول ندرس الموضوع ؟ ونتأخر والغير يتقدم .... ونتمسك بعادات وتقاليد تجعلك بالخلف ... وغير الذين مازلوا يخافون المنقود الذي لا يعلم عن حقيقة المنقود ومضمونه الحقيقي شيء تحياتي لك ولكم جميعاا |
|||||||
|
||||||||
14 Jun 2012, 03:29 AM | [ 7 ] | |||||||
أستغفر الله
|
رد: هل نحن مختلفون ام متخلفون ..؟!
موضوع مهم جدا تشكرين على طرحه فارسه
لي عودة |
|||||||
|
||||||||
14 Jun 2012, 04:05 AM | [ 8 ] | |||||||
عضوة متميزة
|
رد: هل نحن مختلفون ام متخلفون ..؟!
في البدايه صح حنا غير الله لايغير علينا نحن غير عن البقيه هذا ليس بتكبر ولكن لو فكرنا بحياتنا كشعب مقارنه بالشعوب الأخرى لوجدتيه غير فعلاً اكثر شئ يميزنا تمسكنا ب الدين الاسلامي لكن في هذا الزمن بدأنا بالتخلي عنه والعودة الي الوراء الي زمن التخلف والجهل واللي يصير فينا من تخلف اكيد من تقصيرنا اللي خلاني اكتب هو التخلف اللي اشوفه في افعال بعض الناس ان شاء الله مو كلهم بس بعد هم يشوهون الصورة. مثال بسيط : في الجامعة مثلا تجيك وحدة يبان من مظهرها التطور تشوفها لابسه ساعة ديور وشنطة قوتشي وتمشي وترمي وراها علبة البيبسي وماعبرت احد وكرامتها ماتسمح لها ان ترميها في سلة المهملات لانها غييييييير ...ايش هذا التخلف تقبلي مرور |
|||||||
|
||||||||
14 Jun 2012, 01:38 PM | [ 9 ] | |||||||
عضوة متميزة
|
رد: هل نحن مختلفون ام متخلفون ..؟!
سهاد قلب يعطيك العافيه شكرآ لمرورك |
|||||||
14 Jun 2012, 01:39 PM | [ 10 ] | |||||||
عضوة متميزة
|
رد: هل نحن مختلفون ام متخلفون ..؟!
الباحث شكرآ لمرورك -------------------------- |
|||||||