رد على النص الموجه لي من الاخ الشاعر ابو مشهور

.
.



السلام عليكم ورحمة الله وبركاته
أسعد الله أوقاتك بكل خير
عُذراً على تواضع الرد لك أبا مشهور
وعسى أن نكون وفقنا به ومهما قُلت فلن أفي بشخصكم الكريم
ذوُ أخلاق عالية يذكرها الجميع ،

سر ياقلم و اكتب على سهيل عنوان = ولا على صدر الجدي لا لقيته
عنوان له في قمة المجد برهان = ساس الطموح اللي دعاك ورقيته
حول به الغيمه على كل هتّان = وإستنهض الطاروق لامن لفيته
يامرحبا ترحيبةٍ ترفع الشان = يرفع لها البيرق بمجدٍ خذيته
ترحيبةٍ ماخالطت رجز شيطان = رد السلام اللي وصلك ووحيته
رمز التقدم والأصالة والإتقان =من صغر سنه خابرك قد ربيته
اضرب بك الصعبة على كل ميدان = وأذخرك في ليلي ليا من سريته
وانت الرصيد اللي يرجح بميزان = وانت الرفيق اللي في دربي نقيته
للشعر خياله وللخيل فرسان = عزمك مع الركبان ماقد نهيته
يامرحبا بالصاحب اللي ليا بان = كن الثريا تعتزي لا نخيته

فايز بن مشحن


.

صح لسانك ولاهنت كفو ياابن مشحن

أبو مشحن بيض الله وجهك وصح لسانك جزل وأبو مشهور كفو.......

لاهنت ع القصيدة الجزلة
صح لسانك شاعرنا
مليون ولايسدون

قصيده جزله رائعه ماقصرت ,,,,,,,,,,

الله يحييكم جميع
صحة ابدانكم
وتشكرون على المرور والاطلاع الجميل
سعدت بهذا المرور
دمتم
بخير

.
.


روووووعه وماعليك زود وافي وكافي ولاخلا ولاعدم من هالشاعرية
كفيت و وفيت لاهنت بيض الله وجهك يالنشمي

الله عليك يـ فايز

رد جزل من شاعر مبدع

صح لسانك مليون ولايسدون ويستاهل الطيب أبو مشهور ~

كفو والله يا شاعرنا أبو مشحن
والله يحييك ويبيض وجهك
يستاهل أبو مشهور كل خير
وصح لسانك ملايين

هلا ب الشاعر الجميل فايز وبيض الله وجهك شاعر وافي
لا هنت وصح لسانك ملاييين