جمرة عرب

مشاركتي الاولى معكم في المنتدى قصيدة كتبتها في ربعي الشدادين خاصة وفي بالحارث عامة
جمرة عرب

جمرة عرب قد قالها ناشر الدين=من عقبها ماعــــــاد نبـــغى شهاده
بالأوله دايم من أول وذا ألحين=على القبايل اخذيـــن السيـــــاده
مافوقنا ياكود ذيك السلاطين=شيوخ نجد اللي على الكون ســـــاده
حنا شيوخ الجمع حنا الشدادين=حنا عماد البيت حنا عمــــــــاده
حنا بني شداد إندك الميادين= عــــدونا ما يــــهتـــني فـي رقــــاده
نجيه إليا حـده نجيـه إمتعنــين=نجيــه فـــي داره وهــــــذي لنـا عـــاده
ويلقى صباحٍ شين وأشين من الشين=وإلا في تالي الليل يلقى هجاده
إليا لفيناله فـرك خشـمه بطيـن=عــدونــا نشــويـــه مثــل الجــــــراده
إليا حضرنا يركدون الشياطين=من زود هيبتنا تخاف إضــــــطـــــهاده
حنا بني شداد سقــم المعادين=كم شيخ قومــــــن آخذينـــــن إجيـــــاده
كم شيخ قومن قدمنا عود إحصين=لا شافنا إندس تحـــت العــــــراده
تشهد لنا عصورٍ مضت تشهد سنين=يشهد لنا هالكون حي وجمـــاده
قـومن لنـا هيـبة بوسـط الميـادين=لاسل سيفه وإمتطــــاهــا جـــواده
حنــا الكرم والطيـب حنـا الوفييـن=حنا المراجل عاـــــبدتنـــا عبـــاده
رجالنا يســوى من الجمع ألفيـن=على سنام الطيب جـــــود إشــداده
إليا لفانا الضيف جزلين جزلين=يلقى النشامى اللي تطيب فـــــؤاده
إنقدم هــلا ومعها كبار البعارين=حيلٍ إجزال وفي شحمـــــها زياده
فينا الكرم وهبــة من الله وافيـن=طبعن مورثله من اول اجــــــداده
والجار يدرى عنـدنا مثل هالعين=محشوم ومقدر ولاقن مــــــــراده
يقعد شهر يقعد دهـر يقعد سنين=عينن بوسط الراس وفيها سواده
وحنا ترى قومن تخاوي على الدين=خوة رجالن ماتجيب النقــــاده
إلخـــوينــا تـرانا دايـــــــم وفيــيــــن=ما يلحقه زلة تسبب إبعـــــاده
جاك الكـــلام اللي تسوقـــه براهين=جاك الكلام اللي بجوفه إزناده
ذولا بنـي الحـــارث ذولا الشداديــن=ذولا عماد الطيب ذولا عماده
من دون قاصر في القبايل الاقصين=تلقى لهم تاريخ وتلقى إشاده
مالـك بطـول الهـرج بعطيـك بيتيـــن=ويكفي قليل الهرج وفيه إستفاده
الله يعــز اللــي على الحــق ماشيــن=حكامنا آل سعود اهل السياده
قــولــو معــي يالابــتي قــولو آميــن=الله يعز العود ويحفظ أحفاده
والمــعــذرة يالابــتــي كانهــا شــوين=هذي شهادة حق وقلت الشهاده

سعد بن هملان بن سعد الشدادي

كفو وووووووووووووو يا ذيب وماقصرت على القصيده اللي ترفع الراس زواد

صح لسااااااااااااااانك يا ابو سلطاااان على هالقصيدة الجزلة والرائعة جداً0

وماهي غريبة منك ياسعد ذيب ولد ذيب 0

وهذي البداية ننتظر منك الاجمل في المستقبل وانشا الله يكون تواجدك إظافة للمنتدى 00

تقبل مروري يابو سلطان ولاهنت يالذيب

صح إلسانك يا سعد ومرحبا تراحيب الأمطار

وبيض الله وجهك يالطيب

قصيدة جزله من رجل جزل

ونبي جديدك فديتك

صح لسانك أخوي

سلمت يمناك
بانتظار جديدك

كفووووووووووووووووويبن هملان والله كفو يالحارثي دام صوتك يالقرم

صح لسانك
ياسعد
قصيدة جزله ومعاني وافيه

كفو يا ذيب وماقصرت وونعم بربعك وبكل القبائل
القصيدة فخرية وتستحق الاشادة ..
صح لسانك واعتلى شانك ..

سعد الروقي الشدادي

أرفع لك التحيه أحتراماً وتقديراً لشخصك الكريم وأقول صح لسانك وبيض الله وجهك

أجزلت القصيد وصخرت البيت فالله أسال ان يوفقك ويرفع شانك

ونريد المزيد من هذا البحر الكبير وياسعد أصفق لك واقول رايتك خضراء

خفاقه وسر ونحنو معك يالذيب ولك مني جزيل الشكر

في البداية وقبل كل شيء
دعني أرحب بك أجمل ترحيب أخوي سعد
ويا هلا بك في منتديات ربعك الشدادين
واللي كلهم يرحبون بك أجمل ترحيب

ثم أشكرك على هذه القصيدة الطيبة
وما في قصيدك شك يا ابن هملان
ربعك يستحقون الثناء وهم أهله
صح لسانك وننتظر منك المزيد