|
|||||||||||||||||
مصافحة جديدة وفيها رد على ماكتب في بعض المنتديات عن الحرث
مساكم الله بالخير واتشرف بانضمامي الى هذا الصرح الشامخ بقيادة السلطان واعضاوه000وهذى مشاركتي الاولى وفيها ردي على بعض الجاحدين لهذي القبيله العريقه وانا احد ابناءها صالح بن مستور بن خنيفس العضياني يالله لا تغلق علينا ياكريم الوجه باب =افتح لنا ابواب السماء والارض فك ابوابها
واغفر لنا ساعة وقوف الناس في يوم الحساب=رحماك والنفس الشقيه لاتزيد احسابها ويسر لنا يارب والهمنا من الأريا الصواب=وسدد خطانا وامنح الانفس سعه تسعابها راع النوايا الصافيه يختال من فوق السحاب=يكسب وترجع شعلة الفتنه على من جابها الوقت لاوعنا وحنا من صدوفه مانهاب= قسمه قسمها الله ماعارضها ولا ا تهنابها تجري بنا الدنيا ونطردها مثل طرد السراب=والمومن العاقل يميزها قبل يبلابها يناصح اهل النصح ويجنب عن بيوت الخراب=وليا سمع نبه هزيله مايحسب احسابها يضفي على زلات ربعه كل ما زلو حجاب = ويزوم عن بعض العلوم اللي تغث اصحابها الصبر ميلآف الكبود اللي تضرت بالصعاب = والعلم طب أهل القلوب اللي تروم اصعابها الخير يجزا صاحبه والشر جعله للذهاب = والشجرة اللي ما تضلل نذر ما اتلوابها وأهل السناوي يعلم الله ما يساوون التراب = جمّاعة الهرج المفبرك ما أستصغت أكذابها ناقص ولا حصل في المجلس طعام ولا شراب = غير العلوم اللي يمين الله ما يبدابها قصير حبل الكذب والكذاب لو صلى وطاب = أفضل له أمن اللعبة اللي ما كسب لعابها عيوب نفسه لو تمقلها تنكد وأستصاب = تكفيه عن ذيك العباد اللي لسانه عابها الشمس تظهر ما يغطيها سحاب ولا ضباب = والجمه العذبه ما يخفيها نثيل اترابها عين الحسود الله يجنبها عزيزين الجناب = وأعوذ بالله من عيون الحسد ومن أشهابها الصبر مفتاح الفرج ون شفت شمع الصبر ذاب = أروض النفس العصيه لا تثور اعصابها أعمل بسنة خير خلق الله و ما جا فالكتاب = و أفرح بربعي و تنومس يوم أفل اكتابها أهل الوفاء والعرف والحكمة وهل حرب وثواب = سلم لمن سالم وشر لمن يريد أحرابها ألهم في التاريخ بصمة واضحة شيب وشباب = والجاحد أعيونه نظرها ما تعدا اهدابها قاصر نظر غطاط حق وجعل مثله ما يثاب = والظلم والبهتان ابن مستور ما يرضابها يا كم قبل عهد الرسول وبعد عهده راس شاب = يشهد لنا بفعول ما تخفى وعلمنابها ووفودنا في عهد الاسلام الرسول ألها استجاب = وأثنا وشده هيبة اللآبه وحسن اخطابها تكفي ويكفينا شهادة خير من جاهد وأناب = وسام عز أمن أشرف أهل الارض شرفنابها غير الخلاوي يوم وجه له سؤال أوفى الجواب = اهل الشوايع والوقايع حض من ينخابها ومع القبائل ما جحدنا غير من ذاق العذاب = لو جيت أعددها جرحت أنفس على ما صابها جمرة عرب والاسم واحد ما تغير يا حباب = من ترج الى نجد العذيه صافي مشرابها قبل الإمام اللي يقرب من حمانا يستتاب = وليا رفض ماله سوى شلفا قوي مضرابها واليوم في ضفة هل العوجاء مروضة الصعاب = أهل السيوف المرهفات اللي يبت أنصابها أهل السخاء وأهل العطاء كسابة المجد إكتساب = وحنا على عهد الولاء ونموت ماخنابها عن كل بالحارث وقفت الماقف اللي ما يعاب = واجب على أذود عن ربعي وأعز انسابها و أذكر ما عجزو عنه شعار القبيله والعتاب = على مشاهد غلطة الحاسد ولا خطابها عيونكم غطا عليها المال وأعطبها عطاب = والله يعوضنا ما دام ان الورق قفابها الكرسي الأول ترى راعية يا ربعي غياب = الأجنبي علم بها والحارثي غنابها مدري توفته المنيه جد وألا فنتداب = بس الوكاد اللي على الساحة يا زين أغيابها واحد ما يقرأ صفحة التاريخ ما عنده زهاب = لو أن تاريخ الجزيرة ما يغسل اثيابها يالله لا تغلق علينا يا كريم الوجه باب = أفتح لنا أبواب السماء والارض فك ابوابها
|
04 Nov 2007, 10:10 PM | [ 2 ] | |||||||
عضو متميز
|
قاصر نظر غطاط حق وجعل مثله ما يثاب/// والظلم والبهتان ابن مستور ما يرضابها الله الله بيض الله وجهك وصح لسانك قصيدة جزلة وقوية ولا هي مستغربة منك أخي صالح تشكر على هذه القصيدة مدى الدهر |
|||||||
04 Nov 2007, 10:25 PM | [ 3 ] | |||||||
شاعر
|
صح بدنك ياصريح ووجهك ابيض يالغالي لاهنت على المرور |
|||||||
04 Nov 2007, 10:30 PM | [ 4 ] | |||||||||||||||||||||||||||
|
اي بالله ياصالح ،، أولا والله ماني مستغرب هذا المستوى الشعري الراقي والبلاغه والفصاحه والبيوت المفتوله ،، السيل من جبل وأبوك أحد أهم عواريف بني الحارث وحكماءها بدون مجامله ولا محابها فقد أعترفت له القبائل التي عرفته ،، ومن حسن حظي أنني جالسته فترة من الزمن وأستمعت أليه،، رحمه الله رحمة واسعه ،،، ومن خلف رجال مامات // وأنت رديت على المشككين بقصيدة عصماء ستتناقلها الأ لسن فترة من الزمن ،، ونبت عن كل حارثي ،، أنا هنا اسجا أعجابي بها من الألف الى الياء،، فهي من أجمل ماقرأت في حياتي في مجالها... صح لسانك مدد ،، |
|||||||||||||||||||||||||||
|
||||||||||||||||||||||||||||
04 Nov 2007, 10:43 PM | [ 5 ] | |||||||
شاعر
|
حيا الله ابو عبدالعزيز ويسعدني مرورك وتعليقك اللي اعتبره وسام على صدري من شخص اعتبره علم من اعلامنا في الشعر وفي العرف وليس بمستغرب وانت ابن سفر بن سليمان رحمه الله00000 |
|||||||
04 Nov 2007, 11:18 PM | [ 6 ] | |||||||
شاعر
|
الله يبيض وجهك ويحييك عند ربعك واخوانك ولا ينقص حق الرجال وانا اخوك الا اردى الرجال وبني الحارث غنية برجالها وتاريخها مشرف بين القبايل صح لسانك وان شاءالله نشوف جديدك معنا على طول |
|||||||
|
||||||||
05 Nov 2007, 12:03 AM | [ 7 ] | ||||||||
مؤسس شبكة الشدادين
|
يا مرحبا يا أبو مستور تراحيب المطر يا هلا وألف غلا يا الصاحب القديم اللي لا زلت أتذكره جيداً في البداية أقول لك : الله يحييك في منتدى ربعك الشدادين اللي والله يتشرفون بحضورك معهم وتسجيلك من ضمن أعضاء المنتدى ،،، أخو وصاحب عزيز ثم أقول إن قبيلة بني الحارث ( جمرة العرب ) العريقة غنية عن كل تعريف ومشهورة برجالها وتاريخها المجيد الذي لا ينكره إلا من لا يفقه شيئاً في التاريخ ،، حياك الله يا صالح وبيض الله وجهك اليوم ودوم ،، وإن شاء الله نشوفك هنا باستمرار وتشارك بين أخوانك وربعك في المنتدى. |
||||||||
|
|||||||||
05 Nov 2007, 01:38 AM | [ 8 ] | ||||||||
عضو متميز
|
حيأأك الله يا الغالي منور المنتدى ويا هلا فيك دوم وصح لسانك ملايين ع هذه الجزله يا القرم ما قصرت وعساك ع القوه دوم وبيض الله وجهك وتاريخ بني الحارث محفوظ والكل يعرفه ولا ينكره غير الجاحد واللي ما عنده علم يعطيك مليون عافيه وشكراً لهذه الرائعه الى اللقاء |
||||||||
05 Nov 2007, 07:42 AM | [ 9 ] | |||||||
عضو متميز
|
يالله لا تغلـق علينـا يـا كريـم الوجـه بـاب , , , أفتح لنا أبواب السمـاء والارض فـك ابوابهـا
اللهم امين والله يسمع منك ابو مستور صح لسانك والله لا يهينك يالذيب على القصيده الجزله احترامي |
|||||||
|
||||||||
05 Nov 2007, 08:34 AM | [ 10 ] | |||||||
نائب المشرف العام
|
صح لسانك اخي العزيز وبيض الله وجهك على القصيدة الرااائعه قصيدة جزله من راس جزل لاهنت |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
كيكة منها وفيها | جواهر | غذاء جسد | 14 | 12 Nov 2010 01:12 AM |
قصة بنت وفيها سؤال ؟؟؟ | حجازية الهوى | إكسير النقاء | 11 | 29 Aug 2010 12:59 AM |
تناهيت وإزعاج "مصافحة جديدة " | هاني الزنيد | بحور القوافي | 6 | 03 Mar 2009 08:13 PM |
بعد انقطاع طويل عن المشاركه اليكم أخر ماكتب الشاعر الكبير ثواب بن زيد الجياشي الحارثي | نوماس 2 | بحور القوافي | 8 | 05 Jun 2007 05:05 PM |
أدوات الموضوع | |
|