تحية لبرج إيفل

اخواني الاعزاء
السلام عليكم ورحمة الله وبركاته
تعجبني قصائد الرحال
بجميع اغراضها
ولكن في برج ايفل
التي طال انتظارها
على هذا الرابط
http://www.shdadeen.com/vbq/showthread.php?t=52293
ابداعه فاق قمم الاعجاب
ومع العلم انني من اول المطلعين
عليها وهذه ابيات مجاراه لها
اتمنى ان تنال اعجابه

لاتواخذني ولاتشره عليه=جيت لاجل اصرف لبرج ايفل تحيه
ولاتعاتبني اذا جاريت قافك=لجل برج ايفل بنيت الفيصليه
امطرت من هاجسي خلج القوافي=وفاحت فياض الورود العنفويه
شاقني عزفك وهيضتوا شجوني=وبيح المكنون سجع الراعبيه
غردت بالصوت مابين الجرايد=عن لهايب قيضها في ظل فيه
سجعها ذكرني سنين ٍ خوالي =قبل يقسي الوقت ويبين الضحيه
لجت هجوس ٍ طرت بين الحنايا=واستباحت دمعة العين الشقيه
وجد حالي وجد حالي وجد حالي=من فراقه بان حتى الشيب فيه
آآآآآآه يالبيه يالعنق وجديله=لاذكرته قلت نفدا أمه وبيه
شو ... وتؤبرني ... وهــٌلا ... هي عذابي=لو أباأكمل بدن الهاشميه
هالثلاث اللي بها قلبي تعلق=رابعتها أنوار حي السالميه
واحد ٍ ذكراه للملتاع جنه=يالله انك تجعل أيامه هنيه
(صوته لحاله مسو ٍ بي سوايا)=وسلهمة عينه بها سهم المنيه
يوووووه يالرحال لو اني سلمتك=كان مالي يم طاري الشوق نيه
الغرام وسيرة العشق وغلاها=وسلطنة كاسه وطرق السامريه
والله ان لها وسط قلبي مكانه=ماتوصفها الحروف الابجديه
ان صفت دنيا العنا فالعشق ساعه=أغتنم من كفها شربه هنيه
وخذ من الماضي لمستقبلك عبره=قيس وهيامه بليلى العامريه
الليالي ماتعلم وش وراها=والمحبه فعلها شدد طميه
والزمن هذا كفاك الله شره=ماتميز طيب جيله من رديه
من رداة حضوضهم مثل القنافذ=تأكل الداب وتعشاها عليه
زلة الطيب لها تشفع سلومه=والردي لاجت منه ماهي رزيه
لوحنيته صار مثل الخيزانه=راح مثل الشمع فأطراف الخليه
كان يجهلنا ترانا لاجهلنا=نقلب الدعوى على راع القضيه
من بغاها طيب دربه مايغره=وان بغاها عنجهيه عنجهيه
يعرف الكيشه ومايجني وراها=وان نصحته قال لاتخطي عليه
تقرص اذنه ويتغاضى عن خطاها=لجل يكسب ودها نفسه دنيه

		المشاركة الأصلية بواسطة : اقتباس
	لاتـواخـذنـي ولاتـشــره عـلـيـه جيت لاجل اصـرف لبـرج ايفـل تحيـه

عز الله انه أنت اللي يستاهل التحية
قصيدة جزلة من شاعر جزل

بكل صراحة أمتعتونا والله لايهينكم
تحيتي لك وللرحال

صح لسانك يابو غايب

وبرج إيفل يستاهل التحيه والمجاراه

واعجبتني الابيات الاخيره

تركي الشدادي


جعل ابوك في الجنة


اقسم بالله إني استمتعت بالقصيدة استمتاع لا يوصف

أبيات سلسه ومن السهل الممتنع


جميل نصك كجمال روحك


ودي

صح السانك
وبيض الله
وجهك
قصيده في
قمة الروعه
ولاهنت

يووووووه يالرحال لو أني سلمتك هههههههههه

صح لسانك مليون ولايسدون ولي عوده
أخوي تركي صح الله لسانك مره
ثانيه ولي الشرف بمجاراتك
الرائعه لي
ولي الشرف بمتابعتك وحبك لقصائد أخوك الرحال
وأنت شاعر من الشعار الذين تشرف
معرفتهم الرحال وقصايدهم
تشرف من أستمع لها
أو رواها
وأكبر شرف للشعر إنك من شعاره
اللذين لايشق لهم غبار
والمعذره على التأخير
وتقبل شكري وتقديري
أخوك الرحاااااااال

صح اللسانك
اخوي تركي
وبرج ايفل يستحق
التحيه

صح لسانك وبيض الله وجهك
لاهنت

حياك الله يا أبو عبدالله
ويا هلا بك في منتداك وهذه الرائعة
التي جاريت فيها شاعرنا الكبير أبو ضاوي
يستاهل وتستاهل أنت كل خير
وصحت ألسنتكم يا عيال شداد

صحت ألسنتكم جميعاً برج رائعه وجميلها

ولابد أن من يجاريها تكون أبياته رائعه وجميله مثل أبياتك ياتركي أنا أشهد أنك اشاعر

صح لسانك ملايين