صوت وصدى ( جواهر / أمل )

السلام عليكم ورحمة الله وبركاته

.

.

هنا صوت وصدى بيني وبين إحدى الأخوات العزيزات على قلبي
مررت على هذه القصائد فتذكرت تلك الأيام التي جمعتني بها

حبيبتي أمل ..
أسأل من جمعنا في دنيا فانية .. أن يجمعنا ثانية .. في جنةٍ قطوفها دانية ..

على أمل صغت القصيدة بالأمثال

غنيت لحن الصدق من غير موال = واطربني الهاجوس من يوم غنيت
الحرف مع مستثمره يشرح البال = وأنا هنا بستثمر الحرف والبيت
على ( أمل ) صغت القصيدة بالأمثال = هذي لها طيب الوفا صار مانشيت
( أمل ) حياتي يا بعد كل من قال = أن الكرامة للمرة ما لها صيت
وأنتي هنوف وعن ثمانين رجال = أقولها وأطلع بها ما تخفيت
يا سيدة كل النسا مالك أشكال = مالك شبيه من النسا لو تقصيت
يا النادرة يا الشامخة بنت الأبطال = فعلك مدى وأنتي مدى لو تماديت
أنا مجرد شاعرة تشرح الحال = أحكي عن الواقع ولا أقول كفيت
أخاف من يومٍ يجي فيه ترحال = وإن طحت من دونك ترى ما تساويت
دام الوفا من بيننا حي ما زال = لو أخسر العالم ترى ما استهميت

جواهر عبد الله

( يالجوهرة لاتشغلك بعض الأحوال )..

البارحه جاني من الشوق مرسال=الشاهد الله يوم شفته تهنّيت
من جوهرتنا ذربة الحرف والقال=أصدق مشاعرها لمسته وحسّيت
أبيات صاغتها جواهر على آل=عجزت أنقّي من غلاها ولا بيت
عريبة المنسب من العم للخال=من طيّب النّبته تبين المنابيت
أغليتها لاشكّ والقلب ميّال=طبعي إذا حبّيت من قلبي أغليت
جت فوق هقواتي على كل معدال=الله هداني يوم فيها تهقويت
ليت المعاني تنتظم وسط سلسال=وانظم ثمين القاف والشعر ياليت
والله لالبسها بلا شك واختال=وافخر بها بين الملا لاتباهيت
يالجوهرة لاتشغلك بعض الأحوال=لايشغلك حالي إذا غبت وأبطيت
وسط الحنايا لك من الجال للجال=سيرة غلا ماتنتهي رحت أو جيت
ولك في عيوني ياغلا الروح منزال=وداخل رياض القلب شيّدت لك بيت
بعض الغلا يثبت كما تثبت جبال=حتى ولو أبطيت عنه وتنحّيت
ولايشغلك ياغالية هرج جهّال=لاتزعجك بعض العلوم الفتافيت
بعض الرجال المعذره ماهم رجال=ماتعرفين الحي منهم من الميت
البعض مايسوى ولايوصل ريال=ويخيس لو حطّوه وسط الحوانيت
كذّاب في غالب هروجه ومحتال=ومايحمل إلا الشر مثل الطواغيت
لو بحسب الشينه ترى ليلنا طال=أزرى المربّي ( مثل ماقيل ) وأزريت
والبعض لا والله صناديد وأشبال=يطير لانادوه مثل العفاريت
خفيف نفس وللمواجيب حمّال=ولايترك المسجد بكل المواقيت
ثابت على مبداه لو مات مامال=لاشفت مثله داخل القلب سمّيت
لكنّهم قلّه مثل حبة الخال=في وسط قفرا كلها هيت في هيت
ياللي تحسب المرجله هرج وجدال=زليت في ظنّك بلا شكّ وأخطيت
المرجله ماهي ترى كثرة أموال=الفقر ماعيّب قروم وشفاليت
والمرجله ماهي ترى بشت وعقال=ونتفة شنب لاحكّه الموس صديت
والمرجله ماهي خلق ثوب وسمال=وشماغ من كثر النشا به تنشيت
وتطرد بنزواتك ورا كل خلخال=ياكم لقيت من المهانه وهجّيت
والمرجله ماهي ترى هرج جوّال=وتعيش لحظاتك خداع وتناهيت
لاهمّتك زوجه ولاهمّك عيال=راحت حياتك بالسخافات تشتيت
المرجله صدق المواقف والأفعال=وسلوم مايقدر عليها الهلافيت
وختامها يالجوهره سترك الفال=يحفظك ربي كل مااصبحت وامسيت
وحبّك ترى مايثبته قطع ووصال=مادام لك في خافقي يالغلا بيت

أمل بنت عبدالعزيز

صوت وصدى رائعين

رغم بعد الملاحظات التي التقطتها على السريع

واغلبها في رد الشاعره امل

لكن احتفظ فيها لنفسي

صح لساااااانك ياجواهر وصح لسان امل

والله لايهينكم

		المشاركة الأصلية بواسطة : اقتباس
	دام الوفا من بيننا حي ما زال = لو أخسر العالم ترى ما استهميت

ياااااه أعجبني هالبيت حد الغرق بحروفه

الشاعرة جواهر لحروفك عزف رائع استلهمني

صداها جميل وصوتها أجمل

وأدام الله المحبة بينكم

وصح لسانك مليون ولايسدون يالمبدعه

الله يذكرها بكل خير

الشاعرة امل عبدالعزيز

وصح لسانك مليون ياجواهر

رديات رائعة جدآ

صح لسانك ياجواهر العبدالله

وصح لسان الشاعره أمل عبدالعزيز


مساجله جميله أعجبتني كلها مافيه شيئ محدد كلها روعه

صح لسانك ياجواهر

وصح لسان امل بنت عبدالعزيز

الله يعطيكم العافية

ابيات قمة في الجمال

دمتِ بخير

راق لي صوت وصدى
ابدعتم في الكلمات

صح لسانك غاليتي
وصح السان الشاعره امل عبدالعزيز

دمتي بخير

صح لسانك يا جواهر

قصيدة رائعة

أعجبني رد أمل كثيييييييييير

وما فيه من وصف لبعض رجال اليوم

صح لسانها ملاييييييييييييييييين

نبي نشوف قصيدها هنا

		المشاركة الأصلية بواسطة : جواهر اقتباس
	( يالجوهرة لاتشغلك بعض الأحوال ).. البارحه جاني من الشوق مرسال=الشاهد الله يوم شفته تهنّيت من جوهرتنا ذربة الحرف والقال=أصدق مشاعرها لمسته وحسّيت أبيات صاغتها جواهر على آل=عجزت أنقّي من غلاها ولا بيت عريبة المنسب من العم للخال=من طيّب النّبته تبين المنابيت أغليتها لاشكّ والقلب ميّال=طبعي إذا حبّيت من قلبي أغليت جت فوق هقواتي على كل معدال=الله هداني يوم فيها تهقويت ليت المعاني تنتظم وسط سلسال=وانظم ثمين القاف والشعر ياليت والله لالبسها بلا شك واختال=وافخر بها بين الملا لاتباهيت يالجوهرة لاتشغلك بعض الأحوال=لايشغلك حالي إذا غبت وأبطيت وسط الحنايا لك من الجال للجال=سيرة غلا ماتنتهي رحت أو جيت ولك في عيوني ياغلا الروح منزال=وداخل رياض القلب شيّدت لك بيت بعض الغلا يثبت كما تثبت جبال=حتى ولو أبطيت عنه وتنحّيت ولايشغلك ياغالية هرج جهّال=لاتزعجك بعض العلوم الفتافيت بعض الرجال المعذره ماهم رجال=ماتعرفين الحي منهم من الميت البعض مايسوى ولايوصل ريال=ويخيس لو حطّوه وسط الحوانيت كذّاب في غالب هروجه ومحتال=ومايحمل إلا الشر مثل الطواغيت لو بحسب الشينه ترى ليلنا طال=أزرى المربّي ( مثل ماقيل ) وأزريت والبعض لا والله صناديد وأشبال=يطير لانادوه مثل العفاريت خفيف نفس وللمواجيب حمّال=ولايترك المسجد بكل المواقيت ثابت على مبداه لو مات مامال=لاشفت مثله داخل القلب سمّيت لكنّهم قلّه مثل حبة الخال=في وسط قفرا كلها هيت في هيت ياللي تحسب المرجله هرج وجدال=زليت في ظنّك بلا شكّ وأخطيت المرجله ماهي ترى كثرة أموال=الفقر ماعيّب قروم وشفاليت والمرجله ماهي ترى بشت وعقال=ونتفة شنب لاحكّه الموس صديت والمرجله ماهي خلق ثوب وسمال=وشماغ من كثر النشا به تنشيت وتطرد بنزواتك ورا كل خلخال=ياكم لقيت من المهانه وهجّيت والمرجله ماهي ترى هرج جوّال=وتعيش لحظاتك خداع وتناهيت لاهمّتك زوجه ولاهمّك عيال=راحت حياتك بالسخافات تشتيت المرجله صدق المواقف والأفعال=وسلوم مايقدر عليها الهلافيت وختامها يالجوهره سترك الفال=يحفظك ربي كل مااصبحت وامسيت وحبّك ترى مايثبته قطع ووصال=مادام لك في خافقي يالغلا بيت أمل بنت عبدالعزيز

صح لسانكم



**********************

يا هلا والله بك يا شاعرتنا جواهر
والله يحفظ لك صداقتك أنتِ وأختك أمل
والصداقة الحقيقية تبقى ما بقيت الحياة
أعجبتني المساجلة بيتكن
وامتعتنتا هذه الروائع بجمالها
فصحت ألسنتكن ونتمنى أن نشاهد المزيد هنا

شكراً جواهر