عطر العيد

نسطّر بالقوافي دورة احداث انقضت ونعيد=ولي من صفحة الايام صفحه والزمان كتاب
يجول الفكر بهجوس شعاها ريح عطر العيد=يمر الوقت وتلاقيني الذكرى على الاعتاب
بلحظات اللقا بعد البطا ومصافح ايد بأيد=لقانا والهدايا والهنا والبشر والترحاب
تقدّي يالمثايل ترجمي نبض الشعور بفيد=وخطّي ما يجول بخاطري ولكل شي اسباب
سقى الله كل دار وكل ديره دونما تحديد=بمدّات العطا غيث تناشا وابله منساب
سنا البرّاق وارزام الرعود وللصدا ترديد=يخيله من يخيله فارق زين وبها واعجاب
تباشير المخايل صبح الاشراق وضحاه تزيد=وتهناه العشايا الممطره من عقب طول غياب
تسابقها العوالي بالبشاير دون شرط وقيد=وتنهلّ المزون بوابل يبطي وهو صبّاب
يهل وينهل الضامي ومن عقب الثنا تحميد=ويزها لا ارتوى نبته سهول واوديه وهضاب
تقر العين مع نبت الحيا والغيث بالتأكيد=وتنسرّ النفوس ليا اسرها المنظر الخلاب
زهور الروض ورياض الوسم والما ونبت البيد=ربيعه والسحايب والنسايم واطيب الاطياب
ذعاذيع الهبايب والحيا والبر والتغريد=وخطوات طليقه في مروج من مشاها طاب

للشاعر
سفير وشاعر

يا هلا والله بشاعرنا الغالي
أبو فهد
والله يحييك في منتداك من جديد
سعدنا بك وبعودتك لنا
والله يبيض وجهك
وصح لسانك ملايين

.



عِطر العيِد يَتراقَّصْ طَرباً علىْ غيمَّةٍ تَحمُلْ مَطراً
وَ هتَّاناً مِنْ القافيَّة الرَزينَّة وَ المعانيْ المُتقاطِرَّة سلاسَّةً .
فَ أهلاً بِـ عِطر العيِد وَ رذاَذهـِ .


صَّح الله منطوُقكْ حتىَّ ترىَّ وَ أَهلاً وَ مَرحباً
بـِ عوُدة القافْ الربيعيَّ . . لِـ عُمقْ القافيّة هُنا تراتيِلْ شُكر .



+

صح لسانك
ولاهنت أخوي
كل الشكر والتقدير

صح لسانك وبيض الله وجهك
ولاهنت

صح منطوقكـ و يعطيكـ العافية
قصيدة جزله

صح لسانك واعتلأ شأنك يا شاعرنا
قصيدة جزل
لاهنت