قصيدة عابرة

بسم الله الرحمن الرحيم

قصيده تعبر عن نفسها اتمنى

ان تنال اعجابكم

قالوا نحيف وقلت مافي النحف عيب=العيب لاقالو بخيلٍ شرودي
اخذت في الدنيا دروس وتجاريب=يالخبل تبغى كاش ولا قصودي
الخبل فيده يالنشاما عذاريب=دايم يعذرب في عراب الجدودي
يزري عن الطاله ولايكسب الطيب=يزري عن الطاله شرودٍ هبودي
يقول انا طيب حصان الاطاليب=والبيت مايبنى بليا عمودي
الخبل لو انه من ادنى الاقاريب=خله يولي ياعسى مايعودي
ان جات لا النخوه وضرب المشاعيب=ماهو كفو لاالطيبه مايفودي
هذا كلام الصدق مابه تكاذيب=القاف يجبرني بزين الردودي
نمام فيده ينقل الهرج ويجيب=نمام فيده في النمايم يزودي
وتلقى الوفي طيب بفعلٍ واساليب=رجلٍ وفي طيب شجيعٍ صمودي
هذاه عده من خيار الاصاحيب=لاجاء نهارٍ فيه قدح الزنودي
من خامسك ولا بعيد الاجانيب=لاالطيبه يرقى ويطلع سنودي
يقابل الطرقي بزين التراحيب=وكبشٍ يقدم لا النشاما القعودي
رجلٍ كريم ووافيٍ في المواجيب=وان جاه مديونٍ يباله نقودي
يفزع معه يفتل بروس الاشانيب=والعمر تاليته يجي في اللحودي
وان جاء نهار وغثربن المشاريب=ينصا العدى ماهي سهودٍ مهودي
هاض الضمير وجبت زين الهناديب=مثايلٍ تشدي لاعنبر وعودي
وختامها يالله ياعالم الغيب=تغفر ذوبي يالولي يامعبودي

وسلامتكم:صقر قيا

قالوا نحيف وقلت مافي النحف عيب
العيـب لاقالـو بخيـلٍ شــرودي

صدقت يا أبو سفر
وصح لسانك يالذيب

صح لسانك ياتركي وبيض

الله وجهك قصيده جزله من شاعر جزل

لاهنت والله يعطيك العافيه

تقبل تحياتي الغربي

بيض الله وجهك يا أبو سفر وما فيك شك يا رفيقنا

عز الله كفيت ووفيت ونعم بك ألف مرة

بيض الله وجهك وصح لسانك

أتمنى من الغربي أن يجعل القصيدة منحدرة ويصغر في الخط

الليلة الغربي مشوش ولخبط الصفحات

قالوا نحيف وقلت مافي النحف عيب = العيـب لاقالـو بخيـلٍ شــرودي

صقر قيا

صح لسانك علا شانك

قصيدة رائعه

صح لسانك

اخي صقر قيا قصيدة جزله من شاعر جزل

في انتظار جديدك

		المشاركة الأصلية بواسطة : فيصل بن زايد اقتباس
	قالوا نحيف وقلت مافي النحف عيب العيـب لاقالـو بخيـلٍ شــرودي صدقت يا أبو سفر وصح لسانك يالذيب

صح بدنك يافيصل

ولاهنت على مرورك

		المشاركة الأصلية بواسطة : الغربي اقتباس
	صح لسانك ياتركي وبيض الله وجهك قصيده جزله من شاعر جزل لاهنت والله يعطيك العافيه تقبل تحياتي الغربي

صح بدنك بالغربي

ولاهنت يابو عبيد على مرورك

تقبل تحياتي يالغالي

صقر قيا
صح لسانك وبيض الله وجهك
قصيدة رائعة من شاعررائع وفقك الله
وتقبل تحياتي

صح الله ابدانكم

مشكورين ع مروركم الجزل