__11__سبتمبر

قصيده قديمه على ذكرى 11 سبتمبر

لاعاد يومك يـا (11) سبتمبـر =من عقبك العالم شلـل وأحزابـي
أصبحت فالتاريـخ يـوم يخبـر =بالحـرب والأرهـاب والأتعابـي
الكسر لو طال الزمـن مايجبـر =خطير ..وان حطّـوا جبيـره عابـي
وصار الرويبض له مكان و منبر =مطلـق لسانـه جاهـل ولعّابـي
كنه على مااشـوف والله أخبـر =دربـه بعيـد ولا يحـوز اركابـي
من عقب ماثار الدخـان وغبّـر =الهـرج زايـد والمخطـط غابـي
وتخالط الأعـراب ويّـا البربـر =يسولف الصـادق مـع الكذابـي
مافيه مانع... كل شخـص عبّـر =وكـل علـى ليـلاه قـام يبابـي
أحدن يقول مـن اليهـود مدبـر =وأحدن يقول إنه عمـل إرهابـي
في كل مجلس فالبلـد والا البـر =سيرت عماير بـوش والأسبابـي
ياحظ من خلا السياسه وأدبر =وبزعاجهـا ماعقـد الأعصابـي
وحنا العرب.. توحيدنا الله أكبـر =في ظل دينـه ماحسبنـا حسابـي

عيد بن سعود الشدّادي الحارثي

//

		المشاركة الأصلية بواسطة : عيد الشدّادي اقتباس
	أحدن يقول مـن اليهـود مدبـر =وأحدن يقول إنه عمـل إرهابـي في كل مجلس فالبلـد والا البـر =سيرت عماير بـوش والأسبابـي ياحظ من خلا السياسه وأدبر =وبزعاجهـا ماعقـد الأعصابـي وحنا العرب.. توحيدنا الله أكبـر =في ظل دينـه ماحسبنـا حسابـي //

صح لسانك على القصيده الرااائعه يابو سعود

ولاهنت وفعلآ الله لايعيده من يوووووم

بيض الله وجهك يا أبو سعود

رغم قناعتي بأن أحداث 11 سبتمبر ليست إلا نتيجة

اتفاق يهودي أمريكي من أجل وضع الأسباب لمهاجمة

المسلمين في أفغانستان وما لحقها في حرب العراق

والدور الآن على سوريا .... إلا أن القصيدة

رائعة من شاعر قوي الحضور بقوة عيد بن سعود

صح لسانك اخوي وعلا شانك

تحياتي

ارحب ارحب يا عيد

تميز فكرة القصيده عن غيرها من القصائد يدل على ان القصيده من قصائد عيد الشدادي حتى ولو لم يكتب اسم عيد عليها .

شكرا لك ولتميز فكرك في بدع القصيده

وصح لسانك مليوووووون

عيد الشدادي

حضور متميز كالعاده

تحياتي

		المشاركة الأصلية بواسطة : عيد الشدّادي اقتباس
	قصيده قديمه على ذكرى 11 سبتمبر ياحظ من خلا السياسه وأدبر =وبزعاجهـا ماعقـد الأعصابـي //

عين العقل ياعيد..ياحظ من خلا السياسه وأدبر!!!
والله أنه أحسن من الجدل البيزنطي!!
تحياتي لك وصح لسانك!!

اخوي

عيد الشدادي

الله يسلمك على هالقصيده الواقعيه

مافيه مانع... كل شخص عبّـر = وكل علـى ليـلاه قـام يبابـي
أحدن يقول من اليهـود مدبـر = وأحدن يقول إنه عمل إرهابـي
في كل مجلس فالبلد والا البـر = سيرت عماير بوش والأسبابـي
ياحظ من خلا السياسـه وأدبـر = وبزعاجهـا ماعقـد الأعصابـي
وحنا العرب.. توحيدنا الله أكبر = في ظل دينه ماحسبنـا حسابـي

والله انك صادق الحضيض من ريح اعصابه وخلا السياسه وكثر هذرها وهمومها

سلمت وصح لسانك

تحياتي

صح لسانكـ يا أبو سعود وبيض الله وجهك يالنشمي على القصيدهـ

تسلم ويسلم غاليكـ ومغليكـ يالغالي

وتخالط الأعـراب ويّـا البربـر=يسولف الصادق مـع الكذابـي
مافيه مانع... كل شخص عبّـر=وكل علـى ليـلاه قـام يبابـي

ياكثر اهل السوالف ياعيد

صدقت وصح لسااااانك مليووووون

ننتظر قديمك وجديك بفارغ الصبر لانك شاعر كبير وحكيم ومبدع

وتستحق من يتابع قصيدك وتقبل وافر التحايا