يا فتنة القارظ وعشقه وولفه

يا فتنة القارظ وعشقه .... وولفه
ما تنشد المفتون فيكم .... علامه
يشرح لكم يا فتنته كيف .. وصفه
كيف الهوى يذبح عزيز .. الكرامة
ما ينفعه رمحه وسيفه ..... وكفه
من شافكم سلم لكم .... بالزعامة
بعيونكم بانت تفاصيل ..... حتفه
الموت شافه والبلا في .... غرامه
شاف العيون اللي زهت عين ترفة
عين الوحش اللي براس . العدامة
يا حظ منه بينكم طاب .... ظرفه
يروح وياتي عندكم .... بالسلامة
ما بين بكار تخترش خلف .. خلفه
والا عطوف دلها في ...... سنامه
ساعة لفينا والتفت دون ... كلفة
احلا ما فيها خففت من .... لثامه
انا اشهد ان العشق فن ... وحرفة
ما هي سوالف من عشق له نعامة
يدس راسه مثلها وسط ... جرفه
والكل منهم مهتني في ..... منامه

القارظ العنزي

صّح مَنطوقك يَا القارظ و يِسلم رأسَك و لأهنت ، جمَال حّرف وَ عذوبه ، وَرّقة معنى ، دمَت وٌ دامت حِياتك سعِيدة ، وُ الله يجمّعك إنت و مِن تُحب على خيِر وٌ فرح ،،

ابداع شعري وتعبير جزل وفريد أخوي أبو فيصل
ما قصرت وصح لسانك ولا هنت على هذه القصيدة
الرائعة والجميلة

صحة حياتك متزن
وصح مرورك العطر
وحضورك العذب يالعذب

الابداع في مرورك
سمو الشدادين
دمت بالوجود
والعزة المطلقة

هلا بك والله يحييك يا شاعرنا العزيز
أبو فيصل
ومهما أشدنا بقصائدك لن نوفيها حقها ولن نوفيك قدرك
عساك على القوة وبيض الله وجهك

أبو فيصل
لله درك شاعر جزل وصح لسانك وأعتلى شانك لاهنت

الله يرفع قدرك السلطان
هذا من لطفك وتواضعك
الجم لاهنت ولا هان منطوقك

صح بدنك خيال الشدادين
وصح مرورك العطر وحضورك العذب

صح بدنك وصح منطووقك
ابيات راقيه ورائعه منك ابدعت وجزالهه حرووفكك
لك الوردداطايبهه