انا وقعت

البارحه شبيت نار الشعر والمعنى حطب= في ليلةٍ زادت برودتها وظلم ليلها
حضرت هاجوس الشعر والشعر ديوان العرب= بناجي نجوم الدجا عن حالتي وشكيلها
يانجم يا نجم الدجا فانا الشجيع اللي يحب = يوم الشجاعه في المحبه ماتفيد وكيلها
فانا وقعت بحب من حبه يهز اطلق شنب= من وقت مانصب شباكه حالتي يرثيلها
انا وقعت بحب من حبه على العاشق تعب= غروٍ ملك روحي .. ولا ياويل روحي ويلها
انا وقعت بحب من وصفه بدا فيه العجب= اقول وصفه فكرةٍ يصعب علي توصيلها
ابا اختصر في وصف خلي والقليل من الذهب = يغني عن اضعافه من الفضه وعن تحصيلها
انا وقعت بحب من وصفه على جسمه ركب = لايق .. ويفرح كل عينٍ غارقٍ منديلها
انا وقعت بحب من خده مثل بيض السحب= لا يا وجودي وجد من يشفق على تقبيلها
انا وقعت بحب من عينه لها طرفٍ هدب = بسهومها ترمي قلوب الخلق ما تأويلها
ترمي سهومٍ بالمحبه كنها نار ولهب = وانا رمتني بالمحبه لين طحت قتيلها
واصبحت اسيره بالمحبه جاهزٍ عند الطلب= يأمر وينهاني بعد والناس مايعنيلها
مار البلا لاشفت بعيونه جفاً ماله سبب= مدري كبر.. ولا غلا .. ولا ماحد يحليلها
الله ياهذا الزمان اللي على متعب كتب= يضحك على امال اللقا والتفرقه يبكيلها
وشلون اواصل رحلتي وشلون ابطل وانسحب= بين الحقيقه والوهم ازريت اعدل ميلها
مار المهم انه نهب قلبي وتفكيري نهب = واكيد يكفي موجز الاخبار عن تفصيلها

صح لسانك يابو فراج

وبيض الله وجهك

(والله يعين العاشقين)

تحياتي

صح لسانك

اخوي متعب قصيده طيبه
والله يطيب ايامك
تقديري وحترامي

واكيد يكفي موجز الاخبار عـن توصيلهـا

الله أكبر

يكفي يا متعب

صح لسانك يا أبو فراج

ارحب يابن فراج والله يعينك ويبلغك ما تمناه

صح لسانك على هالبوح الصادق ولك كل التقدير

الغربي
حمد
فيصل
زعيم الحب

شكرا على مروركم الكريم

صح السانك يابو فراج

قصيده رائعه والله يبيض وجهك

أبو فراج..اولا مرحبا مليون..

اسعدني شوف اسمك هنيا بعد غيبه

وشلون اواصل رحلتي وشلون ابطل وانسحب=بين الحقيقه والوهم ازريـت اعـدل ميلهـا

الله يعدل ميلها .. العشق اوله طرب وآخره

نشب .. اتعبنا والله يعين ..

لكن الانسحاب مرفوض ..



المهم صح لسانك على هذة الجزالة المفرطه


والقاف المحبوك ..

وجدد الاعجاب ..

صح السانك وبيض الله وجهك
والله

صح لسانك يابن فراج قصيدة جزله

من شاعر جزل

ربي يعطيك العااافيه

كل الود