دعوه لجميع شعراء المنتدى..

بسم الله الرحمن الرحيم

السلام عليكم ورحمة الله وبركاااته

صباحكم شعر

وانا جالس افكر طرى علي فكره

ان جميع شعراء المنتدى يتجمعون ويسوون قصيده وحده في منتدانا الغالي

والاستاذ سلطان

يعني كل شاعر في المنتدى يجي ويكتب بيتين تكمله للابيات اللي قبلها

لين تكتمل قصيده

ومنتدانا يستاهل ومؤسسه يستاهل

والبدايه عندي

كل شاعر يكمل يضم ابياته للابيات اللي قبل ويلصقها

سلامٍ ياصرحٍ تاسس على الطيب=صرحٍ عظيم وضم مجد القبيله
موسسه راع الوفاء والمواجيب=سلطان كساب العلوم الجزيله

في انتظاركم شعرائنا

الغربي

فكرة رائعة يابو عبيد
وحجزت لي مكان والمنتدى والقائمين
عليه يستاهلون كل خير
دمتم بخير ,,,

فكرة رائعه يالغربي والمنتدى وأعضاءه يستاهلون
كل خير وأبشر بعزك

في صفحاته تلقى أجمل تراحيب =من أعضاءه لكل منهو يجيله
ومن نصانا بإذن الله مايخيب =ومن هجانا لا والله عزتيله

على القوّة يا أبو عبيد
وعلى العليا اليوم ودوم إن شاءالله

سلامٍ ياصرحٍ تاسس على الطيب=صرحٍ عظيم وضم مجد القبيله
موسسه راع الوفاء والمواجيب=سلطان كساب العلوم الجزيله
في صفحاته تلقى أجمل تراحيب=مـن أعضـاءه لكـل منهـو يجيلـه
ومـن نصانـا بــإذن الله مايخـيـب=ومــــن هـجــانــا لا والله عـزتـيـلــه
سلطان من اسمه اخذ بأسمه نصيب=واسس لربعه كل فكرة مثيلة
ابدع وقدم ومن ابداعه صويب=يعني لقومه مثل مالقوم تعني له

ابوعبيد
شف حطيت بيتين بعد
ابيات النايف
وان شاء الله تطلع فكرة زينه
يستاهل ابوعبدالله

فكرة جميلـــــة جدا

ويستاهلون الشدادين ويستاهل ابو عبدالله
كل خيييير

شكرا يالغربي

متآلق مبدع رآئع مميزقمة آلذووووق قليلة بحقك الغربي
عآشت آيدك ويعطيك العافية على آلموضوع
آلآكثر من رآئع
شعرائنا
حروف جميلة ورقيقة رسمت باتقان وتميز لامثيل له
دام لنا نزف أقلامكم الراقية
السلطان ربان السفينة ومدير الإبداع لكل شي تميز والسلطان تميزنا منتدانا

مكانة السلطان روس المراقيب=هذي مكانت كل راعي جميله
عارف ويكرم عن هل النقص والعيب=فضيل تزهاه العلوم الفضيله

الله يعطيك العافية
وأتمنى إني أقدر أعبر لهالمنتدى الغالي باللي في خاطري ..

أحرجتوني والله



يا هلا والله بالغربي وبكل من حضر وشارك هنا بطيب
الكلام وعذب القوافي والنعم بكم أجمعين
وعساني وإياكم على القوة وطاعة الرحمن
وأشكركم من أعماق قلبي
وكل عام وانتم بألف خير