26 Oct 2005, 11:22 PM | [ 11 ] | |||||||
عضوة متميزة
|
احسنت وابدعت .. واجدت .. ياسعد |
|||||||
|
||||||||
27 Jul 2006, 11:27 PM | [ 12 ] | |||||||
عضوة متميزة
|
كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة والشاعرة هي عمة ( الشاعره العملاقه .. الراسيه ) وفي غزلية رائعة :
ليته يناديني وانـا بـس اناديـه=واجاوبه ياحسين ولو كان مـره
عليه قلبـي يابسـات عراويـه=اقفا ابقلبي من ضلوعـي يجـره ذالي ليال قاعده فـي حراويـه.=ليننهـا زادت علـى المضـره قمت اتوجد وجد من مات غاليه.=قبوه اقبالـه كـل يـوم يمـره أو وجد من خاوه والليل ممسيـه=ينخا ولا حد من هل الهجن مره خلي طريح والضواري اتحاضيه=بالمقطعه وامقابله ضلـع حـره على الذي ماشفت حي ايحاليـه.=شيخ على القوم المعاديـن شـره |
|||||||
25 Jan 2007, 03:09 PM | [ 13 ] | ||||||
|
اختي الكريمه مشكوره على الموضوع الجميل والجهد الرائع والاختيار المميز تحيااتي |
||||||
|
|||||||
02 Feb 2007, 09:30 PM | [ 14 ] | |||||||
نائب المشرف العام
|
الشاعره بخوت المريه
8 8 8 هذولا راعيات البراقع ماهم اللي ذلحين من هب ودب قام يلبس برقع ياناس خلوا البراقع لهلها ...... ( صــورة تعبيرية ) نسبها بخيتة بنت عايض ال عذبة المري المعروفه بأسم بخوت موطنها : عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة مرة حياتها الاجتماعية كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري تنتسب بخوت لعائلة آل منيره ... والذي يقطن غالبيتهم في مدينة المره بجنوب قطر شاعريتها: كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة والشاعرة هي عمة ( الشاعره المعروفه.. الراسيه )
ليته يناديني وانـا بـس اناديـه=واجاوبه ياحسين ولو كان مـره عليه قلبـي يابسـات عراويـه=اقفا ابقلبي من ضلوعي يجـره ذالي ليال قاعده فـي حراويـه=ليننهـا زادت علـى المضـره قمت اتوجد وجد من مات غاليه=قبوه اقبالـه كـل يـوم يمـره أو وجد من خاوه والليل ممسيه=ينخا ولا حد من هل الهجن مره خلي طريح والضواري اتحاضيه=بالمقطعه وامقابله ضلـع حـره على الذي ماشفت حي ايحاليـه=شيخ على القوم المعادين شـره وفي اجمل قصايدها قالت :
جيت المنازل خاليه ما بها اونـاس=من عام الأول ارضها ما وطي به ولقيت مرح أهل المـروات دراس=علمه بهم يا بو مطر علمـي ابـه مريتهـا يـوم المعاليـق يبـاس=ونزلتها يـوم الضمايـر عشيبـه وونس بصدري واهج الحر حماس=احسب من فارق هله لي يجي بـه واقفيت كن ابسرت القلـب مـراس=واقنب كما يقنب من الجوع ذيبـه واعول كما تعول على البو عرماس=ومن لامني جعل حوالـه عطيبـه باللي يفكون الطلب عقب الادمـاس=ربعي مصخرت العدو بالغصيبـه اليا منهم ركبوا على سرج الافراس=وتحيزموا من فوق قـب عريبـه اليا اعتزوا ببعير عالـي السـاس=خلوا على جمع المعـادي حطيبـه ذكر الموده للعرب ما بهـا بـاس=لكنهـا علـى المولـع مصيـبـه حب الرفاقه شيب القلـب والـراس=وباق المـوده لـه بديـل قريبـه باقي العرب تلقا بديله مـع النـاس=واخوك لو درت البدل مـا لقيبـه ولها :
مل قلب ٍ فر وأفتـر مثـل المروحـه=فرهـا فـرت جديـد قـوي ٍسيرهـا ان ضحك لي صاحبي سر قلبي وافرحه=وان تغلى صاحبي زاد عينـي شرهـا صاحبي ناوي يذبحني وانا مقوى اذبحه=شب في كبدي سنـا نـار زوّد حرهـا وقالت رد على من علق على جراءتها الشعريه
العب المنكوس وارفع بصوتي ماعلي=من هل المنقود واهل العلوم الهينـه
يقال انه كانت لها قصة عشق بين أحد ابناء عمومتها ويدعى " محمد " وكانت لا تخجل من هذا العشق الطاهر بل كانت تجهر به وكانت تذكر محمد في اغلب ابياتها وهذه احد ابياتها فيه ...
ياهل البيت المطرف تراني يوم جيت=عندكم لي حاجة ٍواستحـي ماقولهـا
ايضاً في محمد ...
المحبه لا سطت ما يعالجها الطبيب=روحتك ياصاحبي ليت ربي لدها عادة الدنيا تفرق حبيبٍ عن حبيب=وقطعك يارفقة ٍوالمفارق ضدهـا لها في الأحلام
البارحـه والحبايـب كلـنـا لـمـا=يوم اصبح الصبح كل(ن) راح في داره حسبي على الحلم يكذب جعلـه الهمـا=سوّى بحالـي كمـا عـود ونجـاره ايضاً في ابن عمها " على " وكان بمثابة الأخ لها والأقرب إليها
ياعلـي ياخـوي ويـن بدوانـي غـدو=لا خبـر ولا مديـد ولا قلبـي بنيـس راحوا العربان في شف قطعـان البـد و=في هوى الخلفات ماراوزوا يوم الخميس نحف حالي ياعلي نحف مـدراة السـدو=وزوع قلبي زوع حر ٍ إلى شاف القنيص ولها ايضاً في الحكمه ...
تل قلبي تل طيرٍ على الجول مهـدود=يطرد المقفي وطرد المقافـي كايـده مهبلك ياللي تبي الوقت الأول لك يعود=من يرده كود محيي العظـام البايـده نوادر من قصائدها
جعل وبل الغيث يسقي ديار المفرعيـن=منزل اللي كن حديثـة حليـب معدّيـة ضيقيتي في خاصري دايم ماهوب زين=قومي اللي سـم حالـي وبيـح سدّيـة ان سجنته قام يتبـع دروب الدالهيـن=وان نشدته قـال انـا علتـي متعدّيـة ان بغى خلي جنابي فلا غيره ضنيـن=وان بغى يقفي فيقفـي مـراح مودّيـة ومن نوادرها ايضا هذة القصيدة اللي تشبه فية الحرية واستعادتها مثل طير شاهين ربيطة السبق
زوع قلبي زوع طير قطع قد هو حكير=من شياهين البحر واستخل اهجارهـا كل ما صاح االمصيح تعلوت تستديـر=عقب ما هي حكرة سعدهـا بطيارهـا وقالت في الحزن )
انا دمع عيني بالدقايـق وبالساعـات=ولا هي على فرقا المحبيـن مستـره هواجيس قلبي كل ما أقول راحت جات=تعود علي باليوم خمسة عشـر مـره وقالت كذلك في وصف ناقتها التي كانت تسميها (ذروة)
كن ذيل ذروة راس بنت على زيان=يازين شوفه في العراقيب يجتالـي يازين شوف حوارها بارك ريـان=في حرف روض والمضاهير نزالي تقول بخوت المريه وهي أشهر من تكلم عن السيارات من النساء :
حن قلبي حن (( ماك )) على سمر العجل=عشق السواق والـدرب ممسـوكٍ وراه ما بشفي لا دريـول ولا ريـس عمـل=شفي اللي كـل ماشـاف بـراقٍ رعـاه ونتي ونة خلوجٍ ولدهـا مابعـد جـدل=تشرف المرقـاب للـذود وتعـود وراه وتقول أيضاً :
ياحن قلبي حن ماكٍ مع الطلعات=ليا عشقه بالعايدي والدبل جره جرمة ثقيل وحملوا فوقه البيبات=ويدعس عليه ببنزينه ولا سرّه والماك : هي السيارة الكبيره .. أما في وصف السيارات فقد برعت الشاعره فيه
تل قلبي تل فرت ٍعلى سبر العجـل=عشقه راعيه والحوض تحته قد ملاه ان تسنّد عشّقـه ثـم لـده بالدبـل=وان تحرر ريّحه لين ياصل منتهاه ولها بوصف المرسدس
المرسدس محلاه في طلعت ام حويض=اليا عطي ثالث جاوب السير شكمانـه
وقالت في الفراق
ياجماعة وإن عزمتوا على أنكم راحلين=غمغموني عن مظاهيركـم لاشوفهـا كن في قلبي لهب نار ربـعٍ نازليـن=اشعلوهـا بالخـلا والهبـوب تلوفهـا ول عودٍ لاش رحمه ولا قلـبٍ يليـن=عسى ذودك في نحر قومٍ وانت تشوفها عيدوا بي في الخلا والفريق معيديـن=كل عذرا نقشت بالخضـاب كفوفهـا مايقرب دارهم كود صنـع الذاهبيـن=كود حمرا عزمها من صفـاة بلوفهـا كن حنين الويل يشبه لخلفات القطيـن=لينوا له بالقدم مـع طمـان اجروفهـا وتقصد بالحمرا : السيارة .. وقالت في التوجد :
ياوجودي وجد من حط معروفه وضاع=بين بواراً ومن بيـن جحـاد الجميـل اووجود اغريراً فاقداً حلـو الرضـاع=ماتت امه والمنايح حلال القـوم حيـل او وجود اللي فقد خوه ابن عمً شجـاع=محزماً فالضيق وان جاه مختف الشليل كما لها بالتوجد على حياة البر والباديه:
وجودي على بيت الشعر عقب بيت الطين=وجودي على شـوف المغاتيـر منثـره وجودي على خوة هل الموتـر المقفيـن=وجودي على شوف السهل من ورا الحره ليا حلوا البدوان وصاروا علـى بيتيـن=ومن كان لـه خـل مـع ذاك ماغـره وقالت ايضا :
ما بشفي لا دريول ولا ريس عمل=شفي اللي كل ما شاف براق رعاه قاطنين فوق عد على جاله عبـل=طيب للبل وراعيه ما يقطع ضماه وفاتها عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو ) وحاليا اسمها ( حي البادية) حتى توفيت هناك عام 1995 ميلادي. الله يرحمها ويسكنها فسيح جناته... |
|||||||
|
||||||||
02 Feb 2007, 11:27 PM | [ 15 ] | |||||||
أميرة القصر
|
شكراً اخي عبدالله على الموضوع وتلك الشخصيه التاريخيه تحيتي لك |
|||||||
|
||||||||
03 Feb 2007, 02:33 AM | [ 16 ] | |||||||
عضوة متميزة
|
يعطيك العافيه اخوي شكرا لك |
|||||||
|
||||||||
03 Feb 2007, 07:51 PM | [ 17 ] | ||||||||
عضوة متميزة
|
يعطيك العااافيه دمت بووود |
||||||||
|
|||||||||
03 Feb 2007, 09:02 PM | [ 18 ] | ||||||||
مؤسس شبكة الشدادين
|
تسلم يديك يا أبو علي على سرد مثل هذه الروائع عن الشاعرة بخوت المرية وهي من الشاعرات اللاتي لازال أهل البادية يتغنون بأشعارها |
||||||||
|
|||||||||
03 Feb 2007, 09:47 PM | [ 19 ] | |||||||
شاعر
|
الله يعطيك العافيه ياعبدالله جزل ولا تختار الاالجزل رحم الله بخوت ولكن سؤال تتوقع لو شاركت في شاعر المليون لها منافس |
|||||||
|
||||||||
04 Feb 2007, 05:59 PM | [ 20 ] | |||||||||||||||||||||||||||
نائب المشرف العام
|
مشكوره اختي على التواجد العطر |
|||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
إلى الشاعره جواهر مع التحيه | عيد الشدادي | المواهب والمحاولات الشعرية | 35 | 12 Nov 2010 10:14 PM |
الشاعره عرق النفود مطلوبه | عيد الشدادي | المحاورة والألغاز الشعرية | 5 | 25 Dec 2009 02:14 PM |
بيوت الشعر : بيوت العـز والاصاله | عـــلاوي | التراث والآثار والسياحة | 8 | 16 Nov 2006 02:47 PM |
بيوت الرياضيين .. | المستحيلة | عالم الرياضة | 14 | 09 Dec 2005 09:29 PM |
|