قّهـوَة صِباحِي إنتْ .. قِم قَهوني لاهِنتْ ~ فطـور غيـر ومتنوع

صباحكم قشطـة


الفطور أهم وجبه في اليوم ولكن للأسف أغلبنا يهملها

البعض يفضل اللحوم على الفطور والبعض الأجبان او النشويات او الخضار ..

في الموضوع هذا حاولنا نلبي جميع الرغبات ونطور طرق التقديم

وتستفيدون منه

نشوف مع بعض انواع الفطور ..


[ أسياخ الحلوم المشويه ]

جبنه حلوم + فلفل بارد ملون

نقطع الجبنه مكعبات + الفلفل وندخلها اصياخ بالدور .. ثم نحطها ع الشوايه بدون زيت .


نقلبها حتى تنشوي جميع الجهات ..



نقدمها مع خبز محمص ومربى ومكدوس وزيتون ..



صحه وعافيه ..


||


[ مزرعة بالبيض ]

سبب التسميه ان فيها انواع كثيره من الخضار ..

بيض + بقدونس + بصل + ثوم + طماط + فلفل بارد [ بصل اخضر ] حسب الرغبه

نقطع البصل ونحمسه بالزيت ثم نضيف الثوم المهروس .. ثم الطماط والفلفل البارد بعد التقطيع وباقي الخضار ..



نصبها بصينيه بعد دهنها بالزيت و ندخلها الفرن بعد رشها بالجبن ..

بالقلايه اسرع ونغطيها بغطى قدر ..



بعد ماتتحمر من تحت نقدمها ..



مع رشة بقدونس مفروم وبطاطس وخبز محمص ..




||


[ قوالب البيض بالتونه ]

علبه تونه صغيره + بيض + فلفل حار + بصل + فلفل بارد + جبن مبشور

نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل.



بكل قالب نحط ملعقتين من التونه ..



نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن ..
وشريحه فلفل بارد للنكهه .



بالفرن 10 - 15 دقيقه ..

نقدمها مع الخبز ..






||


[ نقانق + بيض مسلوق ]

3 اصابع نقانق + فلفل احمر + بصل + ملعقتين جبن سايل

نقطع البصل ونحمسه في زيت زيتون .. ثم نضيف الفلفل البارد .. ونتبله بالملح والفلفل

ثم نضيف النقانق بعد التقطيع .. ونتركها تطبخ دقيقتين ونضيف الجبن .



نقدمها مع البيض والخبز المحمص ..

نزينه برشة بقدونس مفروم ..




||


[ توست باللبنه والمربى ]

توست نقطعه نجوم او دوائر .. ثم بالقمع نحط عليه لبنه ~ مربى ..



نقدمه مع الزبادي والخس والطماط والزيتون ..




||


[ عجه بالفطر ]

بيض + فطر + فلفل بارد + بصل + جبن تشيدر + بقدونس

نقطع البصل والفلفل البارد ونحمسهم بالزيت .. ثم نضيف الفطر ونتبله بالملح والفلفل ..



نخفق بيضتين ونخلط معها البقدونس ونصبها ع الفطر .. ثم نضيف جبن التشيدر مكعبات ونتركه ع النار حتى ينضج ويذوب الجبن .



نقدمه مع خبز محمص - شرايح طماط - شرايح تركي مدخن ..




||


[ فول بالخلطه اللبنانيه ]

علبة فول بالخلطه اللبانيه + فص ثوم + صلصه طماط منزليه + معجون طماط بقدونس مفروم + خمس ملاعق زيت زيتون .

نهرس الثوم ونحركه مع زيت الزيتون .. ونقلبه على النار ثواني يطلع طعمه ..

نفرغ علبة الفول في قدر مع ملعقه كبيره معجون طماط و3 ملاعق صلصه منزليه ونضيف الثوم ..

نهرس الفول بالشوكه ونتركه يطبخ 5 دقائق ثم نضيف البقدونس ..

نقدمه بعد مانزينه بالزيت والشبت والطماط ..



مع الخبز العربي واللبنه والزيتون ..




||


[ كروسان محشي ]

حبتين كروسان نحشيهم جبنه هولنديه مع خس .. ونقدمها مع طماط وشرايح لحم ببروني وكاس قهوه ..






||


[ بيض مسلوق بالجبن ]

بيض مسلوق + جبن سايل

نقطع البيض بالنص ونطلع القلب الاصفر .. نخلطه مع جبن سايل ..



ثم نرجع للبيضه بواسطة القمع ..



نقدمه مع لبنه كور وطماط صفير وزيتون بالأسياخ ..

والخبز . مع كاس قهوه وكاس عصير تفاح ..



||

[ زيتون محشي لبنه ]

زيتون اخضر بدون نوا + لبنه

بالقمع نحشي الزيتون ونقدمه على بساط من الخس ..






||


[ نقانق بالصويا والجبن ]

بصل مقطع صغير + نقانق شرايح + ملعقه صغيره صلصه صويا + جبن سايل + فلفل بارد احمر

نحمس البصل مع الزيت ونضيف الفلفل البارد والنقانق .. ونتبلها بالملح والفلفل والصويا ..

نتركه دقيقتين ثم نضيف 3 ملاعق صغيره جبن .. ونتركه ع النار دقيقه ثم نقدمها..



مع البيض المسلوق - جبن - مرتديلا - خبز محمص ..




||


[ بيض رول بالخضار ]

بيض مخفوق مع حليب .. نضيف عليه طماط وبصل وبقدونس .. نتبله بالملح والفلفل الاسود ونصبه بصينيه دائريه مدهونه بالزيت ..

نحطه على النار حتى ينضج ثم نلفه رول ونقطعه حلقات ..

نقدمه مع خبز بشرايح الجبن - زبادي - طماط وزيتون - كاس قهوه - عصير تفاح




||


[ ساندوتش بيض × بيض ]

خبز تورتيلا بالشطه + بيض + طماط + بقدونس + جبن

نسلق بيضه .. وبيضه نخفقها مع نص بياله حليب ونتبلها بالملح والفلفل الاسود ونصلحها ع القلايه ..

نحطها على خبز التورتيلا وندهنها بالجبن .. ثم نقطع البيض مع الطماط والبقدونس ونرشه عليها .. ونطويها من النص ..



نقدمها ..




||


[ فطور جاهز ]

جبن هولندي ..



جبن تشيدر مدخن ..



نقدمه مع الخبز المحمص والمربى ..




||


[ قوالب البيض بالفطر والرومي المدخن ]

بيض + فطر + بابريكا + فلفل بارد + شريحتين رومي مدخن

نقطع الفطر المعلب مع الفلفل البارد ونحطه بالقالب .. ثم نضيف رومي مدخن مقطع شرايح ..

نخفق بيضه مع حليب ونتبلها بالملح والفلفل الاسود .. ونصبها على الفطر .. ثم نرشها بالبابريكا



نحطها بحمام مائي وندخلها الفرن .. 20 دقيقه ..



نقدمها مع الخبز ..



||


وبالهناء والعافية


إعداد وتقديم الشيف المبدعه : " يامدور الهيِّن تراني لقيته "

مـ // ن

لاهنتي والله عزالله إن الكايدات تكون سهاله عندك

< البنت خاقه ع حركات التقديم وناوية تطبقها عملياً

^
^

بتدورون قرص وعسل وحركات المعصوب والفول مافيه ترى

عندي إحساس إن هالموضوع بيخش مزاج البنات لأنه لذيذ وسهل

وتقديمه دلع لكن الشباب ظنتي بيقولون هذا مو فطور بيكون

مقبلات للفطور الأساسي

يم يمي
الفطوووور أحلى وجبة عندي



يستانسووون عليه بالإجازات
أدلعهم دلع ثاني ع الفطوووور


عجبووني وصفااتج يا الترف
بطبق منهم الويكند الياي
تسلمييييين يا قمر

^
^

تروفه ماشاءالله وش هالسنع يابت .. مره أصناف رايقه ..

يعطيك الف عافيه ^ ^

,’

سووو نآآيس والله

مستحيييييل يجي يوم مآ افطر

اهم شي الفطوور عشآن نبدأ يومنآ صح

تسلمي تروووفه




,’

		المشاركة الأصلية بواسطة : بنت زايد اقتباس
	يم يمي الفطوووور أحلى وجبة عندي يستانسووون عليه بالإجازات أدلعهم دلع ثاني ع الفطوووور عجبووني وصفااتج يا الترف بطبق منهم الويكند الياي تسلمييييين يا قمر

الفطور وجبتي الوحيده اللي أداوم عليها

وبما إن الفطور سهل التشكيل دلعيهم يابنت زايد الغداء هو الغثاء مافيه تدليع

حتى أعجبوني هالوصفات وسويت اليوم توست اللبنة بالمربى < أسهل شيء :moptop:

تسلمين قلبي ع المرور العسل

		المشاركة الأصلية بواسطة : شغب أنثى اقتباس
	^ ^ تروفه ماشاءالله وش هالسنع يابت .. مره أصناف رايقه .. يعطيك الف عافيه ^ ^

هلا وغلا بشغوبه وحياك

والله إني أحب السنع وفتاة أسنع من السنع بس الإعلام ظالمني

ووجود الشغالات يخربون علي

ألف شكر لحضورك

		المشاركة الأصلية بواسطة : شدادة الوزير اقتباس
	,’ سووو نآآيس والله مستحيييييل يجي يوم مآ افطر اهم شي الفطوور عشآن نبدأ يومنآ صح تسلمي تروووفه ,’

هلا وغلا فيك شدو

حلو مؤيده للفطور مثلي هو أهم وجبه الباقي مو لازم

حياك قلبي وأسعدني مرورك ياعسل

تررررف

ماعندكم فول وتميس :icon_mrgr

جيعاااااانة بفطر عليه بكرة

حركتات حلوة وتجنن بس الواحد توه يصحى مع الصباح ويالله يفتح عيونه تبينه يبدع كذا

والله مافي مجال للابداع يادوب نلحق دواماتنا

<<<<<<<<<<<<ابوك يالتحطيم :aasmas:

الله يعطيك العافية ترف

لاتعبتي

ماشاء الله تبارك الله
تقديم متميز وموضع متكامل
بالتوفيق لك

		المشاركة الأصلية بواسطة : الجازي اقتباس
	تررررف ماعندكم فول وتميس :icon_mrgr جيعاااااانة بفطر عليه بكرة حركتات حلوة وتجنن بس الواحد توه يصحى مع الصباح ويالله يفتح عيونه تبينه يبدع كذا والله مافي مجال للابداع يادوب نلحق دواماتنا <<<<<<<<<<<<ابوك يالتحطيم :aasmas: الله يعطيك العافية ترف لاتعبتي:d

ههههههههههه جوجو الفول والتميس مالك أمل تكشخينهم إلا بتقصيص الخبز :d

حياك ياقلبي وياهلابك وأحلا وقت توك قايمه من النوم أوم الروقان خصوصاً لاصرتي

شبعانه نوم وعندك وجيه تفتح النفس وربي بتسوين أكثر من كذا بس لاتحطميني :d

يعافيك ربي ولاندمتي < ماتدري وين موقع هالكلمة بس سمعتها قبل كذا :d