ma3z00fat

أجيك .. أسأل .. أحبك ! .. وإنت ماتدري
أشتاق / أوله عليك / و أكتم أسراري ,

( أراقبك ) من بعييد آحسّك بـ صدري !
أسولف لـ " صورتك " عن : آخر أخباري

أشاورك باللي يطري . و إللي مايطري .
- أشتتك – أجمعك – تتشتت أفكاري !

..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,

بيني وبيني . . . ولادة حبي . . . العذري
عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :
حلاته إني – عشقتك . وإنت مو داري !

المُحال / الصعب , يعني : وضعَنا
إنتثرنا . . . و الأوادم , يجمعون .

يشهد الله , بس ( طمعنا فـ بعضَنا )
يوم خلق الله
بـ - كل شي يطمعون !


يا حبيبي .. هـ التعب , إن هزَّنا ؟؟
بلّغ { أسراب الغلا } ...... لا يجزعون

الفراق .. الضيق , الحظ .. العَنا ,


- الجروح إللي تجي بليّا ( طعون ! )

.. الظروف , الموت , الحزن , الهَنا ..
الدموع .. الصوت / خلْهُم : يسمعون

دام ندري الـ " بُكى " ما فادَنا !


[ ليه ما نرحَم قلوبٍ يدمعون ؟؟! ]

إن بقينا ( ثنين ) . وكل شي – ضدَّنا !
: الصبر . . . كثر الأمل : ما ينفعون .

النصيب / الناس / قسوة وقتَنا :


مو بـ إيدينا هـ الثلاثه , يخضعون

العواذل ........ { عيدهم } بـ فْراقَنا
" فرصة " أعدائي فـ غيابي / يطلعون

راقبونا . . و إتعبوا . . . في قربَنا
و

من يشوفـونا " تصدّق " يفزعون !

- صابنا إللي كاتِبَه [ اللـهُ ] لَنا -
لو مشاعرنا .. حبيبي يفجعون .. !

إنت ((( ضقت ))) فـ غيبتي لكن , أنا :
إنَّا للـه . . . وإليـهِ راجعون .

في دنيتك غصبٍ عن [ الكـل ] : ببقى !
" الموت " أهوَن .... من حياتي بدونك .
خايف عليّ من قسوة الوقت / أشقى ؟!
- مافيه أقسى من ( مفارق ) عيونك

لا تسولف لي عن { جْروح الليالي } . .

وإنتْ قلبي .. ياما داواك ، وخدعته !

إيه أنا صابر .. لأنك : حيل غالي ،

ولو أحد ثاني مكانك ؟ - كان بعته .

ياللأسف ! خيّبت كل الرجا فيك .. .

أقول راضي وآنا ماني بـ راضي !

إن كنت لك تحصيل حاصل بـ أسمّيك :

أفشل علاقه في حياتي وماضي .

دنياك باكر يـ أسود القلب تشقيك ،

تبطي .. ولا تلقى أحد في بياضي !

الله بلاني فيك .. واللـه يهديك |

كل ماترستك حُب ألقاك فاضي !

جيتك من أقصى رغبتي لك ويكفيك .. .

إنّي عطيتك كلّي وكنت راضي .

مابه عداله بيننا ولازم أنهيك ،

مفروض يحْكُم بين الأحباب قاضي !

عيني تشوفك وإنعمت عن بلاويك |

من كثر ما أحبك غفل إتعاضي !

والحين من قلبي طردتك ولا أبيك ،

أرض التواصل والمفارق أراضي .

ببدا بهذا اليوم رحلة تناسيك :

مافيه داعي للرضا والتراضي !

لاصرت مشغول بحياتك أخليك ،

بروح ادوّر لي على قلب { فاضي } .

للمختلف جدا /احمد الصانع

		المشاركة الأصلية بواسطة : اقتباس
	في دنيتك غصبٍ عن [ الكـل ] : ببقى ! " الموت " أهوَن .... من حياتي بدونك . خايف عليّ من قسوة الوقت / أشقى ؟! - مافيه أقسى من ( مفارق ) عيونك

انتقاءات رائعة ي معزوفة

سلمت و سلم ذوقك ..

		المشاركة الأصلية بواسطة : عادل الحارثي اقتباس
	انتقاءات رائعة ي معزوفة سلمت و سلم ذوقك ..

اسعدني تواجدك اخوي عادل
الله يسلمك يارب

علها تمطر علينا

اماني

عطشان .. اسمع يا نهر
عمر الصحاري والجفاف
عمري أنا ما مر على عمري مطر
عطشان لدموع الشتا
مشتاق للون الخضر

فائق عبدالجليل