آخر 10 مشاركات |
مختارات | وطني لو شُغِلْتُ بالخلدِ عنه *** نازَعَتني إليه في الخُلدِ نفسي |
مواضيع ننصح بقراءتها |
|
|||||||||||||||||
مرثية في المرحوم سعيد بن عايض بن خنيفس
بسم الله الرحمن الرحيم هذه القصيدة نظمتها رثاءً في عمي سعيد بن عايض بن خنيفس رحمه الله دارت عقارب ساعة التوقيت والوقت استدار=وراحت بنا الايام والساعه على توقيتها نبني على التسويف والتسويف أخذ منّا عمار= لا النفس ملّت من عنا الدنيا ولا فليتها وفقدت اعز انسان له فالصدر منزال ووقار=وبكيت لين العين في حشمة ابوي ادميتها وحققت فالدنيا بعد موته على الوقت انتصار=وعلى خطا ما كان رجلي في غلاه احفيتها واليوم راح مكرم الضيفان فايام العسار=الوافي اللي وقفته تذكر ليا عديتها المؤمن الصبار والقلب السليم من العوار=نفسه على الطاعات جاهدها وعلاّ صيتها عساك للجنه يا ابو مطلق واسجل لك قرار=على الوفا والطيب ربعك مت ما طشيتها من بعد ابوي وبعدك الدنيا ما ارد لها اعتبار=والوافي العاقل ما ينقدني ليا سويتها الله يرحمكم بنيتوا مجد خالد فالديار=واليوم اعاف ارضٍ وطيتوها ليا مريتها تاه القدم والشوف ما حاز البياض من السمار=والكلمه اللي من صميم الذات ما بديتها عسى السحاب اللي يغيث الارض ويبل العفار=يمطر على قبورٍ ليا مريتها وطريتها ترجع بي الذكرى وأجرّ الآه وأسوق العذار=على الجفا والصد والتقصير ما خفيتها الله يرحمكم مثل ما انتم ربيتونا صغار =واليوم انا نفسي على الدعوة لكم وصيتها عسى لكم في جنة الفردوس منزال ومنار=ويا قابض الأرواح ترفعها بعد ما افنيتها انت الملاذ اللي نلوذ بقوتك من كل ضار=وانت الكريم اللي عطاياك اندفن ما احصيتها وانت الرحيم المعطي الوهاب وانت المستجار=ارفع لك أكف الضراعة والدموع ابليتها يا رب عوضنا بعد راحوا مصابيح الديار=الصفوة اللي تشرح الخاطر ليا سميتها الشاعر / صالح بن مستور
|
01 Oct 2012, 04:50 PM | [ 2 ] | ||||||||
مؤسس شبكة الشدادين
|
رد: مرثية في المرحوم سعيد بن عايض بن خنيفس
يا هلا والله وألف مرحبا بشاعرنا الكبير صالح بن مستور الحارثي والله يحييك في منتداك رحم الله أمواتنا وجميع أموات المسلمين وأحسن عزاءكم في فقيدكم أبو مطلق والله يجعل مثواه الجنّة وصح لسانك ملايين |
||||||||
|
|||||||||
01 Oct 2012, 04:54 PM | [ 3 ] | ||||||||
|
رد: مرثية في المرحوم سعيد بن عايض بن خنيفس
كفو والله بربعنا العضاوين واحسن الله عزاكم وغفر الله لميتكم .. وصح لسانك ملاييين .. |
||||||||
|
|||||||||
01 Oct 2012, 05:17 PM | [ 4 ] | |||||||
|
رد: مرثية في المرحوم سعيد بن عايض بن خنيفس
صح لسَانك يَا صالح وَ الله يرحم فقيدكم وَ يدخله الفردوس الأعلى من الجنّة شكرا لك |
|||||||
|
||||||||
01 Oct 2012, 07:19 PM | [ 5 ] | ||||||||
شاعر
|
رد: مرثية في المرحوم سعيد بن عايض بن خنيفس
صح لسانك ملاييين يابو حاتم وبيض الله وجهك والله يرحم ابوك وعمك وجميع موتى المسلمين ويسكنهم فسيح جناته سعدت بتواجدك هنا ..واتمنى منك عدم الغياب فحضورك لها طابع خاص لدى الجميع |
||||||||
01 Oct 2012, 10:35 PM | [ 6 ] | ||||||||
شاعر
|
رد: مرثية في المرحوم سعيد بن عايض بن خنيفس
صح لسانك ياصالح والله يرحم ميتكم ويحسن عزاكم .. وانا اشهد ان الديار تنعاف بكل مافيها يوم نتذكر غالي مر عليها واخذته الدنيا .. الله يرحم عمك وابوك وجميع اموات المسلمين تحياتي |
||||||||
|
|||||||||
01 Oct 2012, 11:49 PM | [ 7 ] | |||||||
شاعر
|
رد: مرثية في المرحوم سعيد بن عايض بن خنيفس
ابو حاتم اسال الله تعالى ان يتغمد الفقيد برحمته وان يسكنه فسيح جناته واساله تعالى ان يغفر للمسلمين والمسلمات الاحياء منهم والاموات ولا شك ان المصاب جلل بفقد الرجال العظماء امثال (ابو مطلق) ولكنها سنة الحياة ((كل من عليها فان ويبقى وجه ربك ذو الجلال و الإكرام )) اما القصيدة فهي متماسكة المعنى والمبنى نبرتها حزينة لايتقن صياغتها الا عمالقة الشعر امثالك صح لسانك ولا تقطع المنتدى من التواصل |
|||||||
|
||||||||
07 Nov 2012, 01:02 AM | [ 8 ] | |||||||||||||||||||||||||||
شاعر
|
رد: مرثية في المرحوم سعيد بن عايض بن خنيفس
أسأل الله العلي القدير ان يحسن عزاءك وان يجبر مصابك وان يجمعك بمن عز عليك فراقهم في مستقر رحمته في جنة عرضها السموات والارض إنه سميع مجيب الدعاء صح لسانك قصيده تحمل من مشاعر الاسى والحزن ماتتفطر له القلوب نسأل الله ان يجعلها آخر الآحزان |
|||||||||||||||||||||||||||
|
||||||||||||||||||||||||||||
07 Nov 2012, 01:08 AM | [ 9 ] | ||||||||
شاعر
|
رد: مرثية في المرحوم سعيد بن عايض بن خنيفس
الله يرحم ميتكم واعظم الله اجركم وصح لسانك |
||||||||
|
|||||||||
07 Nov 2012, 01:21 AM | [ 10 ] | |||||||
عضو متميز
|
رد: مرثية في المرحوم سعيد بن عايض بن خنيفس
ابو مستور صح لسانك وبيض الله وجهك ورحم الله عمك ورحم الله امواتنا وجميع اموات المسلمين |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|