سهيل اليماني

.




قصيدة متواضعة أتمنى قبولها و آسف على عدم تنسيقها
اللاب توب ضاربه جنيه له إسبوع .

وادٍ نزلته يا ملا من نزل فيه=يبلاه من شرّه مثل ما بلاني
جينا زمانٍ كاثراتٍ بلاويه=فيه الاسود تقول ماهو زماني !
موت الفتى لا خيب انّه هقاويه=اخير له من صوت صفق المحاني !
في ها الزمن كثر العطاء وش تواليه ؟=طعنة ظهر والا محيت بـ ثواني !
زولٍ من الزلات فرضٍ تبرّيه ؟=ما تدري انك من يديه بـ تعاني !
والموت باللي من جميلك مغذيه=والصبح ودّه ينزلك با الطماني !
واللي قبل مدّه مشيّد مبانيه=اليوم وش سبّة مطيح المباني ؟!
بعدك عن الانذال لو كان تشريه=ماهي خساره يا رفيع المكاني
شفني رفيق سهيل عن حفنة وجيه=راضي بعزَي ما رضيت بـ هواني
خوفٍ من العيّات والا المشاريه=مجبور انا بـ صحبة سهيل اليماني

.




راضيْ بعزيّ مَارضيتْ الهَوانيْ !
راضيْ بعزيّ مَارضيتْ الهَوانيْ !
راضيْ بعزيّ مَارضيتْ الهَوانيْ !



الشَداديّ أَحمّد



قَرأَنا هُنا الجمالْ وَ قوافيْ مُشرِقّة فيْ عالمْ الشِعر تَحيتيْ
لـِ هكذا تفرُد صّح الله منطوُقكْ وَ سَلِمْ إِحساسُكَ وَ دُمتْ رفيِع المكَانة زاخِر العطاءْ




# عُلِقّت حيثُ سهيِلْ وَ توُجّتْ بـِ التميّز

صح لسانك واعتلا شأنك
لاهنت على القصيدة
واهلا بك من جديد يا شاعرنا

رائعة جدا الابيات ،
صح لسانك ياشاعرنا : )

الشاعر احمد
صح لسانك الجزل من نصيبك
ﻻهنت.

لا هنت يا أحمد وبيض الله وجهك
شاعر كبير ومستقبل جميل باذن الله
وأهم شيء التواصل بكل جديد دائماً
وصح لسانك

ارحب ارحب
يا أبو سلطان
والله يحييك ويبيض وجهك ويعلي قدرك
ما قصرت يا بعدي وصح لسانك ملايين

بيض الله وجهك يا أحمد
وعساك على العلم الغانم اليوم ودوم
شاعر ولك مستقبل طيب ومبشر بكل خير

		المشاركة الأصلية بواسطة : ! سارة الغيد ! اقتباس
	. راضيْ بعزيّ مَارضيتْ الهَوانيْ ! راضيْ بعزيّ مَارضيتْ الهَوانيْ ! راضيْ بعزيّ مَارضيتْ الهَوانيْ ! الشَداديّ أَحمّد قَرأَنا هُنا الجمالْ وَ قوافيْ مُشرِقّة فيْ عالمْ الشِعر تَحيتيْ لـِ هكذا تفرُد صّح الله منطوُقكْ وَ سَلِمْ إِحساسُكَ وَ دُمتْ رفيِع المكَانة زاخِر العطاءْ # عُلِقّت حيثُ سهيِلْ وَ توُجّتْ بـِ التميّز

صاحبة القلم المميز ساره الغيد صح بدنكي ولاهنتي على التعليق المتفرد والمرور المميز وارجو ان اكون عند حسن الظن

		المشاركة الأصلية بواسطة : ضياء القمر اقتباس
	صح لسانك واعتلا شأنك لاهنت على القصيدة واهلا بك من جديد يا شاعرنا

الاخت ضياء صح بدنكي ومن قال ما هان وشكراا على المرور الجميل