الصبر لامنه تعدا حدوده

الصبر لامنه تعدا حدوده =عزالله ان راعيه معاد ينطاق
والي يبيح للخلا في سدوده=ويعكر الأجواء حوله اذا ضاق
هذاك ودك ينعدم من وجوده=ولاعاد تقرأ حرف منه والااوراق
الي مع الله مآ وفى عهوده =وشلون ترضى عنه من كل الاعماق
القبر أوسع لك منه في لحوده=ولآ صدره اللي محترق كله احراق
يالله تعمي كل عينن حسوده =وتشغله عنا في تقاسيم الارزاق
الناس ماتذخر بك الي تجوده=تسوق دونك كل شي بينطاق
وان ما رحمك الله بنفس ودوده =والا عطاك بفقدها كنز الأخلاق
ودام الله المعطي تحرا رعوده =واصبر إلين الصبح يبين الإشراق
واصبر إلين الله يفي في وعوده=ويصب مزنه لين يغرقكم اغراق

هلاومرحبا
ابن نايش
ابيات للقصيدة احسنت ف جلبك بهذالقصيدة

يالله تـعـمـي كـــل عـيـنـن حـســوده وتشغلـه عنـا فــي تقاسـيـم الارزاق

الـنـاس ماتـذخـر بــك الــي تـجـوده تـسـوق دونــك كــل شــي بيـنـطـاق

رائع شاعرنا اهنيئك على قلمك وشجنك
فالله درك
دائما يعجبني نظم قصائدك
دمت بتألقك وربي يحفظك

لا هنت يا أبو نايش
والله يبيض وجهك ويعلي قدرك
حضور مشرف
وصح لسانك

عايض
شاعر متمكن جزل
ﻻهنت. وفقك الله

صحة ابدانكم جميع وشكرا لكم ولمروركم الكريم والجميل

أبيض وجه يا ابن نايش
ولا هنت وصح لسانك
وعسى عمرك طويل

صح بدنك وشكرا لك ولمرورك الكريم ونورت الصفحة