|
||||||||||||||||||
اليوم سجيت رجلي
اليوم سجيت رجلي في رقب عالي من الطور=غصبا عن الساق يرقا به ولا هو باختياري بديت رجم طويل ولا بدا به كل مثبور= اللى همومه على قده مهو بالحال داري من مغرب البارح احفيت القدم لا مطلع النور=ساقي ليا أقبل ظلام الليل ضاري بالمساري يا موتر اصبر على جور الطريق ولو به وعور = سوات صبري على وقتي ولا اعلنت الطواري الناس يقلون في مرقا الجبل نفعه ومحظور=وانا رقيته وصادفت المغوضه والعزاري يا رجم ما أبغى تلوم عيون منها الدمع منثور=ما جيت في رأسك الا ودي اجهش بالعباري والرأس مشغول فكره كن فيه يدق بابور=يا رجم ذا اليوم حاسب ما قدرت أملك قراري لا تلوم حي بداك وما بقى به ذرة شعور= تقول في صدره المليان طعنات الشباري يا خالد الوقت شان وصفت الأحداث بالدور=والحق ضايع وسعى الناس من شان المصاري يا خالد احذر طريق اللي ما غير يلف و يدور=اللي لبس من لباس الذل واما العز عاري واحفظ مراجلك يا رجال تغبن كل مسعور=واحفظ كرامتك لا يفرح بها بايع وشاري من لا معه مال نسيوه العرب ما يفتل الشور=ويحس كنه يهبيه الحصى ويا الشجاري ولا تزرع البور ما به فايدة بزراعة البور=خسران من هو فلح فيها وجاب الحب ذاري وعز الرجال العوارف واحتزم في كل منعور=والكفو حطه على يمناك والهافي يساري وأخذ الدليل ان بلاك الوقت واقنع ما أنت معذور=يبا يحدونك العراف لدروبه جباري واذكر فعايل رجال باقيه لا نفخت الصور=يوم ان كلٍ تعشيه أم حبه والسواري جدانك اللي لها تاريخ ولها فعل مخبور=اللي على سكة الأمجاد محفين السماري
التعديل الأخير تم بواسطة السلطان ; 14 Jun 2020 الساعة 11:42 AM
|
13 Jun 2020, 09:57 PM | [ 2 ] | ||||||||
مؤسس شبكة الشدادين
|
رد: اليوم سجيت رجلي
الله الله يا أبو فيصل شاعر كبير ومبدع ومميز والله يحييك تحية السيل ويا هلا بك وبمشاركتك الطيبة ولا هنت يا بعدي وصح لسانك ملايين |
||||||||
|
|||||||||
13 Jun 2020, 10:25 PM | [ 3 ] | ||||||||
مراقب عام
|
رد: اليوم سجيت رجلي
صح لسانك أبو فيصل شاعر مبدع جزل لاهنت |
||||||||
|
|||||||||
13 Jun 2020, 11:21 PM | [ 4 ] | ||||||||
عضو متميز
|
رد: اليوم سجيت رجلي
صح منطوقك و لاهنت على هالقصيدة |
||||||||
|
|||||||||
14 Jun 2020, 04:48 AM | [ 5 ] | |||||||
|
رد: اليوم سجيت رجلي
صح لسانك يا حمد وبيض الله وجهك |
|||||||
|
||||||||
15 Jun 2020, 03:31 AM | [ 6 ] | |||||||
عضو جديد
|
رد: اليوم سجيت رجلي
يوم كله تعشيه ام حبه والسواري... ي سلام صح لسانك_ |
|||||||
|
||||||||
15 Jun 2020, 07:39 AM | [ 7 ] | ||||||||
مراقب عام
|
رد: اليوم سجيت رجلي
صح بوحك وجزالة الابيات مبدع بقلمك وعطاء لايكل ولايمل استمر ولك كل شئ طيب ياعواااف |
||||||||
|
|||||||||
16 Jun 2020, 10:15 PM | [ 8 ] | |||||||
عضوة متميزة
|
رد: اليوم سجيت رجلي
صح لسانك أخوي الشاعر حمد المحياني والله يعطيك العافية على هذه القصيدة |
|||||||
|
||||||||
18 Jun 2020, 09:39 PM | [ 9 ] | |||||||
عضو جديد
|
رد: اليوم سجيت رجلي
صح بوحك وسلم منطوقك أخي حمد قصيدة معبرة وجميلة وراقية |
|||||||
|
||||||||
19 Jun 2020, 01:10 PM | [ 10 ] | |||||||
عضو جديد
|
رد: اليوم سجيت رجلي
صح لسانك يا حمد المحياني جزالة وما فيك حيلة ولا هنت |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|