يابوي

بسمه عقب فرقاك ماجا عينه نوم=الهم في صدره بنى له مدينه
يابوي عقبك ماني مرتاحه لو يوم=يا لله ترحم من فقد والدينه
يابوي ليتك ساعتن يمي تقوم=وشوف وجهك في مواري السكينه
يمه تحلي بالصبر مايجي لوم=هذاك يومن ان كتب في جبينه
ياجعل من لامك يجيه البلى دوم=وتضيق به كل الحياة وتهينه
سميتني بسمه قبل يومك الشوم=واليوم سموني بدمعه حزينه
يزيد همي كل ماشفت انا اهدوم=فيها بقايا ريحتك حافظينه
يارب شيل الهم من صدر مهموم=كما يشيل الموج حمل السفينه
وياسامعين القاف ماريد ملزوم=غير الدعا للوالد الله يعينـــــه
وصلاة ربي عد مالتمت غيـــوم=على نبيٍ سنته تابعينـــــــه

الله يرحمه ويغمد روحه الجنة يا بسمة

الموت حق وطريق كلنا به سائرون

سميتني بسمه قبل يومك الشوم=واليوم سموني بدمعه حزينه

لا هنتي أختي بسمة وصح لسانك

بداية قوية جداً ينقصها فقط القليل من الوزن

صح لسانك اختي بسمه وجميل ما قرأت

الله يعطيك العافيه على القصيده الرائعه و يرحم والدك ويغفر له

أخواني


اشكركم على هذه الكلمات الجميله
والتي اعتز بها وهي فخر لي
واشكركم على مروركم بهذه الموضوع وتسجيلكم عليه
مشاركتكم التي اعتز بها وهي شرف كبير لي

ادامكم الله لنا

بسمة

الله .. الله .. يابسمه

ذكرتيني هذه الابيات

مرحوم ياوحد (ن) بالحلم لاقيته= اللي عن العين غايب له زمانيني
واجهت في مرقدي الغالي وحييته= وجاني على عادته يضحك نظر عيني
فزيت من مرقدي عجل (ن) وظميته= وهلت دموعي على خدي تواسيني

والقصيده طويله يابسمه

مشكوره يابسمه وصح لسانك رااائعه القصيده

ورحم الله والديك

راس العرب

يسعدني ويشرفني حضورك وتواجدك بين حروفي

لك مني كل تقدير واحترام

بسمة

عبدالله

يسعدني ويشرفني حضورك وتواجدك بين حروفي

لك مني كل تقدير واحترام

بسمة

السلام عليكم ورحمة الله وبركاته



شهادتي في كلماتك مجروحه


رغم ما تحمله الكلمات من مأساه وحزن, لكني اعتبرها متنفس رحب استطعتي من خلاله تنقليلنا شعورك.


الله يرحم والدكم ويغمد روحه الجنه ويلهمكم الصبر والسلوان


اللهم آمين

الله يرحم اموات المسلمين اجمعين

تحياتي النقيه لك












.