قصة ( حب ) نهايتها مؤلمة

		المشاركة الأصلية بواسطة : السلطان اقتباس
	الله دخيلك من الحظ الردي عاد بعض الناس الله لا يبلانا حظهم متنكس من وين ما راحوا ألف شكر لك أيها المبدع القدير يا مشرفنا المتألق دائماً

أي والله

الله دخيلك من الحظ الردي ههههههههههه

بتشوف النهاية ياسلطان وبتقول الله دخيلك من الحظ الردي من جد

اخوي السلطان

مشكووور على كلماتك وعلى متابعتك

يعطيك الف عافيه

هي معجبتني وانت مزينها يا أخوك

غريبووووووووو الفاصل الاعلاني وخلص نبي نسمع النهايه هههههههههه
بالانتظار.....................

		المشاركة الأصلية بواسطة : بنـــ ( H )ــدر اقتباس
	هي معجبتني وانت مزينها يا أخوك

الله يزين أيامك ولياليك

شكراً على المتابعه

		المشاركة الأصلية بواسطة : نور الهدى اقتباس
	غريبووووووووو الفاصل الاعلاني وخلص نبي نسمع النهايه هههههههههه بالانتظار.....................

طيب لا تدفين ههههههههههههه

ابشري

ويعطيك العافيه على المتابعة

فرحت الفتاة لحسن تجاوب سعود و من جهه اخرى اخونا بالله سعود امه تبقس بالباب تبيه يفتح

سعود:يمه وخري عن الباب ولا ترا منب طالع
ام سعود:انت رجال؟ افتح الباب ..
سعود:صدقيني موب فاتح الباب
ام سعود:شوف بعد من الواحد لين 3 لو ما فتحت
سعود:طيب وخري والللللله لاطلع
ام سعود:طيب وخرت اطلع
سعود:يلعنننننن ام النصب انا اشوف رجولك هاللي شكبرها تحت الباب بكيفك منب طالع
ام سعود:يالسمرمدي هالمره بروح بس انتظر تخلص من الحمام علي الطلاق لاطرحك هينا
سعود:موب عاقلة خخخخ اجل علي الطلاق .. اصلا اصلا ابوي متى ما يبي يطلقك يطلقك يعني موب بكيفك
ام سعود:هاه.. لا ابوك ما يسويها
سعود:انا بقوله الكلام اللي صار و يصير خير ان شالله
ام سعود:تقوله اني قلت علي الطلاق؟
سعود: يس
ام سعود:افا سعود كذا تهون عليك امك
سعود:ولا عليك امر البخشيش ولا ترا قسمن اقول لبوي
ام سعود:وجع كم تبي
سعود:اممم اللي يجي منك ما نقول لا
....
انقضت يومين على تلك السالفة وبعدها اتصلت اختنا بالله على سعود

البنت:مساء الخير
سعود:هلا
البنت:كيفك؟
سعود:زفت
البنت:لييش؟
سعود:كذا مزاج
البنت:اممم اوكي طيب وشلون الدراسة معك
سعود:تراك قلق تدرين ولالا
البنت:انت ليش كذا تكلمني شسويتلك انا؟
سعود:انتي مييين اصلا؟
البنت:سعود الله يخليك افهمني
سعود:وش اللي احبك يا بنت الناس وين قاعدين
بكت البنت بشدة و اصبحت تناشق و هي خلقة مزكمه يعني الامور صعبة عندها سحبت منديل من
الطاوله المجاوره و انبعث صوت حاد نتيجه ذاك المنديل (حامت كبدي خخخ) يوم خلصت
البنت:سعود انا احبك ما تعرف وشو يعني احبك
سعود:انتي تبكين؟
البنت:أي ليش؟
سعود:لا الله يخليك لا تبكين ما تعودت احد يبكي قدامي ترا اصيح معك الحين
البنت:لا عادي انا كل يوم ابكي يعني ما في شي جديد
سعود:شوفي
البنت:هاه
سعود:انا ماعرف حركات حب ما حب جد اكلمك ما قد جربت هالشي صح انا احس اني ارتحت لك
وانك الشخص الوحيد اللي معطيني من وقته بس صدقيني ماقدر ابادلك الشعور اللي تحسينه
البنت:كيف محد معطيك من وقته
سعود:من ونا صغير محد يكلمني و يعطيني من قلبه شوي حتى امي و ابوي يعاملوني معامله سواويق
البنت:ياعمري
سعود:حتى حمود ما يحبني
البنت:مين حمود
سعود:ولد خالتي
البنت:طيب ليش كل ذا (حست انها طاحت على واحد دلخ لول قلبها ناغزها)
سعود:حظي الردي
البنت:اها طيب شوف سعود انا زي اختك أي شي تحتاجه قلي لا يردك الا لسانك و كل اللي بقلبك قله
لا تخلي شي ابد
سعود:والله
البنت:أي يا سعود انا احبك
سعود:حتى انا
البنت:وشو حتى انا
سعود:حتى انا زيك احبك بعد
البنت:والله
سعود:قسمن بالله
البنت:يا فرحتي
سعود:طيب وشسمك ترا ما عرف عنك شي
البنت:مشاعل
سعود:مين سماك
مشاعل:والله ما بعد سألت امي
سعود:اها
مشاعل:وانت مين سماك
سعود:مدري امي تقولي انهم مسميني على جدت ابوي
مشاعل:كيف جدة ابوك اسمها سعود
سعود:أي انا سالت امي نفس السؤال قالتلي موب شغلك قلتلها طيب
مشاعل:طيب انت باي صف
سعود:ثالث ثانوي وانتي
مشاعل:اول ثانوي
سعود:اها الله يوفق
مشاعل:و يوفق الجميع ان شالله
سعود:اقول مشاعل انا الحين لازم اسكر اشوفك بعدين اوكي
مشاعل:اوكي متى ادق عليك
سعود:بعد الساعه 11 علشان يصيرون امي و ابوي نايمين و ترا معلش جوالي عايلي ماقدر ادق عليك
مشاعل:اوكي لا تشيل هم اكلمك بكره
سعود:اوكي فمان الله
مشاعل:باي



لم تعد تلك الليله في نظر مشاعل كسائر الليالي انتثر في مشاعرها شعور البهجه و الفرحه فاصبح سعود
الشي الوحيد اللذي تفكر فيه طوال ليلها فقد كان سعود ذلك الشاب اللذي يكسر الخاطر واللذي تكتسيه
الطيبة و الحنيه اعجبت بشفافية اخلاقه و قلبه الرقيق الابيض شخصيته المسالمة عيشته البسيطه
القناعه و اشياء كثيره تكتشفها بسعود يوما عن يوم
اصبحت مشاعل تكلمه بشكل يومي حتى انها لا تطيق فراقه ليوم واحد و اليوم اللذي ياخذ ابوه جواله
كعقاب تقعد تصيح مشاعل (احس ان مشاعل بمستودعهم كراتين فاين لوول يلعن ام الصياح
اللي تعرفه) و استمرت علاقتهم ترما كاملا وهم على حالتهم تلك حتى تجرأت مشاعل بقولها لسعود

نشوف بكره وشو الشي اللي تجرأت وطلبته من سعود ؟؟

يعني بناخذ فاصل اعلاني كمان
اوكي يغريبووووووو ننطر ونشوف
تحياتي

والله يا غريب إن هذه القصة غريبة

ذكرتني بقول الشاعر :

كلما دقيت في الأرض وتد
من رداة الحظ وافتني حصاة



لا هنت يا مشرفنا العزيز

مشاعل:حبيبي سعود ابي اقولك شي
سعود:تدللي يا عيون سعود (اخس طلع اسلوب الولد ما امدا خخخخ)
مشاعل:تسلم عيونك يا روحي .. امممم ودي اشوفك
سعود:تشوفيني
مشاعل:اييييه
سعود:كيف
مشاعل:وش اللي كيف عادي كيف الناس تشوف بعضها بلا غباء سعووووود
سعود:انا فاهم بس اخاف
مشاعل:العن بو دارك انا اللي مفروض اخاف
سعود:يا دوبه انا اخاف من ابوي ولا امي لو يدرون يحطوني بدار الايتام هم يدورون فيني الزلة
مشاعل:ما عليك كيف بيدرون
سعود:مدري بس صعبة
مشاعل:سعود لازم اشوفك ابي اعرف كيف شكلك
سعود:طيب خليني افكر وارد لك
مشاعل:لا ابيك توافق الحين
سعود:طيب وين تبين تشوفيني
مشاعل:أي مكان
سعود:مدري انتي اختاري
مشاعل:امممم شرايك بالفيصليه اوالمملكة
سعود:لا مابي مكان عام اخاف احد يشوفني يعرفني
مشاعل:طيب انت اختار
سعود:شرايك اجي مدرستك بعد الدوام
مشاعل:صاحي انت
سعود:لا منب مسوي شي بس بوقف وانتي ناظريني وروحي
مشاعل: اوكي انت خلك واقف عند زاويه المدرسه وانا بمر جمبك بس ماراح تعرفني
سعود:طيب خلاص بكرة بتلقيني انا و السواق بكامري بوكس
مشاعل:الله يفشلك انت وكامريتكم
سعود:حرام عليك والله سيارتنا قويه
ابوي يقول دورتلكم احسن سياره يابانيه (مشكله الابهات اذا ما لقوا اللي يوقف بوجههم لما ينصبون ههههههههه )
مشاعل:سلملي على ابوك خلاص اشوفك بكره باي
سعود:باي

....

جا بكرة وحان وقت خروج الطالبات وسعود مرتز بالزاويه طاق القلابي ومرسم كوبرا بشماغ بدون عقال
طلعوا وفود البنات وكلهم اسود باسود وياكثرهم اللي مروا جمبه يبي يشك بوحده فيهم ما امداه كلهم
يشبهون بعض شوي ويدق جواله

مشاعل:يا ملححححححححححححك تههههبل ياسعود
سعود:وينك انتي
مشاعل:من جدك انت بقولك مين انا
سعود:والله ما اناظرك بس قوليلي وينك
مشاعل:اجل وشوله تبي تعرف ويني دامك ماتبي تناظرني يا غباااااااءك
سعود:يالللله عاد
مشاعل:خلاص انا رحت
سعود:تكذبين
مشاعل:ايوالله
سعود:طيب يالله بروح البيت باي
مشاعل:باي


كبر المووضوع وصارت المقابلات بشكل متكرر لين شكت الهيئه بأمر سعود مسكوه ورموه بالجمس

الهيئه:لماذا تأتي الى هنا ياهذا ؟
بدأ سعود يرافس ويقاوم الهيئه
الهيئة :مادهاك (يسمع بالفصحى اخونا بالله خخخخخخخخ)
سعود:وربي ما دهاني شي بس احتري اختي تطلع
الهيئه:تتوقف كل يوم هينا ولا يركب معك احد
سعود:شوف انا لقد انني وقفت كل يوم بس اختي دايم تدق علي اخر شي تقول انا جايه مع سواقنا الثاني عرفت كيف(ياناس الولد يعرف يصرررررف خخخخ)
الهيئه:تستهبل انت وراسك
سعود حس انه في مأزق وانه سوف يتصفق شر تصفيقه اراد ان يعترف بكل شي وحينما هم بالحديث
واذا بفتاة ذات قوام ممشوق وايدي بيضاء كالثلج ذات صوت رقيق دافئ نفس الصوت الذي يغرد على مسمع سعود كل ليلة تقول ممسكة يده

الفتاة:سعوود ليش تاخرت علي
سعود:انتي مين
الفتاة:انا اختك وجع
سعود:طيب اتحداك وشسمك (خخخخ يقاله بيحجرها)
الفتاة:تعال اقولك باذنك وشسمي
قرب اذنه سعود و همست له
الفتاة:انا مشاعل اصصصصص ياويلك تقول شي قل ذي اختي وتعال معي
سعود فق ام ام خشته مهوب مصدق اخر شي يتوقعه ان ذي تطلع مشاعل تفاجأ وتكاسلت جميع
اطرافه مفجوع وسلهم عيونه في طول مشاعل متخيلا اياها وهي تكلمه على الموبايل والصمت قد ملأ
شفاته مذهولا مرت لحظات فبلع ريقه اللذي تساقط البعض منه ونطق:
سعود:أي صح ذي اختي وش بلا امك تقول ماعندك اخت هينا ولا شي
الهيئه:هداك الله يا فتى اذهب مع اختك الله يصلحك
سعود:طيب يالله سي يو باي
الهيئه:سي يو تو (من عندي هذي خخخخخ)
سعود:ذا بابكم كيف ينفتح
الهيئه:خربان طب مع الدريشه
سعود:تيب

و طب على خشمه وقام ينفض التراب من مناخيره وفز وهو يناظر باخته قصدي
مشاعل ولعل سعبولتن تارجحت على برطمه وبحركة مخادعه برطمية التقطها قبل ان تسقط لتصطدم في سقف فمه
(مضاربه موب سعبوله خخخخخخخخ )

سعود:الحين انتي مشاعل اللي اكلمها
مشاعل:لا امها
سعود:لا والله جد بالله كلميني اتاكد
مشاعل:من زمان ماحد صفقك على دمجتك اخلص وين سيارتكم الهيئه تناظر تحترينا نركب
سعود:بتركبين معي
مشاعل:خلاص تبي تاخذ القيلوله عند الهيئه ترا موب فاضيتن لامك انا اخلص علي
سعود:لا كل شي ولا القيلوله (صفقني لو يعرف وشو قيلوله خخخ )
مشاعل:اسمع اركب وانا بركب ورا وقل لسواقكم يوديني لسيارتنا
سعود:طيب وان قال من ذي
مشاعل:انت شكلك ودك بالقيلوله
سعود:لا خلاص

فتح الباب سعود يريد ان يمتطي السيارة ..

فخر الدين:ايس في سعود
سعود:هاه أي هذي ... لكن قسمن بالله عندهم شغالة شقققققققق
فخر الدين:سعود انتا جنجال كبيرة
سعود:قسمن بالله فخر الدين لاخليك تكلمها بس لا تعلم ابوي
فخر الدين:ايس اسم هوا
سعود:مشاعل
مشاعل:يا لوح يقصد شغالتنا (خاشة جو خخخخ)
سعود:وانا شدراني باسم شغالتكم
مشاعل:قله يوقفني هينا
سعود:نخرورتي يؤ قصدي فخرورتي(دلع يقاله) وقف هينا يا بعد تسبدي ياشيخ انت بس لا تعلم ابوي وتطلع كذا
مشاعل :بكلمك بالليل اليوم ان قفلت جوالك بحوسك
سعود:طيب لا تنافخين وجع

رجع سعود بيتهم وهو مو مصدق بهاللي صار اليوم وده كل يوم تمسكه الهيئه علشان تجي فارسة
احلامه تنقذه (عكس ابو ام الآيه خخخخخخ) طول اليوم وهو سرحان الين دقت عليه مشاعل

مشاعل:هلا بالغالي
سعود:هلا والله مشاعل كيفك
مشاعل:انا بخير وانت
سعود:انا والله من يوم تركتك لين الحين وانا افكر بك
مشاعل:الللللله وش الطاري
سعود:موب مصدق انك انتي اللي مسكتي يدي اليوم كل اللي اقدر اقوله انعن يومك على ذا الحلا
مشاعل:والله تبي الصدق ياسعود انا كنت خايفه اول شي بس حسيت انك تبيني اساعدك وما تهون
علي وانت تركب الجمس وتصير مشاكل
سعود:يابعد عمري مشاعل انا من جد احسك شي بحياتي ماقدر اخليه لو ايش انا حسيت معك اني اعيش ومتهني صرت اعرف اشياء كثيرة بالحياه
مشاعل :اكثر اخاف يجي يوم ونفترق وتندم كثير
سعود:صدقيني ماراح يجي ذا اليوم مشاعل انا ماقدر اتخيل حياتي بدونك
مشاعل:بكيفك

اقتربت ايام الاختبارات النهائيه وقررت مشاعل ان تترك سعود لحين انتهاء الاختبارات طبعا
ذا القرار موب بلحظه ولا بنص ساعه قعدت كالعاده تصيح وتناشق .. و من جهه اخرى ابو سعود مواعد سعود
لخلص الاختبارات يخلي جواله عمومي خخخخخخخ
المهم وقعد اخونا بالله سعود يكرف ليل نهار اكل الكتب من كثر المذاكره حتى من كثر ما يذاكر جاه امساك
لا تسالوني ليه والله علمي علمكم المهم انتهت الاختبارات ودخل سعود الحمام يتروش خخخخخخخخخ
ما تروش من اول الاختبارات الله يقرف امه خخخخخخ المهم يوم طلع من الحمام وعلى طلعته دقت مشاعل

مشاعل:سعوووووووووووووووووووووووووووووووووووووووووو ود
سعود:حياااااااااااااااااااااااااااااااتي مشاااااااااااااعل يلعن ابو شيطانك وحشتينييييييييييييييي
مشاعل:وانا اكثر يا روح روح روح روحييييييييي والله من جد فقدتك ياخي
سعود:طيب اتحداك اشتقتيلي كثير والالا
مشاعل:والللللللله يا سعود كثيييييييير حييييل يالله استحملت .. انتظر الاختبارات تخلص ساعة بساعة
سعود: هاه كيف اختباراتك عساك حليتي زين
مشاعل:والله انواع الدجة بيني وبينك ماخذ كل عقلي انت وخشمك
سعود:وانا بيني وبينك ماجبت خبرك خخخخخ كله اذاكر
مشاعل:وتقولها بوجهي ياولد اللي منب قايلة
سعود:انا انسان تحتم علي مبادئي بالصراحه المطلقه مهما كانت مؤلمة
مشاعل:ايه صدقتك
سعود:اتحداك تقولين شي بس واحد كذبت فيه عليك
مشاعل:ماادري بس لازم فيه شي تكذب علي فيه

و مازالوا مشاعل وسعود يكملون هذرتهم اللي ما منها سنع خخخ فواتير بالفاضي المهم فك ابو سعود
جوال سعود وخلاه عمومي كما وعده و جت اول فاتوره صفقت الالفين ورجعه عائلي وبعد ما نشب لابوه
وحلوف وايمان انه ما يعدي الخمسميه ريال للفاتوره الواحده رجعه مرتن ثانية وطلعت شهاده سعود
جاب نسبة مهيب شينة 93 خلته يدخل كلية الهندسه ورفع راس امه وابوه ومشاعل (مشاعل قاطه مع ابو وام سعود خخخخ) وِِِيشتري ابو سعود لسعود سياره كورولا خخخخ
(زول) واستمرت من جهه اخرى توطدت علاقته بمشاعل زود لين قضت العطله وبدا اول يوم جامعة
والمكموخ سعود يحسبها مدرسه جايب سندويشته معه والسن توب بالشنطه لين تهزأ كم مره و تعلم وصار رجال


مشاعل:سعود ابي اقولك شي بس بذمتك ما تزعل
سعود:قولي يامشاعل وش عندك
مشاعل:بس اوعدني ما تزعل
سعود:مازعل وشصاير
مشاعل:سعود
سعود:هلا
مشاعل:انا .......؟؟؟؟؟؟؟؟؟؟؟
مشاعل : انا انخطبت من ولد خالي
سعود:قولي والله
مشاعل:ابمزح معك يعني ياسعود

اطبقت شفاه سعود وهو يحتقن القهر والألم في قلبه ويكتم عبرته .. ودمعة تنتظر العين ترمش لكي
تنزل .. تغيرت ملامح وجه سعود فكان هذا الشيئ الذي لم يحسب له حساب حان الوقت لكي يؤمن بأن يلوح كفه ليودع ايام السعاده الباقيه
لكل شي بدايه ونهايه فلا شيئ يدوم .. كم أنت مسكين ياسعود .. مشاعل لم تكن
الشيئ الذي يعشقها لكنها كانت الانسانه التي دلته للطريق الصحيح في حياته واوضحت له اشياء لا يفقهها كان يحبها
بمعنى الحب والتقدير كانت مشاعل تحيط سعود بالحنان والدفئ وكانت تتفنن بامتصاص حزنه كانت بمثابة الأم لسعود .. حان لسعود ان يلوح كفه ليودع ايام السعاده .. مرت ذكريات حبه كلها بلحظات .. قاطعته .. مشاعل باكية بدموع حارة وبشعور يلتهب

مشاعل:سعود ساعدني انا مابيه بس شسوي امي وابوي ماقدر احرجهم مع خالي بس صدقني ما راح اتزوجه لو ايش
سعود:ماتدرين يمكن بيسعدك اكثر مني
مشاعل:سعود لا تقول كذا انا احبك اكثر منه والله العظيم ومابي اتزوجه اصلا لو شيسوون اهلي مابيه ابيك انت وبس

سعود:لا الله يخليك مشاعل اذا كنتي تحبيني وتقدرين شي اسمه سعود تكفين وافقي
مشاعل:سعود انا محتاجتلك ابيك تساعدني لا تصير معهم ضدي
سعود:مشاعل حاولي تفهميني انا معك طريقنا مسدود اخر شي كل واحد فينا بيضيع
مشاعل:انا ابيك سعود ماقدر اتصور اعيش بدونك وانا اللي اذا ما كلمتك يوم احس اني بموت
سعود:تكفين مشاعل علشاني وصدقيني بفرحلك كثييييير

يقول سعود تلك الكلمات وهو يحس بعكسها تكاد تكون كطعنات تمزق قلبه اشلاء احس انه فاق من حلم جميل نهايته مبكية

مشاعل:اكرهك
اقفلت مشاعل السماعه بوجه سعود ومازال سعود يحتقن تلك الالام و شفتاه ترتعش وكل اطرافه
ترتجف وفي لحظات استجمع ما تبقى من قواه واتصل بمشاعل ولم ترد ورجع اتصل مره اخرى واخرى
الى ان ردت وصوتها المبحوح الحزين الغارق بالبكاء

مشاعل:نعم
سعود:بقولك شي
مشاعل:وشتبي
سعود:مشاعل بجي اخطبك شرايك
مشاعل:نعم
سعود:مشاعل شوفي انا مابعد قلت لامي وداري انها بتقول لا بس بحاول معها يمكن توافق
مشاعل:سعود انت من جدك
سعود:أي مشاعل من جدي انا مو مستعد اعيش طول عمري اتعذب
مشاعل:طيب بكيفك
سعود:حاولي تماطلين بالخطبه لين اشوفلي حل اوكي
مشاعل:بسرعه سعود الله يخليك ترا كلن يسالني اذا وافقت وإلالا
سعود:اوكي من عيوني بس انتي ساعديني بعد ماقدر اسوي كل شي لحالي
مشاعل:انت قلي شسوي وانا ابسوي
سعود:اوكي يالله تصبحين على خير باي
مشاعل:باي

نهض سعود من سريره والظلام يتبعثر في غرفته واخذ يمشي ويرجع على نفس خطواته محاولا
ان يجد طريقة ليفاتح امه بالموضوع فلم يجد أي جدوى من تفكيره فاخذ قراره بان يفاتحها بموضوع الزواج وانه قد حصل الفتاة التي طالما ارادها وحلم بها وان يضعها امام الامر والواقع
ذهب الى فراشه ونام واصبح على اشعه الشمس المنبعث من نافذه الغرفه نهض من فراشه متجها
الى المطبخ حيث امه تقوم بتجهيز الفطور

هل توافق أمه أم ترفض؟؟
غداً نعرف ..

ههههههههههههههههههههههههههههههههه

هههههههههههههههههههه

يا حليله الولد ههههههههههههههههههه

قلبت براسه زواج عاد كوم والهيئه معه كوم ثاني ههههههههههههههه

يعطيك العافيه يا غريب تذكرني بعمو مشقاااااص ههههههههههههههههههههههه


غدا نلتقى هههههههههههه

<<<< متابع تفقعت عيونه