بأنام يا تنهيدة الصدر تكفين .. فكي ازارير التعب وارحميني

ياويل قلبي كـل مااشتقـت لقيـاه=وشلـون ماتشتـاق عينـي لعينـه


أنا أدري إني حيل أحبـه وأهـوا=وأنا أدري إن القلب صار بيدينـه



أموت أنا به فـي غيابـه وأحيـاه=وشلون أجل لو صافحتنـي يمينـه



حاولت أنا اكتم عبرتي يوم فرقـاه=وألملم جـروح الزمـان الطعينـه



واعطيه من قلب المعنّـى معانـاه=وآخذ من جروحه ولو هي دفينـه



وأضيع به في زحمة الناس وأنساه=وأنسى معه ذكرى السنين وحنينـه



لقيت نفسي كل مـا حـل طريـاه=عروق قلبـي كلهـا تقـول وينـه



يامر على قلبـي ولا شـك ينهـاه=كلي أنا تحـت الإشـارة رهينـة



ما كل من يضحك سعيـد بدنيـاه=وما كل من يبكي دموعه حزينـه



أحدن بكى والكل يدري عن بكـاه=وحدن مع الضحكه تحـس بونينـه



ياشين فرقى الحب وياشيـن بلـواه=والمشكلة دنيا بلا حـب .. شينـه



والزين ما يكمل ولو كان ماحـلاه=إلا حبيـبـي ماتغـيّـر بزيـنـه



ماجيت أسولف عن حلاه ومزايـاه=يكفي أحاسيسي وقلبـي عارفينـه



كن الفضا في غيبته ضاق مسعـاه=وكني غريقٍ ينتظـر لـه سفينـه



شف دنيتي ياصاحبي عقب فرقـاه=مثل الظلام اللي حصـل بالمدينـة



باكتبه أنا في صفحة الشعر واقـره=وباذبحه بزود الغـلا دون سكينـة



وبارسمَه في لوحة الشعر وانعـاه=وبادفنَـه بيـن الضلـوع الحنينـه



بوسط الحشا في داخل الصدر مثواه=إمـا يسـار القلـب وإلا يميـنـه

تسلم يديك يا عسولة
والله يعافيك ويبارك فيك
قصيدة قمة في المشاعر والأحاسيس

لقـيـت نفـسـي كــل مــا حــل طـريــاه

عـــروق قـلـبــي كـلـهــا تــقــول ويــنــه

من جد قصيده جميله

تسلمين يالغلاا

من هالإبداع إلى تميز

سلطان
مزاجية
شكرا لمروركم العطر

مـا كــل مــن يضـحـك سعـيـد بدنـيـاه

ومـا كـل مــن يبـكـي دمـوعـه حزيـنـه

أحدن بكى والكـل يـدري عـن بكـاه

وحـدن مــع الضحـكـه تـحـس بونيـنـه

راااائع هذا البيت لانه صدق مو كل من ضحك صاير بهالدنيا سعيد ومرتاااح ..


عسوله رااااائعه القصيده والأروع جهودك



يعطيك العافيه ..

شغب أسعدني مرورك عزيزتي شكرا لك

صح لسان الشاعر
الله يعطيك العافية ياعسولة

هــــــــــــــــــلا رعد شكرا لمرورك

متألقه كالعاده ياعسوله وذوقك حلو في اختيار القصيد

هلا دخيل وشكرا على تواصلك...............