آخر 10 مشاركات |
مختارات | قال تعالى : { وَأُخْرَى تُحِبُّونَهَا نَصْرٌ مِّنَ اللَّهِ وَفَتْحٌ قَرِيبٌ وَبَشِّرِ الْمُؤْمِنِينَ } |
09 Jun 2010, 03:15 PM | [ 11 ] | ||||||||
عضو مرشح للإشراف
|
مثل ما قلت لكم المشاريع و التفاكير كثيرة و يكثر تواجده في فصل الاختبارات لذلك بسدح لكم بعض اللي فكرت فيه و أنا أذاكر .. أنا أفكر بالإجازة أكون شخص كلاسيكي .. يعني أصحى الصباح الساعة 9 و أسوي لي كوب قهوة و أقرأ جرايد ثم أرجع أنام . و برضو أفكر أقوي علاقتي مع قرابتي من خلال صلة الرحم و حضور جميع المناسبات الخاصة و العامة . و اول ناس أقوي علاقتي معهم هم أخواني و أخواتي .. لأني خلال السنوات الخمس الماضية من بدأت الدراسة الجامعية صرت بعيد عنهم أما بظروف السكن بعيد عنهم و بظروف الانشغال بالمذاكرة . أنا صراحة عطيتهم خبر إني راح أتقرب منهم اكثر بالإجازة و راح أكون علاقات معهم أكثر فكان جوابهم لي ( لا .. تكفى فكنا منك خخخخخخخخخخخخ ) .. لكن ما عليه راح أتجاوز هذه العبارة وراح أبني روابط قوية معهم . برضو أفكر اني أصير شخص ( خيال .. يعني شخص فارس ) يعني ودي أتعلم ركوب الخيل ( عشان أكون حلم أي فتاة هههههههههههههه ) .. لكن المشكلة في هالمشروع ما عندنا بالخرج أسطبلات خيل أصيلة .. كلها خيول جربانة يالله تمشي . هذي كل اللي عندي .. و إذا جاء برأسي شي بسدحه هنا .. لأن يمكن تستفيدون منه . و أنتم يالله شغلوا مخكم و عطونا مشاريع سهله و جديدة |
||||||||
|
|||||||||
09 Jun 2010, 03:59 PM | [ 12 ] | ||||||||
|
اخي عادل كتبت كلام كثير وبكبسة زر طار لكن بختصر اولا راح يكون وقتنا بالمزرعة لانها جديده ومحتاجه تاثيث وترتيب وتنظيف وحوستنا فيها حوسه واكيد لمايكون فيه وقت بنروح للتحفيظ زي السنه الى فاتت والاهم هي سفرتنا الي كل سنه وان شاء الله تكون حلوه وممتعه يارب |
||||||||
|
|||||||||
09 Jun 2010, 06:28 PM | [ 13 ] | ||||||||
مؤسس شبكة الشدادين
|
والله أنا أعتبرها إجازة لي من الحكومة من عناء عمل عام كامل يعني ريّح بالك يا سلطان والإجازة الفعلية أصلاً ما غير شهر شعبان لأننا نعطل يوم زواج واحد من الشباب الله يحفظه ويوافق 3 / 8 / 1431 هـ ورمضان شهر عبادة وراحة روحانية مريحة ومثل ما قال أخوي غالي : ما أحب أتقيد بشيء وبأخليها فوضوية بالنسبة للسفر ما أظن حولي سفر هالسنة لأن ما فيه حجوزات أصلاً.. يقولون إنهم أخذوا كل الطائرات يبغون يرسمون عليها صور ومناظر خلابة عشان تفتح النفوس وعشان كذا ما فيه حجوزات يعني ما كو سفر ولا مسفر بالعادة في الصيف ما نحتاج نروح ولا مكان الطائف مصيفنا الأول والعالم كلهم جايين عندنا والأجواء من أمس جميلة ورائقة والغيوم ما شاء الله تبارك الله وودي أطلع من الآن أشوف الجو لا يفوتني ... طبعاً نومي من بعد الفجر إلى الظهر ويكفيني لليوم الثاني هي المشكلة بس في الزواجات خاصة يوم أضطر أصحى من الساعة 10 الصبح عشان الربع متجمعين وبيروحون للعرس سواء ما أدري كيف تسير الأمور ولا كيف بتصير؟ كل شيء علمه بيد الله سبحانه لكن أدعو الله ان يجعلها إجازة خير على الجميع وأن لا يريهم فيها بأسأ ولا ضراً ولا مكروهاً مشكور يا عادل وودي والله غنك تسير علي في الطائف أنت ومن تحب وتراك معزوم في درة عروس المصائف الله يحييك إيه نسيت أقول : سيكون للمنتدى وقت كبير لدي وسوف نقوم بتغييرات وأفكار جديدة من أجل تطويره وتحسين مظهره واعتماد مقترحات جديدة له |
||||||||
|
|||||||||
09 Jun 2010, 08:06 PM | [ 14 ] | |||||||
عضو متميز
|
اما انا في الاجازه بكمل ترم صيفي في الجامعه وثاني شيء افكر اقنع طلابي يستمرون في حلقة التحفيظ لانهم يقلون مانا جاين نبي نفلها ادعوا عسى الله يقنعهم يستمرون لان الصيفيه اذا ما احد استغلها في فرص الخير ولا تدهور وراح فيها |
|||||||
10 Jun 2010, 09:46 PM | [ 15 ] | ||||||||
عضو مرشح للإشراف
|
يا جعلي ما انحرم من طلتكم .. و الله لا يحرمني من تواجدكم .. خشوف .. أحس مشروعك مثل مشاريع الحريم العجائز ... أهم شي الراحة و القعدة بالبيت و إلا المزرعة و يالله من فضلك ... و إلا إن كان ولا بد يكون رحلة بنهاية شهر 8 لأحد هالمصائف . يعني ا فهم من كلامك إجازتك بتكون نفس كل سنة يعني ما فيه تغيير .. و لا يهمك تعالي سيري على هالموضوع كثير وراح يعجبك مشروع من أحد هالمشاريع و بتجربينه . السلطان .. مشروعك مش بطال .. بس الواحد يقول إذا جت الإجازة بنام وبارتاح .. و تلقاه مع أول أسبوع يطفش .. و بالنسبة للزواجات ناوي أحضرها كلها من باب تقوية العلاقات و الروابط الأخوية << يسمعها بالأخبار . و بالنسبة للمنتدى أكيد بيكون متنفس واسع لنا و ما نتخلى عنه .. بادي الحارثي .. الترم الصيفي يعتبر استثمار طيب بالإجازة ... بس أغلب الناس يحرم نفسه من الإجازة و يأخذ ترم صيفي .. ولما تنتهي الإجازة و تبدأ الدراسة الأصليه تلقاه أما يحذف ترم أو ينحرم من ماده لأنه بيكون طفش من الدراسة المتواصلة خلال الصيف وغيره .. فأنا اللي أشوفه الواحد إذا جت الإجازة يفلها و إذا جت الدراسة يشد حيله و الدراسة بالصيف ما راح تفرق واجد في التخرج و لو يشد حيله وسط السنة ما يحتاج يدرس المادة بالصيف . |
||||||||
10 Jun 2010, 09:51 PM | [ 16 ] | ||||||||
عضو مرشح للإشراف
|
بالثلاث السنوات الأخيرة كنت أول شهر من الإجازة استغلها بالمركز الصيفي التابع لإدارة التعليم بأحد مدارس الحي .. لكن بيني و بينكم طفشت من إزعاج البزران و البرامج اللي بالمركز تكون نفس كل عام لذلك قررت السنة ما أشارك معهم . و أنا قاعد أحفر بموضوع صعب بالكتاب جتني فكرة حلوة .. ألا وهي إني أتعلم لعبة البولينج . لأن جامعتنا كل سنة تسوي بطولة بهذه اللعبة ولا عمري شاركت فيها << أقول بنفسي إنها لعبة الحضران لكن بأدرس موضوع تعلم اللعبة بجد وراح أخرج بالتوصيات اللازمة مع بداية اللعبة . |
||||||||
11 Jun 2010, 06:11 PM | [ 17 ] | ||||||||
عضوة متميزة
|
^ ^ ماشاء الله ماشاءالله تخططون أيه بقولكم أنا وش بسوي عاد اذا أعجبتكم مشاريعي طبقوها واذا ماعجبتكم عاد الشكوى لله >> لايكثر بس كل مره في وقت الاختبارات النهائية أقول: إذا جت الإجازة إن شاء الله باسوي كذا وباسوي هذاك وتجي الإجازة وتروح بدون ما أسوي شي يُذكر انا من النوع اللي ما اعرف انظم ابد صحيح أحط خطط والنتيجة اني انضغط في اخر لحظة واكره نفسي بس الصدق اني احيانا انبسط من نظامي البايخ ذا .. بأختصار تنظيم الوقت = آفتي السنوية احب اعطي نفسي رااحه تامه من كل شي بعد ماانفذ اي شي كنت مخططه له كنوع من المكآفأه لنفسي .. المهم .. أنا كل أجازه أمسك كل الروايات وكل القصص الانجليزيه وأبدأ أقرأ كل كتاب جزئيه بسيطه وهكذا .. اللي قررت عليه الى الان انا ودي احسن لغتي الانجليزيه فمرات اقرى رواية بالانجليزي ولا اشوف فلم بدون ماحط الترجمه عليه ولا ادخل بعض المواقع التعليميه.. هذا اللي يحضرني اللحين اذا جاء ببالي شئ أبحطه هنا شكرا عادل موضوع هادف .. |
||||||||
12 Jun 2010, 07:51 PM | [ 18 ] | ||||||||
عضو مرشح للإشراف
|
هلابك شغب أنثي أنت و مشاريعك الخونفشارية .. صراحة تعلم اللغة من خلال قراءة الروايات الانجليزية أو متابعة الأفلام يعتبر مشروع ممتاز و ناجح لو تم تطبيقه . بس يبيلك برضو تفكرين في مشاريع ثانية حتى لو تعتقدين أنك ما راح تطبيقينها بس من باب محاولة تغيير الروتين بالاجازة . إذا جاء برأسك شي تعالي سيري هنا . |
||||||||
12 Jun 2010, 08:02 PM | [ 19 ] | ||||||||
عضو مرشح للإشراف
|
اليوم كان اختبار الساعة 1 الظهر .. فكنت صاحي من الفجر أراجع و خلال هالوقت جاني مشروعين لؤؤؤطه . خلاص أنا قررت ما أتعلم بولينج .. لأن ما فيه صالات بولينج بالخرج و برضو يمكن تكلف ماديا كثير . لذلك طرأ ببالي أن تعلم الفروسية أو رالي السيارات . و تلقوني أنافس عبدالله بن متعب بالفروسية و أصير أنا وإياه أخوياء و أسحب عليكم . بس المشكلة الله يعيني أدبر قيمة الحصان لو تقسيط منتهي بالتمليك . أو أنافس يزيد الراجحي أو عبدالله باخشب بالراليات . و أحصد جوائز عالمية و أصير مشهور أد الدونياا . و تصيرون تقابلوني بالزواجات أو بالمناسبات و أسوي ما أعرفكم . خخخخخخخخخ و يجيني أبو زايد يقول وقع لي على تلقراف أو يأخذ معي صورة و أكرشه أقول ماني فاضيلك خخخخخ صراحة طفشنا من الهوايات التقليدية .. ودي أتميز بهواااية جديدة وفيه مغامرة أنا من زمان أحس عندي قدرات كامنة ودي أفجرها لكن مشكلتي مدري وش هالموهبة عشان أنميها جربتي نفسي شعر , خواطر . كورة , فوتشوب , رسم . جمع طوابع .. كلها ما ناسبتني .. أحس بالأخير بأقلبها بالإجازة تسلق الجبال خخخخخخخخخ يالله إذا طرى برأسي شي جديد بأجي أكبه هنا سي يا |
||||||||
12 Jun 2010, 09:04 PM | [ 20 ] | ||||||||
مؤسس شبكة الشدادين
|
أخوي عادل إذا تبغى تتعلم فروسية تعال للطائف وأنا أوديك اسطبل على طريق السيل فيه دورات تعليم فروسية بالساعات وعلى يد أمهر المدربين |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|