مرثية في الملك عبدالله

لو بالقصايد كان ننظم فرايد =لعلها ترجع لنا ماضياً كان
ترجع لنا راع الوفا والعوايد=مليكنا راع العطايا والأحسان
عبدالله الظيغم ، وسيع البنايد=ملك ، مربي جيل ، مهيوب ، أنسان
لكن عذراً ياجزيل القصايد=وقف هنا . خل القوافي والأوزان
مانته بمعطينا بنظمك جدايد=مايحتوي سيرة ملك نظم ،،والحان
وبأرقابنا عهد ، وولا ، غير بايد=لأل السعود اللي لهم فالوطن شان
والمعتدي يصلى لهيب الوقايد=الشعب بايع ،، كلنا اليوم سلمان

يا هلا والله بشاعرنا المبدع
أبو سلطان
والله يحييك في منتداك بعد كل هذا الغياب
متمنين والله أن تكون عودة بلا انقطاع وحضور بلا غياب

وفقك الله ورعاك
ورحم الله الملك عبدالله
ولا هنت والله يبيض وجهك على المشاركة
بهذه القصيدة المميزة

ابقاك الله واغلاك ..
يامديرنا الوافي ..
ورغم الابتعاد فأنا معكم قلبا وقالبا
وان شاء الله تزول الظروف
وتكون عودة بلا انقطاع

الف .الف .. شكر

الشاعر حمدسلطان
هلابك ومرحبا
ماشاءالله
صح لسانك
قصيدة جميله
كلمات من ذهب
لله درك
اهلا وسهلابك
وهلابجديدك
وبمشاركتك الرائعه
ونطمع يالمزيد
تقديري واحترامي
تقييمي

الشكر الجزيل لأختي نوره
الف ...شكر

		المشاركة الأصلية بواسطة : حمد سلطان المحياني اقتباس
	لو بالقصايد كان ننظم فرايد لعلها ترجع لنا ماضياً كان ترجع لنا راع الوفا والعوايد مليكنا راع العطايا والأحسان عبدالله الظيغم ، وسيع البنايد ملك ، مربي جيل ، مهيوب ، أنسان لكن عذراً ياجزيل القصايد وقف هنا . خل القوافي والأوزان مانته بمعطينا بنظمك جدايد مايحتوي سيرة ملك نظم ،،والحان وبأرقابنا عهد ، وولا ، غير بايد لأل السعود اللي لهم فالوطن شان والمعتدي يصلى لهيب الوقايد الشعب بايع ،، كلنا اليوم سلمان

ارحب يابو سلطان منور يا الامير وصح لسانك وبيض الله وجهك ابيات جزله ورحم الله ابو عابد وتقبل مروري واحترامي

ارحب ياخوي أحمد
مرورك شرفني .. وتعليقك أسعدني
سلمت يالوافي ،،،،

رحم الله الملك عبدالله
صح لسانك واعتلأ شأنك
لاهنت على القصيدة

الشكر لكي اختي ضياء القمر
ألف شكر

الله يسكنه فسيح جناته
بيض الله وجهك ولاهنت