العود عود وطايحاتٍ سنونه

مـجـمـوع الأوسـمـة · توقيع : شيهانة المرقاب

بدايه القصه عن شايب هواوي ( قلبه خضر ) ما يشوف بنت الا ينفتن ومشهور بانه حبيب
وفيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون
راحت له وردت عليه السلام كيف حالك يا شايب رد السلام والله بخير
وفجأه عطته ظهرها ومشت ولا استإذان ولا شي
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي الي في قبره ويذكر التاريخ واليوم اللي قابلها فيه
يقول الشايب :

يا بنت خوذي خاطري وارحميني=ا تجرحين العود بعيونك السود
غضي نظرك وغطي الوجنتيني=لعل يومٍ جدد الجرح ما يعود
يوم انتهى مع مرمسات السنيني=جتني صواديفه على غير مقصود
باول شهر عشره نهار الثنيني=حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل
ردت عليه ووهزأته تقول
تقول

يا شايب الرحمن وينك وويني=عزي لحالك قدمك الباب مسدود
قلبك عطوف وجاه قلبٍ متيني=والبنت ما تشفق على مغازل العود
حبل الرجا مقطوع بينك وبيني=مثل الغليث اللي رعا قلبه الدود
اقفى شبابك والعرب مقبليني=ا عود ما يرجع من العمر مفقود

حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبيالغزل بعد ما وصل عمره ثمانين سنه

يا بنت صدي بالعيـون الظليلـه=لا صد عنك الله نهـار القيامـه
مالي ومالك يالفـروع الطويلـه=و فيك من رسم البـداوه علامـه
يابنت ما لـي بالثمانيـن حيلـه=هدف كما تهدف على البير قامه
اقفى شبابي والدهر شفـت ميلـه=الله حسـن الخاتمـه والسلامـه
اعطيك موجز والبضاعـه قليلـه=واخذت لك من صافي الماء سنامه

راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب
يقول حمدان :

يا بنت ما جاك الكبـر والخشونـه=وعادت شباب اليوم يجفل من الشيب

ياسرع ما وبلك تمزع مزونه= يالفاتنه يا ام الثمان الرعابيب

الله من عودٍ ثقيله طنونه =ينصاه راع المشكلـه والمواجيـب

على الكرم والدين نفسه حنونه= تلقاه بالاجواد شرق وتغاريب

جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف
تقول البنت :

العود عود وطايحـاتٍ سنونـه=من كثر ما يرقد على جرة الذيب
عودٍ مهرقل والعرب ما يبونـه=ياعود ما لك في طويل المراقيب
اقفى شباب العود راحت حتونـه=مثل اليتيم اللي بكا ما له مجيب
جداه ينثر دمعة ٍ مـن عيونـه=غريق موجٍ ما لقا له مقاضيـب

اتمنى تعجبكم خخخخخخخخخخخ

وبصراحه العود رايح فيها يا حلوه توه يجرب العشق يا تسبدي عنه