ياثواب الحارثي خل عنك البلبله؟؟!!

السلام عليكم ورحمة الله وبركاته

كلكم شعار و الف نعم بكم و متمكنين و لكم جمهوركم

ولكن كل شاعر له اسلوبه الخاص في المحاوره

فبعضهم يبداء بأستفزاز الشاعر المقابل ليربكه وهذا طبيعي

والشاعر مطلق الثبيتي رحمه الله كان يستخدم هذا الأسلوب في بعض محاوراته

ونتمنى لكم التوفيق

قدركم معروف فالمقفيه والمقبله=اشهد انه يابن عمي مثل لمع السراب
بيض الله وجه منهو ضرب لك فرمله=لين غرز موترك فالوحل ماي وتراب

ويش اسوي في قرود الجبل ومهبله = ارجع ارجع للجبل قبل تاكلك الذياب
كل قردن ماله الا يعود لجبله = جنب معسول الشفايف وناقشت الخضاب

محاوره لم تكتمل لظروف لانعلمها ولاكنها الاعنف وكان واضح عليها إسلوب الانفعال

بين الشاعر / حسين الحارثي والشاعر ثواب الحارثي

حسين

ياثـواب الحارثـي خـل عنـك البلبلـه = العرب تدري بخافيـك يالشاعـر ثـواب
من سمعك يقول شاعر وراعـي مرجلـه = وانت تحت الارض والمرجله فوق السحاب

ثواب

ياحسين الحارثي طحت وسـط المحبلـه = كم نصحتك لاتجي بين ضرس وبين ناب
من سمعني مثل شـرواك فجـر قنبلـه = والقنابل ماتجي من عزيزيـن الجنـاب

حسين

مابغيتك تفتح ابواب دونـك مقفلـه= لكن انته قمت تطمر على طاقه وباب
قدرك وتبشربهـا ياثـواب محثلـه= لارحم منهو يدور ويبحث للخـراب

ثواب

ما ندور عندكـم قـدر والهـرج اقبلـه= وانت مثل الزبد لونس حرارة شمس ذاب
لاتقـاوم يـاولـد واليـديـن امكبـلـه = وانت كانك صقر ياحسين من فوقك عقاب

حسين

قدركم معروف فالمقفيـه والمقبلـه= اشهد انه يابن عمي مثل لمع السراب
بيض الله وجه منهو ضرب لك فرمله= لين غرز موترك فالوحل ماي وتراب

ثواب

ويش اسوي في قرود الجبـل ومهبـه = ارجع ارجع للجبل قبل تاكلـك الذيـاب
كـل قـردن مالـه الا يعـود لجبلـه = جنب معسول الشفايف وناقشت الخضاب

الله الله ابدااااااااااااااع في فن المحاوره

وان شاء الله يستمر الشعراء فيها

اشكركم من الاعماق

بيض الله وجه ثواب وحسين

وهلا بهم بيننا أخوان وحبايب والقلوب

صحاح على طول إن شاء الله

وتحية عطرة لمشرفنا المتألق دائماً أبو نايف

الله يعطيك طولة العمر ويعينك في عملك