آخر 10 مشاركات |
مختارات | السماءُ لا تُمطِرُ ذَهباً ولا فِضةً |
|
||||||||||||||||||
تبي الشباب وراس أبو زيد قد شاب.
يا الله يا غافر خطـا كـل مـن تـاب يا من على عرشـه يناجـي خليلـه يا الواحد اللي من ترجـاه مـا خـاب يا صاحب الأسماء والصفات الجليلـه يا وامر الهـادي بتفريـق الأحـزاب يا منزل المـا مـن بخـار المخيلـه يا اللي خلقت آدم من الروح وتـراب يـا مرسـي الأوتـاد فـوق الثقيلـه تغفر الْعبـدٍ مـن خطايـاه منصـاب كيف يتخـارج باللقـى مـن عميلـه ما هو لقى بسيوف وارماح واحـراب احسـاب والمكتـوب صعـب تعديلـه مابه وساطه لا معـارف ولا اقـراب كـلٍ لحالـه والمحاسـب يجـي لـه دام الحياه العبـد مـا يحـس بعقـاب ولا يحط فـي دنيـاه لآخـر رحيلـه وطبع الحيـاه النـاس كـل ٍ بهنـداب وكل ٍ بذاتـه لـه اسلـوب ووسيلـه احد اسلوبـه يوصلـه راس مرقـاب واحدٍ قصر مـن دون راس الطويلـه ولا كامـل إلا المعتلـي رب الأربـاب والنـاس كـل ٍ فيـه عدلـه وميلـه الخيـر لـه ساعـي وللنـار شبـاب وكل ٍ علـى مسعـاه يلقـى حصيلـه للشـعـر نـقـاد وللعلـمiكـتـاب والنـاس كـل ٍ سايـر فـي سبيلـه والعلم نـور وجاهـل العلـم مرتـاب والجهـل ليـل وقلـة العلـم ليـلـه ليل طويل وفيـه نـور القمـر غـاب مظلـم وسـاري ليلتـه مستطيـلـه والعلم بـاب وداخلـه عـدة أبـواب وعلم الأدب والدين سـاس الفضيلـه ويا أهل الأد ب بيت الأدب حف الأنساب لمن جاد ساس بنـاه واثبـت دليلـه واعرب عن الماضي واثبت بالاعـراب والسيل قصه مـن عوالـي مسيلـه وقاده وساقه واثبـت البيـت باطنـاب على عمد من صلب باصـل القبيلـه واثبت خبر ماضي المن هو باصـلاب بيت حجر علـى صخـر مبتنـي لـه ولا مات من أخر من القول ما طـاب يقراه جيـل يـا رثـه عقـب جيلـه دام الشريعـة بالبلـد ظـل واحجـاب فـي ظـل حكـم مـا نـدور بديلـه ما فيه لا احزاب ولا موجـة ارهـاب واهل النفوس الكـوس تبقـى ذليلـه الا ان بالغفـلات صلـب العـرب ذاب والزنـد يمكـن يعتـرف بالفتيـلـه ومن لا انتبه ماله عن ذياب مجنـاب وشلفـا ذيـاب مصممـة للكحيـلـه وعلق بها غاسق وثبـت بهـا نـاب واشتالتـه بيـن الضلـوع الأصيلـه والحبل في وقت الرخـى صايـر داب يقـرص بمثناتـه وراسـه وذيـلـه والبل جنبهـا يفكهـا شـر الأجنـاب ويحضـر الجانـي الخصمـه كفيلـه ولا كل من يرمي الهدف للهدف صاب ياللـي تمنـى ظـل دوحـة ظليلـه تبي الشباب وراس أبو زيد قـد شـاب وما فات مـات وعودتـه مستحيلـه يبقى الغراب غـراب والحـر حطـاب متفاختيـن وكـل نــوع ومثيـلـه والسيف له حدين واذبـاب وانصـاب واليا عطـى المعطـي يعيـي وكيلـه والماص له مفراص واللوح مشـذاب والعنق يقطـع بالسيـوف الصقيلـه ليامن شيخ القوم عن ماقفـه هـاب ادر انهـا راحـت عليهـم سحيـلـه واليا استدل الراس فـي راي الأذنـاب غيـم سمـاه وعرضـوه الفشيـلـه وان صار مـا للحـق بالـوم طـلاب تبقـى الفريضـة عندهـم كالنفيلـه من الخطايا بالرجـل تـرك الأسبـاب واغـذاه دم قـراه بـاردا فصيـلـه ومن لا حسب للمقبله ميـة حسـاب النفـس تامـر سيـدهـا بالرذيـلـه البيـر لـه حفـار والدلـو جــذاب والوقـت ثابـت مـا تغيـر موديلـه اللي تغير مـن لبـس جلـد سنجـاب غـيـر تقالـيـده وقـلـد زميـلـه واللي ليا منـه وصـل حـزم كـلاب مـن ردنـه الميـاح عمـر سبيلـه فهـار بالبتـار عكفـان الأشـنـاب تهـاب عكفـان الشـوارب مقيلـه راعي هلا بالاجنبي مثـل الأصحـاب بنفس على الميسـور ماهـي بخيلـه تحت اسمر مبني على سبعـة أقطـاب ونجـره ينـادي للنشامـى عويـلـه اليوم ينظـر لـه تقـل وسـط دولاب يكـن عبـراتـه ويكـتـم غليـلـه حلّ بمحلّه من احديّـه الـى اغـراب علـى الجميـل يشـاورن iiالحليلـه نـاس مجالسهـا نميمـة ومغتـاب وإلا أربعـة وكـل يشـتـم قبيـلـه قـوم تحيتهـا مـلاعـن و كــذاب متبادليـن السـاذجـات الهزيـلـه ولا اعم كل النـاس والكثـر غـلاب والسالميـن اليـوم نــاس قليـلـه والناس مثل الأرض وديان وهضـاب يافهمـيـن مقـصـدي وتحلـيـلـه
|
26 Jun 2007, 03:21 AM | [ 2 ] | |||||||
عضو متميز
|
الامير بيض الله وجهك دوم على القصيده الجزله صراحه قصيده وحكمه في غايه الروعه تقبل تقديري |
|||||||
|
||||||||
26 Jun 2007, 03:39 AM | [ 3 ] | |||||||
عضو متميز
|
الياسر وجهك أبيض يالذيب ولاعدمناك يابوسعد. |
|||||||
26 Jun 2007, 09:47 AM | [ 4 ] | ||||||||
بنت البادية
|
:؛: روعه كلمات القصيدة .. ابدعت في الاختيار اخوي الامير .. لاهنت عالذائقة الرائعة .. :؛: |
||||||||
|
|||||||||
26 Jun 2007, 02:31 PM | [ 5 ] | |||||||
عضو متميز
|
شموخ تسلمين على هالمرور العطر بارك الله فيك أختي. |
|||||||
26 Jun 2007, 03:15 PM | [ 6 ] | |||||||
نائب المشرف العام
|
صح لسان شاعرها وسلمت يالامير على النقل الجميل كل الود |
|||||||
|
||||||||
26 Jun 2007, 09:08 PM | [ 7 ] | |||||||||||||||||||||||||||
عضو متميز
|
سلم غاليك ولاهنت على مرورك الجميل. |
|||||||||||||||||||||||||||
05 Jul 2007, 11:30 AM | [ 8 ] | ||||||||
عضوة متميزة
|
الله يعطيك العافيه ولاهنت لى القصيده الجميله |
||||||||
|
|||||||||
05 Jul 2007, 04:45 PM | [ 9 ] | |||||||
عضو متميز
|
بسمة الله يعافيك وشكراً لمرورك العطر. |
|||||||
10 Jul 2007, 11:20 AM | [ 10 ] | |||||||
عضو متميز
|
صح لسان شاعرها وسلمت يالامير على النقل الجميل تقبل مروري تحياتي ,,, |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ابن مهرس وراس العرب وسيف الحق | سطام الجياشي | أعلام ورجال | 4 | 26 May 2010 04:47 AM |
(( زين الشباب )) | ابن مهرس | بحور القوافي | 12 | 11 Jun 2007 08:25 AM |
سكر الشباب | أبو نايف | منتدى المرئيات والصوتيات | 13 | 03 Mar 2007 11:25 PM |
احذروا يا مسلمين : كل ما يخص الاحتفال بالكريسماس وراس السنة//// | العالمي الشدادي11 | المنتدى الاسلامي | 10 | 20 Dec 2006 03:01 PM |
|