إنحطاط فئة من مجتمعنا .. نسأل الله لهم الهداية

الى الشعب السعودي المحترم مع التحيه ..

امـــَـَـَـَـَـَــا بعدْ

كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه كاششفه أو فاتشه !!

تطير عيوننا .. نقول وش هذي .. يا ساتر ..

كان يا ما كان <--- كانْ ترا !!

قبل ثلاثة ايامـ تقريبـَـَـا ..

افتح المنتدى واشوف موضوع
... صور لبنات ويتفاخرون انهم سعوديات
http://ar.netlogstatic.com//p/oo/003/198//3198978.jpg

---> السعوديه فخر

بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافين..عالجدار وملقينا ظهورهم..ومرفعين يدينهم [كأنهم معاقبات]. ومنزلين

البنطلون..ونص البتاع طالعه

قله الحيا هذي موُ مقبوله !!
http://ar.netlogstatic.com//p/oo/003/199//3199009.jpg
0 سنوات فتره مو قليله .. !!

كيف وصلنا لهذي الدرجه من فراغ الاخلاق . ؟؟

الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير

عربيه صراحه !!

ويلومننا ليه نكره الدول العربيه .. !!!

رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))

وتصفيييييييييق..!!

لحقونا بعد شوي الشعب الاماراتي والكويتي..

بس السعوديه عادها يمكن 6 مرات..

جلست افكر.. ليه يعني حنا اكثر .. !!

فكرو فيها شوي.. لين يخلص الموضوع بعدين جاوبو ... ؟!

ارجع الحين لصلب الموضوع

ليش صرنا نشوف صور كثيره.. وعناوين الصور ((سعوديات..سعوديات..سعوديات))

لححد متيْ يعنـَـَـَـَـَي .. !!

لو نتفرج عالصور..

نلقى رجول..

http://ar.netlogstatic.com//p/oo/003/199//3199078.jpg
نلقى اساور خضرا<---- يعني ترا حنا سعوديات

والفيس بوك عاد..والهاي فايف.. انواع الصور اللي مدري وش اقول عنها

شفايف..

وٍ

عيون

وٍ

وجهها

على فكره.. اللي تحط صوره وجهها,, محترمه اكثر من اللي ترزز اشياء ثانيه ... !!

يعني عشانكم تتغطون..تروحون تصورون ذا الصور ..!

يعني عشانكم تتغطون..تروحون تصورون ذا الصور ..!

http://ar.netlogstatic.com//p/oo/003/199//3199172.jpg
تمنيتْ اطيح على بروفايل احد

..والقاه حاط اسم كتاب حلو نقراه ..خاطره حلوه من كتابته.. موقف مضحك مر فيه..موقف مؤثر..

او اذا كانت او كان.. يعشق التصوير.. ليه يصور هالاشياء السخيفه..؟؟

اللي ما تدل الا على سخافه تفكيره .. !!

ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها !!

لكـــَـَـَـَـَن عقووٍُل .. !!

ليشْ كل اللي اشوفه..بربسه حكي.. واحيانا قله حيا!!

لا صراحه.. مو احيانا.. غالبا..!

وش هالفضاوه في العقل لدرجه انكم تصورون يدينكم.رجلينكم.. !!

الفضاوه --- ]

اقدر اتقبلها.. او ابلعها..لأن احيانا نسويها حنا انفسنا..

من كثر الفراغ اللي حنا فيه.. او يمكن شكل الصوره حلو..

بس ان الوحده تجي تصور مقفاها.. هي وخوياتها.. وكاشخه بالجي سترينق .. !!!

والمنتديات والقروبات السعوديه تتسابق لنشرها ..

الدال عالخير كفاعله.. والشر كمانْ

بعدين انتي ياللي مصوره انتي وخوياتك

يعني انتي همك الوحيد ما يشوفون وجهك عشان محد يعرفك..

بس مقفاك.. شفايفك.. و* * * *.. عادي يشوفونه!!

لأن المهم عندك الناس.. مو الله !!

http://ar.netlogstatic.com//p/oo/003/199//3199323.jpg
----> صورتك قدام نفسك طيب؟؟ ما تهتز انك سويتي شي حقير ووضيع مثل هالشي ..؟

اصلن اصلن.. كيف صورتو صوره زي كذا.. يعني ما استحيتو من بعض يا بنات ..؟!

عيب يعني..يعني عشانكم بنات مع بعض عادي تورون بعض يعني ..؟!

ولا اقولكم..انا نسيت انكم ناشرين الصور للشباب..فما يهمكم البنات..

يعني صدق شي يضيق الصدر ..

بنات سعوديات مسلمات في مجتمع مثل مجتمعنا يسوون زي كذا..

ودي اعرف امك..وابوك..وش بينظرون لك بعد ذا الصور .. ؟!

يعني حرام..اهلكم ربوكم احسن تربيه..

بس انتم للأسف ما ربيتو انفسكم.. !!

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!

ولا قروب ثاني سعودي برضو..والصور اللي ناشرينها..

ذوليك عاد.. متبرقعات..وبعابياتهم..متكحل- ات..ومسوين حركات غبيه ومصورين..!

طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!
طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه
..
اللي همهم نوم واكل.. وفلوس ياخذها من ابوه ولا امه!

تطورو شوي.. ارتقو شوي..اطلعو بصوره احلى من كذا..

انتم عارفين ان النت اكبر وسيله انتشار..

قبل فتره.. في ام بي سي فور.. تدرون ان في برنامج من برامجها عارض بروفايلات لبنات

سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف و * * * * ومدري وشو.. علقو على هالشي باننا متكمكمين

بعبايتنا عشان كذا نروح عن انفسنا بذا الطريقه..

ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟

انشرو شي حلو,,حاولو تطلعون بشخصياتكم الحقيقيه..

موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..

ليه بس تنشرون الشي الشين؟

انواع المقاطع الشينه تنتشر.. انواع الصور الشينه..

ليه؟ وش استفدت؟؟ غير الذنب والاثم.. انك خليت احد يشوفها..

وانك نشرت شي مو كويس عن المسلمين!

اقولكم شي؟

شفتو كتاب (بنات الرياض) قريته..صراحه كل اللي فيهواقع..اشياء فعلا تصير عندنا..طبعن لفئه

معينه من الناس..

بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول

يدرسونه؟؟ تخيلو .. !!!!

رجاء الصانع ما كانت تبي تنشر غسيل..

كانت تبي تفتح عيون الناس على اخطائهم..
وتصلح هالاخطاء..

يا حلّو الثقافه اللي يتثقفونها بس!

يعني الحين اللي برا..يدرسون الكتاب كنص سعودي ادبي يمثل حياة السعوديين .. كله سلبيات

في سلبيات, ,!,,مثلا احنا الحين ندرس..روبنسون كروزو في الجامعه.. على اساس انه نص

انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!

الكتاب من إلى. . وكل اللي كتبته اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..

ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟

ماتشوفون مجتمعكم كيف!!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن مو الغلط في اللي كتبته رجاء.. لكن الغلط في مخ كل من يقرا الروايه!!

شلون الواحديصلح مجتمعه؟؟

بأنه يكمكم على اغلاطه ولا يحكيها عشان ما ينفضح قدام الاجانب والناس!

بس عادي يدشرون ويخربون وكل شي.. بس ما ينتشر عنهم شي!

ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن

قصدكم سعوددين= ناس طاهرين!!

غلط ! كل دوله بالعالم فيها الصالح والطالح..

البيت الواحد فيه الصالح والطالح..

ما تحبون احد يحكي فيكم ابد.. بالرغم من كل الاغلاط بحياتكم..

قبل فتره سمعت انهم رحلو هشوم الرياض.. الى ديرته الحقيقه (سوريا)

وانه لا يمت للشعب السعودي بصله!

كأن ما عندنا سعوديين من هالجنس!!

http://ar.netlogstatic.com//p/oo/003/199//3199353.jpg
ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟

بقولكم مثال..لوحده اعرفها شخصيا.. قبل ما ينتهي رمضان..

ارسلت مسج لكل اللي تعرفهم..وقالت انهم بيجمعون فلوس هي وبنات خالاتها..

وبيروحون يشترون العاب..وحلويات.. ويرسلونها لجمعيه الايتام..وفعلا جمعو..

ووصل المبلغ لين 22الف.. كله من بنات عشرينيات في العمر..كلهم تحمسو لهالشي..

كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها

للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها

الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت

والملابس,, يعني هالمثال صراحه اوقف واصفق له بحراره..

هذولي هم السعوديات اللي نعرفهم !!

شله شباب..اعرفهم بعد.. ..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟

تقريبا 4 الاف..
بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..

برضو حمله تبرعات الراجحي..

ترا اكثر من تبرع فيها شباب..

((المواقف مذكوره عشان ابين انو فيه ناس كويسه,,يعني ابين الجانب الايجابيه))

يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال. . بس برضو بحدود..

موب عشانكم ورا الشاشات يعني عادي؟؟

(هياط ورا الشاشه = مرض)
http://ar.netlogstatic.com//p/oo/003/199//3199549.jpg
الصور اللي من النوعيه اللي ذكرتها في البدايه.. بطلو تصورونها .. اوحتى تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..

اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى !!

وابي اتطرق لموضوع بيخش فجأه

بس لازم اعلق عليه(( فضيحه بنت .. الخ)) هالنوعيه من الصور والفيدوهات....

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!

قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..

يهمني الموضوع ينتشر في المنتديات السعوديه.. اكثر من المنتديات العربيه..

لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..

ابغى اذا احد قال((احلى تحيه لشعب السعوديه)) وعادها 6 او 10 مرات..
اعرف ليه قالها.. واقول معه حق

أنا أحتج على العنوان .
العنوان فيه إساءة لنا جميعا .
المنحط على نفسه ، وفي كل بلد هناك صالحون ومنحطون ، وبلاد الحرمين بفضل من الله تعالى ، أكثر بلدان العالم انضباطا في الأخلاق والقيم والمبادئ .
ولا ننكر الشواذ ، والساقطون ، وظاهرتهم المنتشرة ، لكن أن يقول الكاتب : ( انحطاط سعودي ) فهذا غير مقبول ، من المعروف أن أهل السعودية رجالا ونساء - ولله الحمد - فيهم خير كثير .
فلا يعمم هذا القائل : ( انحطاط سعودي ) .

والظاهرة الشاذة تناقش بأفضل من هذا الطرح .
وما الذي نستفيده من نشر صور شاذة لأناس ساقطين .

مثل ما قال أخوي الفاضل متأمل
العنوان عم الشعب كامل
وهذا ظلم وتجني كبير ولا يجوز تعميمه




للأسف نظرتنا دائماً للناحية السلبية
وتجاهل الناحية الإيجابية العظيمة

واساساً هؤلاء فئة بعيدة كل البعد عن الدين وحدوده
والأسباب الرئيسية ( ضعف الوازع الديني - والأنفتاح الكبير دون توجيه أو تربية )

لا نملك ألا الدعاء لهم بالهداية ونصحهم
وكما قال الرسول صلى الله عليه وسلم { مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ }


شكراً بنت الزين

أهلا بكم .. وأشكركم جميعا ..

وكم أتمنى من كل بنات وطني المرور على هذا الموضوع وأن يستغيد من كل حرف كتب هنا ..
" اللهم احفظ بنات المسلمين وانفع بهم الإسلام والمسلمين يارب واجعلهم خير خلف لخير سلف " ..

الجيل الجديد يعيش فوضي جنسيه و الانحراف غير مستبعد ومتوقع الا من اصلحه الله والله يهديهم ان شاءالله


لنعطيهم فرصه يتحابون ويذهبون الي الجحيم بعدها غير ماسوف عليهم
والجميع يتحمل مسؤاليه هولاء من اهل ومجتمع لاينكر مثل هذه الاشياء بعلانيه واضحه وصريحه


شكراَ علي الانحطاط المبكي:icon_cry:

لا نستنكر أن هُنالك فئات مثلما ذكرت قد وصل بها الإنحطاط إلى درجةً تفوق الخيآل , و لكن تُعد على لأصابع , و الفضل لله ثم لـ هيئة الأمر بالمعروف و النهي عن المنكر ...,





و لا ننسى أن هُنالِكَ دول حاقده على المجتمع السعودي المسلم , لإتباعه المنهج الإسلامي الصحيح و إقتدائه بـ الرسول عليه أفضل الصلاة و أتم التسليم







و يحاولون تشويه سمعت الفتاة السعودية المسلمة ,






شاكر لكِ الموضوع المثير للجدل و أسلوب طرحك كان حماسي شويّ





تقبلِ تواجدِ




أبيض و أسود

ما اقول الا الله يصلح شبابنا بس

حقاً ما ذكرتيه أختي بنت الزين
والوضع مؤلم جداً ولكن لا يمكن بأي حال من الأحوال تعميمه
فهم فئة ضالة متبعة ومبتدعة ولا تعرف لها طريقاص تسير به
ولكنها تتبع طرق أهل الفسق والانحراف وتفتدي بهم

أعود وأذكر أن التربية الخاطئة وضياع البيت وأهله هم سبب
تلك الانحرافات التي نراها كل يوم ما بين شباب وبنات مجتمعنا المحافظ

ولا يمكن أن نهمل جانب الوزاع الديني والخوف من الله وعقابه
ولا أن نتجاهل أدوار المدرسة أو الجامعة وكذلك البيئة المحيطة بشبابنا

ألف شكر لك بنت الزين
والله يحفظك ويرعاك

اخواني .. :-
قرقوش .. أبيض وأسود .. أحساس واثق .. السلطان..
ألف شكر على المرور الطيب .. وألف ألف شكر على الردود الرائعة ..
وأتمنى عموم الإستفادهـ ..

هذا في كل شعب مو السعوديه لحالها ولكن صح انهم شوهوا سمعت السعوديه اما
كانت بنت او ولد لان البلاد الاخر تنظر الى بلادنا خالي من هذه التصرفات
انا قبل ايام وجهت احد من البلاد العربيه يقول استغربت بما شفت من شباب السعوديه
لا اتصور انهم هكذا لان شاف فيهم الدجه والضياعه كلها حتى اوقات الصلاه يجلسون في السياره الى
متى يخلصوا الصلاع....... ما نقول إلا الله يهدينا وايهديهم بكل خير وصلاح