|
||||||||||||||||||
على قد الغياب اللي يجي عيني يجيك الشوق
مسائكم خير وَ رضا
قصيدة رائقت لي وحبيت اطرحها امامكم للشاعر / سعيد بن مقبل الأكلبي على قد الغياب اللي يجي عيني يجيك الشـوق=لا عاد تحاول انّك تسْتحـث الشـوق ياغايـب انا لاكان اجامل جيّتك فـي داخلـي محْـروق=وهاجوسٍ يجي صامل وهاجوسٍ يجـي هايـب معي قلب بدوي يمكن غشيمٍ في حيـاة الـذوق=لكن اصدق من اللي توّه من المعصيـه تايـب وش اصدق من محبة واحدٍ قلبه يحـب النـوق=تولّع فـي محبتهـا شبـاب وحبّهـا شايـب لكن لا شافها تاخذ حقوق ومـا تُـردْ حقـوق=يهَبْطْها على سوق الحـلال وخاطـره طايـب وانا ياطول صبري يوم ادوّر قلبـي المسْـروق=واحاول فيه يجْمد فـي معاليقـه وهـو ذايـب ياكم لي مدةٍ وانا اطلبه يصحي معـي ويفـوق=واقوّي له عزومه واشْحذ الهمّه وهـو آيـب ويوم انّه تعافى واصبحت فيه ارْبطه وعـروق=تجي وتْقول من عقب البطا شف ويش انا جايب مابي شوف السحاب اللي يجي كلّه رعد وبْروق=ووقْعه في خلايا الارض لا مخْطي ولا صايـب انا من عادتي لاصار مالـي حاجـةٍ فالسـوق=ماروح اعيّـب الممـدوح والا امـدّح العايـب تعال نقوّم صفوف الحنـان ونلْعـب الطـاروق=ونبدع لك بيوتٍ كنّها مـن بـدع ابـن ثايـب بلا هم و وجع راس ومشاريه وعتب وحْقـوق=لا كان الشوق غايب طاري الفرقا بعـد غايـب
|
17 Jun 2011, 10:18 PM | [ 2 ] | |||||||
عضو متميز
|
رد: على قد الغياب اللي يجي عيني يجيك الشوق
قصيدة جميلة أخوي تركي وصح لسان الشاعر سعيد الأكلبي وسلمت يديك على نقلها لنا |
|||||||
|
||||||||
18 Jun 2011, 01:16 AM | [ 3 ] | |||||||
عضوة متميزة
|
رد: على قد الغياب اللي يجي عيني يجيك الشوق
الله الله قصيدة آكثر من رائعة .. صح لسان شاعرها .. وسلمت يمينك .. شكرا |
|||||||
|
||||||||
19 Jun 2011, 08:33 PM | [ 4 ] | ||||||||||||||||||||||||||||
عضو متميز
|
رد: على قد الغياب اللي يجي عيني يجيك الشوق
الأجمل هو حضورك يالبرنس اسعدني تعطيرك وتواجدك هنا ممنون لك |
||||||||||||||||||||||||||||
19 Jun 2011, 08:35 PM | [ 5 ] | ||||||||||||||||||||||||||||
عضو متميز
|
رد: على قد الغياب اللي يجي عيني يجيك الشوق
الآروع تواجدك وتعطيرك يالساريه الله يسلمك ويخليك لعين ترجيك ممنون لك |
||||||||||||||||||||||||||||
20 Jun 2011, 01:53 AM | [ 6 ] | ||||||||
شاعر
|
رد: على قد الغياب اللي يجي عيني يجيك الشوق
قصيده في قمة الروعه
واختياااااار ونقل في قمة الذوووق صح لسان شاعرها وسلم لنا ذوووقك واختيارك الجميل تحياتي |
||||||||
22 Jun 2011, 07:02 PM | [ 7 ] | ||||||||||||||||||||||||||||
عضو متميز
|
رد: على قد الغياب اللي يجي عيني يجيك الشوق
حياك الله يا ابو عبيد وصح بدنك الآروع هو حضورك وتواجدك هنا تسلم على تعطيرك ممنون لك |
||||||||||||||||||||||||||||