أبي عقب التعب راحة / لقى فيني التعب راحة

يعين الله يادنيا تسـوق ايّامهـا الأحــزان=يعين الله .. وانتي مثل قفـل ٍ ضـاع مفتاحه


يعين الله ... وجروحي لها في كلّ وقتٍ شـان=كذوب اللي يقول ان الزمن بيـداوي جراحه


سقى الله يوم انا يمـّه غرير ٍ يزعج الجيران=سقى الله يوم انا طفلٍ يصج البيت بصياحه


سقى الله يوم كان اقصى طموحي .. لعبة الدنان=نهاية يومي المغرب ... واخاف الليل واشباحه


سقى الله يوم انا البس بشت ابوي وثوبه القيطان=واقلد كلّ شيٍ فيه .. حكيه .. جدّه .. مزاحه


واشيل المسبحه مثله ليا هوجس وهو سرحان=بيشعر ...واحسب ان اللي عطاه الشعر مسباحه


سقى الله بيتـنا ذاك البسيط مشقق الجدران=شجـاع ٍ يهزم الغدراء … بقنديله ومصباحه


تكحِّلنا القناعه .. لا طمع .. لا هم .. لا حرمـان=واذا جاء الليل تكفينا ... ثلاث اخوان .. طرّاحه


جميع الذكريات اللي غدت في قفرة النسـيان=يحـاكي حلوها عبره ... بموق العين سبّاحه


خذتني غربـةٍ عنوانها ... غربه بلا عنوان=ابي عقب التعب راحه ... لقى فيني التعب راحه


رجعت اليوم مثل اللي رجع عقب القنص خسران=غدا طيره وجاء يسحب سلـوقيه وملواحـه


قصيده مابَعَد مرّت ببال مسـاعد وضيـدان=هواجـيس ابدويٍ هايـم ٍ في عشق فـلاحه


وروح ٍ تايبـه كانت تبي لذنوبـها غفـران=خطـاي انّي كتمت اسرارها بعيـون بواحه


تقولين المطر ماهـوب … يمّـه دايمٍ هتان=اجل معذور قلبٍ في همومه ضاعت افراحه


انا يمـّه غلطت ولاني اول واحـدٍ غلطان=ابونا آدم من الجنه خرج باسباب ... تفاحه


خذلك الوقت فيني .. ماخذلتك ياأعـز انسان=وش الدبره ؟ وحظي صار.. قفل ٍ ضاع مفتاحه

اختيار رائع وراقي ياحاتم

صح لسان الشاعر

وسلمت يمنكـ

دمت

وش الدبره؟ وحظي صار قفلٍ ضاع مفتاحه..


أبيات رائعه تجسّد هموم شاعر وخيبة أمله وحظه مع الدنيا


سلمت يمينك أخوي حاتم

ولاهنت على الطرح المميز ..

صح للسان الشاعر

الله يعطيك العافية حاتم الشدادي

		المشاركة الأصلية بواسطة : حاتم الشدادي اقتباس
	انا يمـّه غلطت ولاني اول واحـدٍ غلطان=ابونا آدم من الجنه خرج باسباب ... تفاحه خذلك الوقت فيني .. ماخذلتك ياأعـز انسان=وش الدبره ؟ وحظي صار.. قفل ٍ ضاع مفتاحه

تسلم أخوي '{ حاتم الشدادي ..

~ والله يعطيك العافيه علآ هالنقل الجميييل ..

صح لسانك ياحاتم الشدادي
رائعة
سلمت يمينك

		المشاركة الأصلية بواسطة : الجازي اقتباس
	اختيار رائع وراقي ياحاتم صح لسان الشاعر وسلمت يمنكـ دمت

الراقي حضورك يـ الجازي
وعسى الله يسلمك ويعافيك

		المشاركة الأصلية بواسطة : شوق شداد اقتباس
	وش الدبره؟ وحظي صار قفلٍ ضاع مفتاحه.. أبيات رائعه تجسّد هموم شاعر وخيبة أمله وحظه مع الدنيا سلمت يمينك أخوي حاتم ولاهنت على الطرح المميز ..

الله يسلمك يا شوق شداد
أشكرك على هذا الحضور

		المشاركة الأصلية بواسطة : رعد الجبوب اقتباس
	صح للسان الشاعر الله يعطيك العافية حاتم الشدادي

الله يعافيك يا رعد الجبوب
شاكر لك حضورك

		المشاركة الأصلية بواسطة : شرقاوية اقتباس
	تسلم أخوي '{ حاتم الشدادي .. ~ والله يعطيك العافيه علآ هالنقل الجميييل ..

الله يعافيك ويسلمك يا شرقاوية
شاكر لك حضورك أختي