الخواجات ...

اقبلت وانا اشوف شبت النار وهالقصيرين اللي يقومون الملعبه
قلت اخذ الخبر الوكاد



جورج و جيانق
جورج بوش

سلام رديه على حاكم الصين =بالخير ياراعي النظام الشيوعي
ياجيانق زيمن نبي منك قافين =والبرق عانه فالمخايل يزومي

جيانق زيمن

يامرحبا ياقايد الغرب واهلين = ترحيبة ترضي غفير الجموعي
البرق عانه يبرق يسار وايمين =يوم الرعد حدر السحايب يروعي

جــــــــــــــــــــورح

ماجيتنا ليلة لفونا المهنين =يوم واشنطن تشب الشموعي
ليلة حكمت الكون في عام الالفين =جوني هل الطولات غصبن وطوعي

جيـــــــــــــانق

ارسلت لك يابن النشامى خطابين =جت لك مناديبي تبارك فزوعي
وانا حكمت الشرق في عام سبعين =مااعلنت للحكام قبلك خضوعي

جـــــــــــــــــورج

انته تحسب الكون باقي بقطبين =الراسماليه وطت كل شوعي
يانايم اصحى مرت اعوام وسنين =ماعاد فيها ياابن زيمن رجوعي

جيـــــــانق

يابوش حنا بالسياسة ملمين =ومن دون هيبتنا بنينا الدروعي
ليتك تحل المشكلة في فلسطين =عزالله ان ابوك ماهو طقوعي

جـــــــــــــــــــورج

ياجيانق انا طوفت وحده وثنتين =والثالثه بتكون بين الضلوعي
الطايرة وش علمها فالها الشين =اللي لها بحماك حول السبوعي

جيـــــــــــــانق

الطايرة ماردها غير بكين =جانا يقالبها خبيث الطبوعي
وين احترام الانظمه والقوانين = مثلك عن سلوم الدول ما يتوعي

جـــــــــورج

ماهيب يمك رايحه للفلبين =فوق المحيط الها نزول وطلوعي
مار اعترضها دربها بالشياطين =عز الله اني من سواتك جزوعي

جيـــــــــــــــانق

يابوش بابن البوش تلعب على مين =ماهوب انا اللي بالكلام مخدوعي
يابوش وطتها فالارض الشياهين =كانت تجسس وهزعتها هزوعي

جــــــــــــــــــورج

هات الادله كان هندك براهين =يومك تقول ارخت عليك السموعي
مخطين ياهل الصين مانتم بمقدين = وشيهانكم عود غراب خروعي

جيـــــــــــــــانق

ركابها يابوش خمسه وعشرين =عسكر من الجيش النظامي نزوعي
حاصرتهم يابوش بالجيم والسين = حتى خذيت العلم منهم قطوعي

جــــــــــــــــــــــــورج

عينت طيارك غدا راسه طحين =وامه على قبره تهل الدموعي
الطايرة ترجع لنا بعد يومين = اخذ الكلام ولا تطول تعومي

جيــــــــــــــــــانق

خل العلوم قصار واسمع لنا زين =عسكرك جولك يالسنافي رجوعي
والطايرة لا عاد تنشد لها وين =راحت ديه في واحد من ربوعي

ما قصرتي يا المستحيله و الله انها اعجبتني.................ابن مهرس

الحقيقة أتحفتينا يالمستحيلة !!!
تقطعت جنوبي من الضحك ، خصوصاً من رد (جيانق) :
ليتك تحل المشكلة في فلسطين ---- عزالله ان ابوك ماهو طقوعي

والطايرة لا عاد تنشد لهـا ويـن,,,, راحت ديه في واحد من ربوعي

جيانق زيمن
انا اشهدنه ذيب ولد ذيب

مشكوره يالمستحيله

بسم الله الرحمن الرحيم

المستحيله

مشكوره محاوره مثيره جدا

يابوش يابن البوش تلعب على مين00 ماهوب انا اللي بالكلام مخدوعي

جيـــــــــــــــانق

يابوش بابن البوش تلعب على مين=ماهوب انا اللي بالكلام مخدوعـي
يابوش وطتها فالارض الشياهين=كانت تجسس وهزعتها هزوعـي

جــــــــــــــــــورج

هات الادله كان هنـدك براهيـن=يومك تقول ارخت عليك السموعي
مخطين ياهل الصين مانتم بمقدين=وشيهانكم عود غـراب خروعـي

جيـــــــــــــــانق

ركابها يابوش خمسه وعشريـن=عسكر من الجيش النظامي نزوعي
حاصرتهم يابوش بالجيم والسيـن=حتى خذيت العلم منهـم قطوعـي

جــــــــــــــــــــــــورج

عينت طيارك غدا راسه طحين=وامه على قبره تهل الدموعـي
الطايرة ترجع لنا بعد يوميـن=اخذ الكلام ولا تطول تعومـي

وش هالمحاورة يالمستحيلة ؟!!!

من عجايب الزمن

والله إني أتخيل صف الصين ما يشاف آخره من كثرتهم

وبعدين زيمين ما عبر بوش ولا همه !!!

ودنا بمشاركات كهذه المشاركة الرائعة

عشتي يالمستحيلة

«®°·.¸.•°°·.¸¸.•°°·.¸.•°®»مشكوره يا المستحيلة والله انها حلوه...
وانشاءالله الى الامام....
وشكرا.......«®°·.¸.•°°·.¸¸.•°°·.¸.•°®»

الله يسعدك يابن مهرس ياهلا والله ..

عبدالله .. اسعدني انها اعجبتك ..

عواض ... تواجدك .. يطربني..