ياسعد شد الحزام ليلنا الليله طويل

ياسعد شد الحزام ليلنا الليله طويل= عقب ماجاء للعقد ياسعد حلالها
إنجلة شمس الحقيقه وهم الليل زيل=والسعد جاب اللحن والفرح غنالها

انكشف صدق الخبر عجل اقرب يازميل=عطني الموجز وانا مرتكي واشتالها
جيت يالله تهيي كل علم ن جميل=طيب ن فال المعاني طيب الله فالها

بارك الله فالجمل دامه الحمله يشيل=غيرها ماظنتي ترتكي لحمالها
عبر موجات الفظاء وش بعد ماكان قيل=عادتي ون جت قريبه اجل اجلالها

ااااااااااااستلم لاهنت

ياهديب الخير قلي وش حصيلك للعميل=يوم هذيك الرساله منذبح مرسالها
بالثقيله مايشح الا البخيل ابن البخيل=والمعالم عانها منكشف مدخالها

علمو قوم المجالس تزيد البن هيل=والاصيله لايجي عيبها خيالها
ياسعد حنا ترى ماطلبنا المستحيل=من بغى العلياء يقول المثل يرقالها

اخوي الغالي سعد البارح الله يطول في عمرك كان شيطان الشعر مسجل حضوره
عند اخوك ابو راكان وكنت ارد في اكثر من موضوع في وقت واحد
المهم دخلت علينا عين ماصلت على النبي والله مدري من وين جايه !!؟؟ههههههه
والحمدلله جت في الجهاز وسلمت انا وشيطاني هههههه
والنتيجه إن الجهاز يطلبك الباحه احترق
وللي قاهرني ردي هو اللي فيه مربط الفرس وخلاص حاط ارسال وهو يطفس حسبي على من كان السبب ؟؟
والليله مسير على واحد واخذ جهازه لأني ادري انك ماتدري وين رحت !!
والليله وصلنا والحمدلله على السلامه .

مد فنجالك تقهوى واللبن وسط الصميل=ومن يعاين بعينه في يدي خلالها
ارحب ارحب ياكريم النفس والراي الثقيل=قالها سلطان قبلي ياهلا برجالها

ماصار الا الخير يابو راكان الي عندك مخبور والضن فيك
وفي شرواك سما..استمتعت معك البارح وزدت استمتاع
بردك وتواجدك اليوم واستئذن منك الحين واتشرف بك
باي وقت وفي كل مكان ....

اخوك

بيض الله وجيهكم يا أبو راكان ويا أبو عبد المحسن

من زمان مبطين عن المحاورات في هذا القسم

وما أقول إلا الله يعطيكم ألف عافية ويطول في عماركم

استمروا فنحن جميعاً متعابعون لكم

لعبنا معنى دخيلك بلاش انه يميل=ناظر وناظر وعيد النظر وقرالها
والله انه مايعز الوطن ابن الدخيل=ولا بنا مجد الأمم غير كف عيالها

اخوي سعد كل العذر من شخصك الكريم لاكن مثل ماقلت لك والله جهازي يبغاله اكثر من شهر علشان يبدلون بعض القطع فيه وطبعاً القطع طلبيه والله يعين .

نرجع للمحاوره ايه اخوي لذة المحاوره عندما تناقش قضيه ويكون عليها النقض والفتل سواءً إجتماعيه او سياسيه بعيداً عن المهاترات والعصبيات التي اكل عليها الزمن وشرب .
وهذا قمة ذوق المحاوره وروحه مثل ماالنظم قمته وروحه تكون بالغزل وهذا الكلام عام لاأقصد به شيء وصدقني يابو عبدالمحسن اني ارتحت معك ولوانك مافهمت وجهتي لاكن تبقى قمة الذوق يا اباعبدالمحسن .
وتقبل خالص مودتي
اخوك ابو راكان

شكرا للجميع

ماقصرتو يابو عبدالمجسن انت وسعد والله يعطيكم العافيه