للطيب ناس ويجرف لردى ناس!!

بأطى برجلي فوق صحبة بعض ناس=وبأصد عنهم وأتكفى غثاهم
لأني وفيت ألهم بلا حساب وقياس=ولاشفت من صحبتهم الا رداهم
ناسٍ كما حبرٍ على فرخ قرطاس=أدناة شيٍ يختلط به محاهم
صدقت ياللي قلت فالعالم أجناس=تعرف هويات العرب من لغاهم
وأنا أبتليت بشيٍ يشيب الراس=وياكثر مايخطون وأدمح خطاهم
من حشمة الصحبه وأثر مالها ساس=لعبة مصالح قبح الله لحاهم
واليوم يابحر الوفاء عذب الأنفاس=لاعاد تطريهم على اللي نساهم
حبل الرجى دوب إنقطع وأبتدى الياس=والله كتب لي يتظح مستواهم
بأحفر وأبى أدفن ذكرهم تحت الأطعاس=والله يقدرني وأكفن غلاهم
جزاي منهم صار ضيقه وهوجاس=وهذا ترى مني قليل بجزاهم
للطيب ناس وينجرف لردى ناس=والله لأجننهم ولأبحث خفاهم
ماعاد لي مع ذيك الأشكال مجلاس=وش نرتجي مارزقنا في يداهم
أشهر كما يشهر مع الجو قرناس=ما دام مالي غايةٍ من وراهم
وجه السماء ماينحصر بين الأقواس=وش صالحي لوكان يضلم سماهم
في ذمتي ياناس ما أرضى لهم باس=لكن وفيت ولا تبين وفاهم
وأخاف من شخصٍ يجي مثل جساس=يردني لو كان مقفي علاهم

صح لسانك وعلا شانك

متعة فائدة حكمة روووعة جمالية ابداع احترافية لمسات خرافية شاعرة منبثقة وجزالة في كل حرف صور وتشبيهات مفردات لوحات تشكيلة خبرة جميعها اجتمعت في قصيدة واحدة تعجيزية من قلم الرحال
ماذا عساني ان اقول
رفقة اللاش مالها ساس ورفقة منهم شرواك ترفع الراس
لايخفاك انك فقيدة وفقدناك ياابيض الوجه لاكن جيتك مسكتة وجبت الغنيمة

تقبل مروري

ما شاء الله تبارك الرحمن

مبدع أخوي و صح لسانك ملايين

الله يحفظك و يسعدك أخوي رحال على روائعك

صـــــــح لـــسانك اخي الرحال على هذه الدرر الجزله والحكم

وجه السما ماينحصر بين الاقواس
وقصيدتك اخي رحال
تتقزم الاقواس حولها
وارى نفسي قزما امام هذه الرائعه وكاتبها
شكرا على هذا النص
وتقبل تحياتي

صح لسانك ملايين

ولاهنت والله على هذه الرائعه

بيض الله وجهك يا ولد عمي
كفو والله يا أبو ضاوي
وصح لسانك ملايين

صح لسانك وبيض الله وجهك
على القصيده المميز ولاهنت

الرحال
شعرك يمتع القاريء والزائر
عشت ونريد المزيد من جزل القصيد

باحفر وبادفن ذكرهم تحت الاطعاس
والله يقدرني واكفن غلاهم
لله درك يالرحال ودر هالقصيده الشامخه والراقيه بمعناها ومبناها وقافها صح لسانك مليارات وسلمت وسلم احساسك والكفو شرواك في هالزمن طبيعي لاتعب ومد كف الوفاء ولالقاء مايسره
تقبل تحياتي,,,